Mi Doagidima 16
16
U Tienu pabienli tadiñokaamu
16.1—20.10
U Tienu pabienli tadibuomu
1N den gbadi u nialiciamu ke u maadi U Tienu diegu nni, ki yedi bi malekileleediba: «Gedi mani ki wuli, ki tinga po U Tienu pabienli cuonu yuu n ye tadibuomulele nni.»
2O malekikpialo den gedi ki wuli yaala n ye o tadibuoga nni ki tinga po, ke yaa sinala n bia ki koani boncianla cuo yaa niba n pia ki fuayanga maalima, ki gbaani ki kpiagidi o nannanli. #Ñam 9.10.
3O malekilielo den wuli yaala n ye o tadibuoga nni mi ñincianma po, ke mi lebidi ki tua soama, yaama n tie nani mi tinkpisoama yeni, ke yaala n fo ki ye mi ñincianma nni kuli kpe.
4O malekitaalo den wuli yaala n ye o tadibuoga nni i kpeni leni a ñinbuna po, ke lani mo lebidi ki tua soama.#Ñam 7.17-21; Ps 78.44. 5N den gbadi ke yaa maleki n die mi ñima kuli yedi:
«Fini yua n ye moala, ki den kpa ye,
Fini yua n gagidi ki ŋani,
A tiegi leni ŋan jia bi niba buudi maama.
6A teni ke bi ñuni
Ban den wuli yaa nigagidiŋanba
Leni yaa saawalipuaba kuli soama.
Bi ŋani yene!»
7N go den gbadi ke u nialu ñani li padibinbinli kani ki yedi:
«Yeni de! Fini o Diedo U Tienu,
U Paaciamu Kuli Daano,
A bujiali tie moamoani ki go tiegi.»
8O malekinaalo den wuli yaala n ye o tadibuoga nni u yienu po, ke u baa u paalu ki fulini bi niba leni u mu. 9Ku tontonbiadigu den fulini ba ke bi sugidi U Tienu yeli, wani yua n die laa falabiadi yeni. Baa den lebidi bi pala ki kpiagi U Tienu.
10O malekimuulo den wuli yaala n ye o tadibuoga nni ki fuayanga bali kalikaanu po, ke o diema kuli biigi. Bi niba den ŋmani bi landi, kelima bi funfunma po, #Ñam 10.21. 11ki sugidi tanpoli Tienu, kelima bi funfunma leni bi sinala po. Ama baa den lebidi bi pala bi tuonbiada po.
12O malekiluobilo den wuli yaala n ye o tadibuoga nni u kpenciamu Efrati po ke u ñuudi, ki baa pigidi u sanu yaa diema n ye hali puoli po yaa badiba n baa yaa tagi naankani. #Esa 11.15. 13N den laa cicibiadimutaa, yaamu n tie nani a loanda yeni, ke mu ñani o bonfuodibiado, ki fuayanga leni o saawalipua-faadaano yaa ñoana nni. 14Mu tie yaa cicibiadimu n tiendi yaa bancianma n tie mi maalima. Mu caa ki tinga kuli badiba kani, ki baa taani ba bu toabu po, U Tienu U Paaciamu Kuli Daano dacianli daali.
15O Diedo yedi: «Diidi, n baa cua ki ludi yi nani o suudo yeni. Li pamanli baa yaa ye leni yua n guu ki kubi o tiayiekaadi, ke wan da cuoni mubima ban le o fe.» #Mat 24.43-44; Luk 12.39-40; Doa 3.3.
16Mu cicibiadimu yeni den taani ŋanduna badiba yeni Hebilu maama n yi yaa kaanu Amagedo#16.16 Amagedo bundi Megido juali. Li tie naankani ke bu toabu den biagi hali boncianla. Diidi Bi Bujiaba 5.19; Badiba Tilieli 23.29-30. po. #Sak 12.11.
17O malekileleelo den wuli yaala n ye o tadibuoga nni mi fawaama nni. U Tienu diegu nni, u nialiciamu den maadi li bali kalikaanu kani ki yedi: «Li tieni ki dudi n yeni.» 18Mi tañigima, i niali, i tatantani leni mi tindigibicianma den tieni. Hali bi niba n cili ki ye ŋanduna nni, ki taa ki pundi hali moala, laa tindigibima buolu daa tieni. #Doa 8.5; 11.13,19. 19U dociamu tinga den yagidi kaanitaa. I nilanbuoli dogi mo den baa ki mudi mudi. U Tienu den tiadi u dociamu Babilonni yeni po, ki baa teni wun ño yaa duven n ye o pabiencianli tadiñokaaga nni. #Esa 51.17. 20A kpendega kuli den bodi, baa go den laa a juana mo. #Doa 6.14. 21A tatanciama, ya n den kpiagi hali boncianla mo den ñani tanpoli ki baa bi niba po. Bi niba den sugi U Tienu, kelima a tatana yeni falabiado po. Laa fala den bia hali ke li kandi. #Ñam 9.23; Doa 11.19.
Currently Selected:
Mi Doagidima 16: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
