Mi Doagidima 15
15
Malekinbilele leni falabiadilele
1Lani n den laa maaliciantoama tanpoli po, yaama n yabi ki pia li pakili. Malekinbilele den kubi falabiadilele, yii n tie i falabiadi-juodike, kelima U Tienu pabienli cuonu baa tieni ki dudi leni laa falabiadi yo.
2N go den laa yaala n naani leni mi ñincianma, ke li tie tanpenpelinma ki kali leni u mu. N go laa yaaba n paadi ki fuayanga, o nannanli leni o yeli coali, ke bi se mi tanpenpelinma yeni po. Bi den muubi U Tienu n den teni ba yaa gogiditi, 3ki yiini U Tienu naacemo Musa yanbu, buni, ki Pebiga yanbu, ki tua:
«Li Miali Diedo U Tienu U Paaciamu Kuli Daano,
A tuona yabi ki pia mi ñuadima.
A sani tiegi ki tie moamoani,
Fini yua n tie i nibuoli kuli bado. #Ñam 15.1.
4Ti Diedo, ŋme n ye kaa baa fangi a
Ki kpiagidi a yeli?
Fini bebe n gagidi ki ŋani.
I nibuoli kuli baa cua
Ki labini a nintuali ki kpiagi a,
Kelima a teginma doagidi.» #Jer 10.7; Ps 86.9.
5Li yaa puoli, n den laa U Tienu diegu ke siedi gbandieli mo luodi tanpoli po. #Ñam 38.21. 6Yaa malekileleediba n kubi i falabiadi-leleedi yeni, den ñani U Tienu diegu nni, ki yie yaa tiadi n ŋani ki pia ti kpiagidi ki ñuliti, ki ñaagi bi bena wula gbanñagiditi. 7A bonfuodinaada siiga, yendo den teni bi malekileleediba yeni wula tadibuomulele, yaamu n gbie leni U Tienu yua n ye hali yaa yogunu kuli pabienli cuonu. 8U Tienu kpiagidi leni o paalu den teni ke o dieli gbie leni i muñii. Oba kuli ki den fidi ki kua U Tienu diegu nni, hali bi malekileleediba n kubi yaa falabiadi-leleedi n ban tieni ki dudi. #Ñam 40.34; 1Bad 8.10-11; 2Baj 5.13-14; Esa 6.4.
Currently Selected:
Mi Doagidima 15: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
