Mi Doagidima 11

Bi siediliediba

1Bi den teni nni yaa kankagili n pa nani u gbiamu yeni, ki tie bonbiigikaala, ki yedi nni: «Gedi ki biigi U Tienu diegu leni li padibinbinli, ki coadi yaaba n ye likani, ki kpiagidi U Tienu. #Esk 40.3; Sak 2.5-6. 2Ŋan cedi ki da biigi o diegu luolu, kelima bi ŋaa u bi nilanba po yo. Bi baa yaa ŋmaadi ki biidi o dogagidiŋamu hali piinaa n ŋmaalilie. #Luk 21.24.

3N baa pa n siediliediba u paalu, ban yaa pua saawali hali tudili n kobilie n dana piiluoba. Bi baa yaa yie li paboanli tiadi.» 4Bi jaba yeni tie olivie tiliedi leni i fidisantuankaanliedi, yii n se ki tinga Diedo kani. #Sak 4.2-3,11-14. 5O nilo yaa bua ki tieni ba yaala n bia, u mu yeni baa ña bi ñoana nni ki bolini bi yibalinba. Tiladi yua n bua ki tieni ba yaala n bia baa kpe yene. 6Bi pia u paalu ki baa luoni tanpoli, ke ki taaga n da mi ban baa pua saawali yaa yogunu. Bi go pia u paalu ki baa teni i kpeni ñima n lebidi ki tua soama, ki go teni o falabiado buoli kuli n baa ki tinga nni, ban bua yaa yogunu kuli. #1Bad 17.1; Ñam 7.17-19; 1Sam 4.8.

7Bi yaa tieni bi siedi ki gbeni, ki fuayanga yua n baa ña u kulu nni, baa tuogi leni ba ki paadi ba ki kpa ba, #Dan 7.7,21; Doa 13.5-7; 17.8. 8ki ŋaa ban yaa bili u dogu fanma nni, ban pua mi kpanjama ki yini yaa dogu Sodomi leni Ejipiti. Lankane ke bi den joani bi Diedo li dapoanpoanli po, ki kpa o. #Esa 1.9-10. 9I nibuoli, i mabuoli leni mi diema nni kuli, bi niba baa yaa diidi bi tinkpila hali danataa leni boagidima, ki yie ke bi kan piini ba. 10Ki tinga nni yaaba kuli pala baa mangi boncianla, kelima bi kuuma po. Bi baa tieni i badi, ki mangi bi pala, ki soani biyaba po bu paabu, kelima bi saawalipua-liediba yeni den wangi ki tinga nni yaaba o falabiado.

11Danataa leni boagidima yeni n den pendi, li miali fuoma den ñani U Tienu kani, ki kua bi niinni ke bi fii ki sedi. Lanwani, ti jawaanciandi den cuo yaaba n nua ba. #Esk 37.10. 12Bi saawalipua-liediba yeni den gbadi ke u nialu kpaani tanpoli po, ki yedi ba: «Do mani na!» Bi den kua ku tawaligu nni, ki doni tanpoli po ke bi yibalinba nua. #2Bad 2.11. 13Lanyogunu liga, mi tindigibicianma den tieni. U dogu yeni kaanpiiga kuli, kaanyendu den baa ki mudi mudi. Niba tudalele mo den kpe, kelima mi tindigibima yeni po, ke ti jawaanciandi den cuo yaa niba n sieni kuli, ke bi kpiagi U Tienu yua n ye tanpoli po ki die. #Doa 6.12; 16.18.

14O falalielo pendi, o falataalo baa cua ke li kan waagi.

O malekileleelo piebi kakaci

15O malekileleelo den piebi kakaci. I nialiciami den kpaani tanpoli po, ki yedi:

«Moala ŋanduna diema tua ti Diedo

Leni wan Gandi Yua yaa yaama.

O baa yaa die hali yaa yogunu kuli.» #Ñam 15.18; Dan 2.44; 7.14,27.

16Bi piiliedi n nikpenaadiba yaaba n kaa bi bali kalikaani po U Tienu nintuali, den labini ki kpiagi o, 17ki yedi:

«Ti Diedo U Tienu U Paaciamu Kuli Daano,

Fini yua n ye moala, ki den kpa ye,

Ti tuondi a kelima a taa a paalu ki diedi.

18I nibuoli bieni bi pala,

Kelima a pabienli cuonu yogunu pundi.

Ŋan baa jia ti buudi

Leni bi tinkpiba yaa yogunu pundi.

Ŋan baa pa a naacenba

Bi panpaani yaa yogunu pundi.

Bani, a saawalipuaba, bi nigagidiŋanba

Leni yaaba n fangi a yeli,

Taliginba leni bi paatieba kuli.

Ŋan baa bolini yaaba n den bolini

Ki tinga moko yaa yogunu pundi.» #Ps 2.5; 110.5; 115.13.

19Bi den luodi U Tienu diegu tanpoli po, ke ku ŋantaadikpaku doagidi lienni. Mi tañigima, i niali, i tatantani leni mi tindigibima den tiendi, ke a tatana baa boncianla. #Doa 8.5; 16.18,21.

Currently Selected:

Mi Doagidima 11: BGP

Highlight

Copy

Compare