Mi Doagidima 10
10
Maleki leni ki tibiga
1Lani n den laa malekitoa yua n pia u paalu, ke o ña tanpoli po ki ji. O den bobi ku tawaligu nani ti tiadi yeni. O taniano den yilini o yuli. O nunga den tie nani u yienu, ke o taana mo tie nani u mu yeni. 2O den muubi ki tibiga o nuu nni ke ki gbabidi. O den ŋmaa o jientaali mi ñincianma po, ki go ŋmaa o gantaali mo ki tinga po, 3ki tiani boncianla nani o yangbanlo n duni maama. Wan den tiani, i tatantan-leleedi niali den tiani. 4I tatantan-leleedi niali n den tiani yeni, n den bua ki diani, ama n den gbadi u nialu ke u maadi tanpoli po ki yedi: «Ŋan yaa kubi i tatantan-leleedi n yedi yaala ŋasiili nni, ki da diani la mo.» 5Min den laa yaa maleki, ke o se mi ñincianma leni ki tinga po yeni den yugidi o jienu tanpoli, #Ñam 20.11; Tia 32.40; Dan 12.7; Amo 3.7. 6ki poli yua n ye hali yaa yogunu kuli yeli po, wani yua n den tagi tanpoli leni yaala n ye lienni, ki tinga leni yaala n ye lienni, mi ñincianma leni yaala n ye mi niinni kuli ki yedi: «Li kan go pa yogunu. #Dan 12.7; Ps 146.6. 7O malekileleelo yaa bogini ki baa piebi o kakaci, U Tienu bondoaginkaala baa tieni ki dudi, nani wan den tuodi ki waani o naacenba, bi saawalipuaba maama.»
8Lani, min den kpa gbadi yaa nialu ke u maadi tanpoli po, go den maadi leni nni ki yedi: «Gedi ki gaa ki tibiga yaaga n gbabidi, maleki yua n se mi ñincianma leni ki tinga po nuu nni.» #Esk 2.8—3.3. 9N den gedi maleki yeni kani, ki yedi o wan teni nni ki tibiga. O den yedi nni: «Gaa ga, ki ŋmani ki nali ga. Ki baa yaa to a tugu nni, ama a ñoabu nni, ki baa yaa mani nani ti siadi yene.» 10N den gaa ki tibiga maleki yeni nuu nni, ki ŋmani ga. Ki den mani n ñoabu nni nani ti siadi yeni, ama min den ŋmani ki nali ga, ki den to n tugu nni. #Esk 3.3. 11Lani, bi den yedi nni: «Li tie tiladi ŋan go pua saawali yaa nibuoli, yaa diema, yaa mabuoli leni yaa badiba n yabi po.»
Currently Selected:
Mi Doagidima 10: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
