Mi Doagidima 9
9
1O malekimuulo den piebi o kakaci. N den laa ke li ŋmabili ñani tanpoli po ki baa ki tinga po. Bi den puni li u kulu#9.1 U kulu yeni tie Sutaani leni mu cicibiadimu kuli yekaanu. Diidi Mi Doagidima 9.11; 20.1-3. falu yaa sendabiga. 2Li ŋmabili yeni den luodi u kulu yeni ke i muñii ñani lienni nani yaa buaga n yabi yaa muñii yeni. U yienu leni mi fawaama kuli den biigi kelima yaa muñii n ñani u falu nni yeni po. #Cil 19.28. 3I naaci den ñani i muñii nni, ki yadi ki tinga nni. Bi den puni i naaci yeni u paalu, nani ki tinga nni yaa nami yeni. #Ñam 10.12-15. 4Bi den yie i po ke yin da sii ti muadi, ti kpinfaadi leni tibuba kuli, kali yaa niba n ki pia U Tienu maalima bi yutuna po. #Esk 9.4. 5Baa den puni i naaci yeni u sanu yin kpa ba, ama yin yaa wangi ba fala bebe hali ŋmaalimuu. Yin den tiendi yaa funfunma#9.5 Mi funfunma, yaa ka mi loma, bi mi fulima, yaa ka mi koankoanma. Diidi Mi Doagidima 14.11; 16.10; 18.7,15; 20.10. den tie nani o namo n juni yua n laadi yaa funfunma yeni. 6A dana yeni niinni, bi niba baa lingi mi kuuma ki nan kan le ma. Bi baa bua ki kpe, ama mi kuuma baa sani ki foagidi leni ba. #Jb 3.21; Jer 8.3. 7I naaci yeni den tie nani ban bobini yaa taami bu toabu po yeni. Li den tie nani i ciibi wula badifogilimu yeni, i nunmu den tie nani bi niba nunmu yeni, #Jl 2.4. 8i yudi den tie nani bi puoba yaa yudi yeni, i ñina mo den tie nani i yangbanli yaa ñina yeni, #Jl 1.6. 9i bena den tie nani i laa a kuliada yeni, i fiabi fuugu den tie nani i taami boncianla n dia ti toateliti ki tiini ki caa bu toabu po yeni. #Jl 2.5. 10I den pia a juona leni li bonjunkaala nani i nami yeni. I paalu yuu n baa fidi ki yaa faligidi bi niba hali ŋmaalimuu den ye i juona nni. 11I bado n tie u kulu yaa maleki. Hebilu maama nni bi yi o Abadon, Gireki maama nni bi yi o Apoliyo, lani n tie o “Bolindo”.
12O falakpialo pendi, ke falalie mo sieni ki da baa tieni.
13O malekiluobilo den piebi o kakaci. N den gbadi ke u nialu maadi wula padibinbinli yinnaada, yaali n se U Tienu nintuali. #Ñam 30.1-3. 14U den yedi o malekiluobilo, yua n kubi kakaci yeni: «Ŋan lodi ban den loli yaa malekinaadiba u kpenciamu Efrati kani.» 15Li sua ke bi den bogini laa malekinba ke bi se, ki guu hali li yogunu, li daali, li ŋmaalo leni li binli n baa pundi, ke bi lodi ba ban kpa bi niba nni nibitaa kuli siiga niyendo. 16Bi tandanba yaaba n den tie jakoanda coali den tie tuda piiga hali taalima tuda piilie (200 000 000). N den gbadi bi coali yeni. 17N bonlekaala nni n den laa i taami leni yaaba n jagi ba. Bi den laa yaa kuliada n moani nani u mu yeni, ki go boani nani mi siema, ki go duudi nani li cidibili yeni. Bi taami yula den tie nani a yangbanyula yeni. U mupienu, i muñii leni li cidibili den ña bi ñoana nni. 18Laa falataadiba, lani n tie u mu, i muñii leni li cidibili yaala n den ña i taami ñoana nni yeni den kpa nibitaa siiga kuli niyendo. 19I taami yeni paalu den ye bi ñoana nni leni bi juona nni. Bi juona den tie nani i we yeni, ki pia a yula ban baa yaa wangi bi niba fala leni ya. 20O falabiado yeni n kaa den kpa yaaba, baa den lebidi bi pala leni bi nii n tagi yaala. Baa den cedi kaa go kpiagidi mu cicibiadimu, i buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo. #Ps 115.4-7; 135.15-17; Dan 5.23. 21Baa den lebidi bi pala yaala n tie mi kukpama po, bi ñoagibiadi, bi conconma leni bi subu po.
Currently Selected:
Mi Doagidima 9: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
