Mi Coadima 27
27
A bonpola faali maama
1Selofadi bisiaba n tie bine: Mara, Noa, Hogila, Milika leni Tirsa. Wani Selofadi mo den tie Heferi bijua, ke Heferi mo tie Galaadi bijua, ke Galaadi tie Makiri bijua, Makiri den tie Manase bijua, Manase mo tie Josefi bijua. O bisiaba yeni den nagini ki sedi. 2Bi den cua Musa leni o kopadiciamo Eleasari leni li nitaanli kuli yudanba kani, u Kadikaanu Gbandieli buliñoabu kani, ki yedi: 3«Ti baamado kpe mi fanpienma nni. Waa den taa Kore cagili nni, bani yaaba n den fiini mi yiema o Diedo po yeni. Ama o den kpe, kelima wani o ba yaa tuonbiadi po. Waa mali bonjaga. 4Be yaa po yo, ke ti baa wani yaa dansanu baa bodi o diegu nni, kelima waa pia bonjaga po? Teni mani timoko u tinbiinu, ti baa kpiiba siiga.»
5Musa den taa bi miabu, ki waani o Diedo.
6O Diedo den yedi Musa: 7«Selofadi bisiaba pia moamoani. Ŋan boagidi ki teni ba u tinbiinu, bi baa kpiiba siiga. Teni ba bi baa faali. #Coa 36.2. 8Ŋan maadi leni Isidayeli yaaba mi naa maama: Li yaa tie ke joa kpe kaa pia bonjaga, yin taa o faali ki teni o bisalo. 9O yàá pia ba bonpuoga mo, yin teni o faali o naataani. 10O yàá pia naataani mo, yin teni o faali o baa naataani. 11O yàá didi pia o baa naataani, yin teni o faali wani leni yua n kpi bonŋanla o buolu siiga. Landaano n baa gaa li faali yeni. Li baa yaa tie Isidayeli yaaba po, yaa mabilikaama n dagidi nani o Diedo n den puogi Musa maama.»
U Tienu gandi Josue ke wan gaa Musa kaanu
12O Diedo den yedi Musa: «Do Abarimi juali ne yuli po, ki diidi min baa pa Isidayeli yaaba yaa diema. #Tia 3.23-27; 32.48-52. 13A baa diidi ma, ama fini moko baa guani a dankpeliba po, nani a kpelo Alono n den gedi maama yeni, 14kelima yi den miidi n ñoamabona Tisini fanpienma nni, li nitaanli n den fiini mi yiema yaa yogunu. Isidayeli yaaba den mia mi ñima, ke yii den cedi ke n paalu yuu n gagidi ki ŋani doagidi bi po.» Lani n den tie ku fuugu ñima,#27.14 Diidi Mi Coadima 20.12,13. yaala n den tieni Kadesi dogu kani, Tisini fanpienma nni.
15Musa den maadi leni o Diedo, ki yedi: 16«Li Miali Diedo U Tienu, fini yua n puuni yaala n fo kuli li miali, ŋan gandi yaa joa n baa fidi ki gobidi a niba, 17ki tuni o bi yuli, yua n baa yen ñani ba, ki go kuani ba ke o Diedo niba n da tie nani yaa pe n ki pia yankpaalo yeni.» #1Bad 22.17; Esk 34.5; Mat 9.36; Mrk 6.34.
18O Diedo den yedi Musa: «Taa Nun bijua Josue, n Fuoma n ye yua yaa niinni. Ŋan yini o, ki maani o po a nuu. #Ñam 24.13. 19Ŋan sieni o o kopadiciamo Eleasari leni li nitaanli kuli nintuali, ki puogi o o tuonli bikuli nintuali. 20A baa boagidi leni o a bali, ke Isidayeli yaaba nitaanli kuli n tuo ki yaa ŋua o maama. 21O yen baa cua o kopadiciamo Eleasari kani, wan diidi Urim ki buali nni ki bandi n yanbuama. Wani o ba, Isidayeli yaaba leni li nitaanli kuli baa tuo ki yaa tiendi Eleasari ñoamabona, ki yen ña wan yedi ban ña yaa yogunu, ki kua wan didi yedi ban kua yaa yogunu.» #Ñam 28.30; 1Sam 14.41; 28.6.
22Musa den tieni nani o Diedo n den puogi o maama. O den yini Josue, ki sieni o kopadiciamo Eleasari leni li nitaanli kuli nintuali. 23O den maani o nii o po, ki puogi o li tuonli, nani o Diedo n den teni Musa o ñoamabona maama. #Tia 31.23.
Currently Selected:
Mi Coadima 27: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
