Mi Coadima 28
28
A pada bali maama
a. Daali kuli pada
1O Diedo den maadi leni Musa, ki yedi: 2«Teni Isidayeli yaaba li naa ñoamabonli, ki yedi ba: Yin da sundi ki yaa kpendinni n po bu paabu yaabu n tie n jiema, lan bili yaa yogunu. Lani n tie yaa pada n juugi u mu nni, ki pia n po u nuulumanu. 3Ŋan yedi ba: Diidi, yin yen baa yaa kpendinni o Diedo po yaa pada nne: Daali kuli, yi baa padi pebilalie, ya n pia binli binli, kaa pia poadi, lan tua yaa yogu n tuu yaa yogu yaa padijuukaali. 4Yi yen baa padi ki pebiyenga ku tiŋaagu, ki bonliega mo ku yenjuagu. 5Yin yen baa taani leni yaa pienma mo, baa yaa tie mi yoma kilo bonbitaa, ki nugi ma leni olivie kpama, litidiyendo leni boagidima. 6Lini n tie yogunu kuli yaa padijuukaali, yin den padi yaali Sinayi juali po. Li tie ban juu yaa padili u mu nni, ke li nuulu mani o Diedo po. 7Li ñincabili baa yaa tie mi daama litidiyendo leni boagidima, pebiga kuli po. A baa cabi mi daama yeni u kaangagidiŋamu nni, o Diedo po. 8Yi baa padi ki pebiliega mo ku yenjuagu, ki taani leni bu paabu leni yaala n baa cabi nani ku tiŋaagu yaa pada yeni. Li baa yaa tie ban juu yaa padili u mu nni, ke li nuulu mani o Diedo po.
b. U Tienu fuodima daali padili
9 U Tienu fuodima daali, yi baa cuani pebilalie, ya n pia binli binli kaa pia poadi ki padi, ki taani leni mi pienma, mi yoma kilo bonbiluoba, ke mi kali leni mi kpama, yi go baa cuani mi daama li ñincabili po. 10Mi fuodima daali kuli, laa padijuukaali n baa tieni ki pugini daali kuli yaa padijuukaali po leni li ñincabili po.
c. O ŋmaalo dakpiali padili
11O ŋmaalo dakpiali kuli, yi baa padi naatonbilalie, petonyenli leni pebilalie, ya n pia binli binli, kaa pia poadi, ki padi ba li padijuukaali, o Diedo po. 12Yi baa cuani naatonli kuli padili po, mi yoma kilo bonbiyia, ke mi kali leni mi kpama. Petonli mo kuli yaa po, yi baa cuani mi yoma kilo bonbiluoba, ke mi kali leni mi kpama. 13Pebiga mo yaa po kuli, yi baa cuani mi yoma kilo bonbitaa, ke mi kali leni mi kpama. Li baa yaa tie ban juu yaa padili u mu nni, ke li nuulu mani o Diedo po. 14Yaala n tie li boncabikaala po, yi baa cuani naatonli kuli po, duven litidi bonbitaa, petonli mo yaa po, litidi bonbilie, pebiga mo yaa po, litidi leni boagidima. Lani n tie yin baa yaa padi yaa pada U Tienu po, li binli nni ŋmaalo kuli dakpiali. 15Yi go yen baa cuani ŋuabuali, ki padi ti tuonbiadi sugili padili o Diedo po, ki pugini daali kuli padijuukaali leni li ñincabili po.
d. Mi Pendima jaanma daali padili
16Li binli ŋmakpialo piiga n danaali, yin jaani mi Pendima jaanma, ki kpiagi o Diedo. #Ñam 12.1-13; Tia 16.1-2. 17Laa ŋmaalo piiga n damuuli, baa yaa tie mi jaanma cilima daali. Yi baa yaa ŋmani yaa dupen n ki pia dabinli, ki ban tuoni danalele. #Ñam 12.14-20; 23.15; 34.18; Tia 16.3-8. 18Li dakpiali, yi baa tieni taangagidikaali. Yi kan soani tuonpaaliba kuli. 19Yi baa cuani o Diedo po naatonbilalie, petonli leni pebilalele, ya n pia binli binli, kaa pia poadi, ki padi ki juu. 20Yi baa cuani naatonli kuli po, mi yoma kilo bonbiyia, ke mi kali leni mi kpama. Li petonli mo yaa po, yi baa cuani kilo bonbiluoba. 21A pebileleeda po, yi baa cuani pebiga kuli po, kilo bonbitaa. 22Yi baa padi ŋuabuali ti tuonbiadi po, ki mia yi tuonbiadi sugili. 23Yi baa padi laa pada, ki pugini tiŋaagu kuli padijuukaali po, yaali n tie yogunu kuli yaa padijuukaali. 24Yi baa yaa padi laa pada daali kuli, ki ban tuoni danalele. Li tie ban puni o Diedo yaa jiema, ke mi nuulu mani o Diedo po. Bi baa yaa padi laa pada, ki pugini daali kuli yaa padijuukaali leni li ñincabili yeni po. 25Li daleleeli, yin taani ki tieni taangagidikaali. Yi kan soani tuonpaaliba kuli.
e. U jetaagu jaanma daali padili
26Li bonluonkakpiala jaanma daali, yin baa cuani o Diedo po yi kpaandi yaa daali yeni, yin taani ki tieni taangagidikaali. Yi kan soani tuonpaaliba kuli. #Ñam 23.16; 34.22; Tia 16.9-12. 27Yi baa padi o Diedo po yaa padijuukaali yaa muñii n pia u nuulumanu. Laa padili po, yi baa cuani naatonbilalie, petonyenli leni pebilalele, ya n pia binli binli. 28Yaala n tie mi jaanma pada mo yaa po, yi baa cuani naatonli kuli padili po, mi yoma kilo bonbiyia, ke mi kali leni mi kpama. Li petonli mo yaa padili po, yi baa cuani mi yoma kilo bonbiluoba, ke mi kali leni mi kpama. 29A pebileleeda po, pebiyenga kuli padili po, yi baa cuani mi yoma kilo bonbitaa. 30Yi go baa padi ŋuabuali, ki mia yi tuonbiadi sugili. 31Laa pada baa pugini daali kuli padijuukaali leni daali kuli pienma padili yeni po. Yi baa cuani yaa yandi n ki pia poadi, ki taani leni yaala n baa cabi ki pugidi lipo.
Currently Selected:
Mi Coadima 28: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
