Mi Coadima 20
20
Meriba ñima
1O ŋmakpialo nni, Isidayeli yaaba nitaanli kuli den pundi Tisini fanpienma nni, ki kali Kadesi dogu nni. 2Miriam den kpe lankane, ke bi piini o.
Likani ki den pia ñima li nitaanli po. Lani, bi den taani ki fii Musa leni Alono po. 3Ku niligu den funi leni Musa, ki yedi: «Be n teni ke tii den taani ki kpe leni ti kpiiba ban den kpe o Diedo nintuali yaa yogunu? 4Be yaa po ke yi cuani o Diedo nitaanli, mi naa fanpienma nni, ke ti baa kpe, tinba leni ti yandi? 5Be yaa po ke yi ñani ti Ejipiti, ki cuani ti yaa kaanbiadu n tie ne? Likani ki tie ba yaa kaanu ke ti baa fidi ki buli bonla. Likani ki pia kankandi, duven tiidi ki ye, grenadi mo ki ye. Lankani n kaa go pia ñinñokaama yeni.»
6Musa leni Alono den piadi leni li nitaanli, ki gedi u Kadikaanu Gbandieli buliñoabu po, ki ban labini tiipo. Lani, o Diedo kpiagidi den doagidi bi po.
7O Diedo den maadi leni Musa, ki yedi: 8«Taa u gbiamu, fini leni a kpelo Alono n yini li nitaanli. Yin maadi leni ku tangu bi nunbu nni, ku baa pudi mi ñima. A baa teni mi ñima n pudi ku tangu yeni po, ŋan pa li nitaanli leni ti yandi kuli n ño.»
9Musa den taa u gbiamu yuu n den ye o Diedo nintuali, ki tieni nani o Diedo n den teni o li ñoamabonli, ki yedi maama. 10Musa leni Alono den yini li nitaanli kuli ku tangu yeni kani. Lani, Musa den yedi ba: «Lanwani, cengi mani yinba bi niyiekaaba yeni! Naani ku naa tangu yaa niinne, ke ti baa ñani yi po mi ñima?»
11Li yaa puoli, Musa den yugidi o nuu, ki pua ku tangu taalimilie leni o gbiamu. Mi ñima den pudi ki ñani hali boncianla. Li nitaanli den ñuni, bi yandi moko den ñuni.
12Li yaa puoli, o Diedo den yedi Musa leni Alono: «Nani yin kaa bi dugi n po, kaa den kpiagi nni Isidayeli yaaba nintuali yeni, yi kan gobidi ki kuani yaa nitaanli n tie ne, min puni ba yaa diema yeni niinni.»#20.12 Musa leni Alono tagili ki doagidi cain. Li fidi ke U Tienu n jaligidi ba yaala tie ke bi den pua ku tangu yeni. Diidi vedise 11 kaa li maadi leni gu bebe ka nani vedise 8. 13Lani n tie Meriba#20.13 Meriba bundima tie “ku fuugu.” ñima, Isidayeli yaaba n den funi leni o Diedo naankani, wani yua n den gagidi o yuli bi siiga.
Edomi bado yie ke Isidayeli yaaba kan poandi o diema nni
14Musa den fiini a tonda Kadesi yeni kani ki soani ba Edomi bado po, ke ban yedi o: «A kpiiba Isidayeli yaaba n soani yaa tondu n tie ne: A bani yaa fala n den baa ti kuli. 15Ti yaajanba den gedi Ejipiti, ke ti den kali lanpo hali ke li waagi. Ama Ejipiti yaaba den faligi ti, tinba leni ti yaajanba kuli. 16Ti den kpaani ki mia o Diedo, ke o den gbadi ti nialu. O den soani o maleki ke o den ñani ti Ejipiti nni. Moala ti ye Kadesi, yaa dogu n ye a diema kunu. 17Ti li bua ki mia ŋa u sanu ki poandi a diema nne. Ti kan tagini i kuani nni, ti kan tagini duventiidi kuani nni. Ti kan ño yi caana ñima moko. Ti li baa ŋoadi li sanjale, hali ki ban ña a diema nni, ki kan jadi ganu bi jienu.»
18Edomi bado den guani ki yedi o: «Yi kan tagini n diema nni, lani yaa ka mo, n baa ña ki tuogi leni yi bu toabu.»
19Isidayeli yaaba go den yedi o: «Ti li baa yaa ŋua u sanciamu yo. Tinba leni ti yandi yaa ñuni a ñima mo, ti baa pa a cima panpaani. Ti li mia ŋa bonyenla bebe: Tin fidi ki li poandi leni ti taana.»
20O den guani ki yedi: «Yi kan tagini!» Edomi yaaba den ñani leni yaa toatieba n yabi, ki go pia u fidu, ki bua ki tuogi leni ba bu toabu. 21Li tieni yene, ke Isidayeli yaaba den lagidi ki taa santo, kelima bi den yie ke bi kan poandi bi diema nni.
Alono kuuma
22Isidayeli yaaba nitaanli kuli den fii Kadesi, ki ban pundi Hori juali kani. 23O Diedo den yedi Musa leni Alono Hori juali yeni kani, yaali n ye Edomi diema bianu: 24«Alono baa kuni o dankpeliba po. O kan kua min puni Isidayeli yaaba yaa diema yeni niinni, kelima yi den yie n ñoamabonli Meriba ñima kani. 25Ŋan taa Alono leni o bijua Eleasari, ki duoni ba Hori juali yuli po. 26Ŋan landi Alono tiayiekaadi, ki lani o bijua Eleasari, kelima Alono baa kpe, ki kuni o dankpeliba po.» 27Musa den tieni nani o Diedo n den puogi o maama. Bi den doni Hori juali yuli po, ke li nitaanli kuli nua ba. 28Musa den landi Alono tiayiekaadi, ki lani o bijua Eleasari. Alono den kpe lankani, li juali yuli po. Musa leni Eleasari den ñani li juali po, ki jiidi. #Ñam 29.29; Coa 33.38; Tia 10.6. 29Li nitaanli kuli n den bandi ke Alono kpe, Isidayeli yaaba den mua o kuuma, hali dana piitaa.
Currently Selected:
Mi Coadima 20: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
