Mi Coadima 19
19
O naañuamoano fantanpienma
1O Diedo den maadi Musa leni Alono, ki yedi: 2«Mini o Diedo, n diani ki bili yaa bali maama, n yedi yaala nno: Maadi leni Isidayeli yaaba ki teni ban cuani a kani naañuamoano, yua n ki pia poadoba kuli, ke bi daa kpa lani o ku naakpakpaadi-daagu. 3Yin teni o nua yeni o kopadiciamo Eleasari, bi baa ñani o li nagili nni, ki ban kodi o, o nintuali. 4O kopadiciamo Eleasari baa tuu o naañua yeni soama leni o nubili, ki mii taalimilele u Kadikaanu Gbandieli po. 5Bi baa juu o naañua yeni o nunbu nni. Bi baa juu o gbangu, o nandi, o soama, ki taani leni o bindi kuli. 6O kopadiciamo baa taa sediri daagu, isope benu leni u gaalimoanu ki lu ban juu o naañua yeni yaa mu nni. 7O kopadiciamo baa ŋuudi o tiayiekaadi, ki go wali, ki nan yuandi ki kua li nagili nni. Ama o baa yaa joagini, ki ban tuoni hali ku yenjuagu. 8Yua n bi juu o naañua yeni moko, baa ŋuudi o tiayiekaadi, ki go wali. O baa yaa joagini, hali ku yenjuagu. 9Nitoa yua n ki joagini, baa wodi o naañua yeni fantanpienma, ki ñani li nagili nni, ki ban wuoni ma yaa kaanu n ŋani. Bi baa kubi ma Isidayeli yaaba nitaanli po, ki yaa tiendi leni ma, yaa ñima n baa yaa ñandi ti joagindi. Li tie ti tuonbiadi sugili padili. #Heb 9.13. 10Yua n wodi o naañua yeni fantanpienma moko, baa ŋuudi o tiayiekaadi ki yaa joagini, hali ku yenjuagu. Li baa yaa tie yaa mabilikaama n baa ye yogunu kuli po, Isidayeli yaaba po leni yaa nilanba n ye bi siiga kuli po.
Mi ŋanbima bali maama
11Yua n sii tinkpiloba, bi kpiemo gbanandi, baa yaa joagini, hali danalele. 12O baa wali leni laa ñima li dataali daali leni li daleleeli, lani, o baa ŋanbi. Ama o yàá wali li dataali daali leni li daleleeli yeni, o kan yaa ŋani. 13Yua n sii tinkpilo bi kpiemo, kaa ŋanbi o yuli, joagindi o Diedo gbandieli. Ban ñani laa nilo Isidayeli yaaba siiga. Nani yaa ñima n ñandi ti joagindi n ki wuli o po yeni, o joagindi baa yaa baa ki ye leni o.
14Diidi li bali maama nne: Nilo yaa kpe gbandieli nni, yua n kua li gbandieli nni leni wan bi kpe ki taani yua, li gbandieli yeni niinni kuli, baa yaa joagini hali danalele. 15Li yaa bi sua ke tiagu se ki yaa, yaagu yaa po n ki bi pia bonbiili ke li bii, ku baa yaa joagini. 16Yua n ban sii fuali po, jugisiega n kpa yua, bi yua n li kpe o kuuma, bi tinkpikpaba, bi takuli, lidaano baa yaa joagini hali danalele. 17Bi yaa bua ki ŋanbi yua n joagini, ki ñani o joagindi, ban taa ban juu yaa naañua ti tuonbiadi sugili miabu po yeni yaa fantanpienma, ki tieni ma tiagu nni, ki baa li ñinbunli ñima, ki tieni ku tiagu yeni niinni. 18Nitoa yua n ki joagini, baa taa isope benu, ki pagini u mi ñima yeni niinni, ki yaa miini li gbandieli yeni po, ti tiadi kuli po, yaa niba n ye likani kuli po leni yua n bi sii a tinkpikpaba, bi ki jugisiega n kpa yua, bi yua n kpe o kuuma, bi takuli yeni po. 19Li dataali leni li daleleeli, yua n ki joagini baa mii mii mi ñima yeni, yua n joagini po. Li daleleeli o yaa mii o po, o baa ñani o po o joagindi. Yua n bi joagini yeni baa ŋuudi o tiayiekaadi, ki go wali. Lani, ku yenjuagu o baa ŋanbi.
20Yaa nilo n joagini, kaa ŋanbi o yuli, ban ñani o li nitaanli nni, kelima o joagini o Diedo kaangagidiŋamu. Nani yaa ñima n ñandi ti joagindi n ki wuli o po yeni, o baa ki joagini.
21Li baa yaa tie bi po mabilikaama yaa yogunu n tuu yaa yogu po. Yua n taa yaa ñima n ñandi ti joagindi ki mii yeni, baa ŋuudi o tiayiekaadi. Yua n sii yaa ñima n ñandi ti joagindi yeni mo, baa yaa joagini hali ku yenjuagu. 22Yua n joagini yeni n sii yaala kuli, lani moko baa yaa joagini. Yaa nilo n sii yua joagini yeni, mo baa yaa joagini, hali ku yenjuagu.»
Currently Selected:
Mi Coadima 19: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
