Mi Ñama 6
6
1O Diedo den yedi Musa: «Moala, a baa le min baa tieni Faraon yaala. N baa teni wan cedi ban gedi leni n nuu paalu. N go baa tieni o u paalu, wan deli yi o diema nni.»
U Tienu niani Musa ke o baa faabi Isidayeli yaaba
2U Tienu den maadi leni Musa ki yedi: «N tie Li Miali Diedo. #Cil 17.1; 28.3; 35.11; Ñam 3.13-15. 3N den doagidi Abalahama, Isaaka leni Jakob kani ke n tie U Tienu U Paaciamu kuli Daano. Ama mii den waani ba ke n yeli n tie: “Li Miali Diedo.” 4N go den niani ba ke n baa pa ba Kanana diema, ban den kaa naankani, ki tie canba. 5N gbadi Isidayeli yaaba yenbidi, kelima Ejipiti yaaba n teni ke bi laadi yaa fala ti yonbidi nni po. N tiadi n nianli. 6Li tie lani yaa po ke a baa yedi Isidayeli yaaba: N tie Li Miali Diedo, n baa faabi yi leni Ejipiti yaaba n tuuni yi yaa tuona. N baa faabi yi bi yonbidi nni. N baa doagidi n paalu, ki jia ti buudi ki ciadi yi. 7N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli. 8N baa teni yin kua min den poli ke n baa pa Abalahama, Isaaka leni Jakob yaa diema nni. N baa pa yi ma man tua yi diema. Mini n tie Li Miali Diedo.» 9Lani n tie Musa n den yedi Isidayeli yaaba yaala. Ama baa den fidi ki cengi Musa maama, kelima bi yonbibiaditi po. 10O Diedo den maadi leni Musa, ki yedi: 11«Gedi ki maadi leni Ejipiti bado Faraon ke wan cedi Isidayeli yaaba n ña o diema nni.» 12Musa den guani ki yedi o Diedo nintuali: «Isidayeli yaaba naa cengi n maama, Faraon wani baa gaa lede ki cengi mini yua n ki bani maama?»
13O Diedo den maadi Musa leni Alono, ki teni ba a ñoamabona Isidayeli yaaba leni Ejipiti bado Faraon po, ke wan teni Isidayeli yaaba n ña Ejipiti diema nni.
Musa leni Alono yaajanba yela
14Bine n tie bi buolu yudanba. Isidayeli bijakpelo Rubeni bijaba den tie Enoki, Palu, Hetisiloni leni Karmi. Bani n tie Rubeni buolu cuuna. 15Simeon mo yaa bijaba tie Yemueli, Yamini, Ohadi, Yakini, Tisoari leni Kanana pua bijua Sawuli. Bani mo n tie Simeon buolu cuuna.
16Bine mo n tie Levi mo yaa bijaba yela leni bi bila: Gersoni, Kehati leni Merari. Levi miali bina den tie kobiga n piitaa n binalele. 17Gersoni mo yaa bijaba den tie: Libini, Simeyi leni bi yaa cuuna. 18Kehati mo yaa bijaba den tie: Amirami, Yitisehari, Hebiron leni Usieli. Kehati mo yaa miali bina den pundi kobiga n piitaa n binataa. 19Merari mo yaa bijaba den tie: Mali leni Musi. Bani mo n tie Levi yaa buolu cuuna leni bi bila.#Coa 3.17-20; 26.57-58; 1Baj 6.16-19. 20Amirami den taa o baa waalo Yokebedi ke o tua o pua. O den mali o po Alono leni Musa. Amirami mo yaa miali bina den tie kobiga n piitaa n binalele. 21Yitisehari mo yaa bijaba den tie: Kore, Nefegi, Sikiri, 22Usieli, Elitisafani leni Sitili. 23Alono den taa Aminadabi bisalo Eliseba, Nahisona waalo ke o tua o pua. O den mali o po Nadabi, Abihu, Eleasari leni Itamari. 24Kore mo yaa bijaba den tie: Asidi, Elikana leni Abiasafi. Bani mo n tie Kore yaaba cuuna. 25Eleasari, Alono bijua den taa Putiela bisiaba siiga nni yendo, ke o tua o pua. O den mali o po Finea. Bani mo n tie Levi buolu yudanba leni bi cuuna. 26Li tie laa Alono leni laa Musa yo ke o Diedo den yedi ba: «Yin teni Isidayeli yaaba n ña Ejipiti diema nni, ki ŋoadi fuuli fuuli nani bi toacaga n tie maama.» 27Li tie bani n den maadi leni Ejipiti bado Faraon, ki baa teni Isidayeli yaaba n ña Ejipiti diema nni. Bani n tie Musa leni Alono.
U Tienu guani ki tiadi Musa o ñoanianu
28O Diedo n den maadi leni Musa Ejipiti diema nni, o den yedi Musa: «N tie Li Miali Diedo. 29Waani Ejipiti bado Faraon min baa waani a yaala kuli.» 30Musa den guani ki yedi o Diedo nintuali: «Diidi, mii bani maama, Faraon baa tuo ki cengi nni lede?»
Currently Selected:
Mi Ñama 6: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
