Mi Ñama 27
27
A padijuukaana padibinbinli n baa yaa tie maama
1Ŋan tieni li padibinbinli leni akasia daadi: u foaginu leni u pianu kuli baa yaa tie yenme. U foaginu baa yaa tie nukpanduna muu, u pianu moko nukpanduna muu. Li kpedima baa yaa tie nukpanduna taa. 2Ŋan tieni li padibinbinli yina. Li padibinbinli yina yeni leni li padibinbinli baa yaa taa yenme. Ŋan boali likuli leni ti kumoandi. 3Ŋan duadi yaa tiadi n baa yaa wuo mi fantanpienma: Pelinba, mu tadibuomu, i nanjogidi leni ban baa yaa juugi tulale yaa sanbuomu nni. Ŋan duadi laa tiadi kuli leni ti kumoandi.
4Ŋan tieni i kumoangandi yii naani leni i taali, ki go tieni kumoan-ñoagibilanaa i taali yeni logidinaadima kuli nni. 5Ŋan tieni yi li padibinbinli ñoakunu tiipo, ki cili tinga ki ban tuoni li kpedima siiga nni. 6Ŋan kpie li padibinbinli po akasia dopandilie, ki boali likuli leni ti kumoandi. 7I dopandi yeni baa tuuni a ñoagibila ya n ye li padibinbinli kali po yene, lan todi li tugima po. 8Laa padibinbinli yaali n tie dapagidi baa yaa tie bonlongu nani min waani a yaa nannanli li juali po yeni.
U luolu caba n baa yaa tie maama
9U Tienu diegu baa yaa pia u luolu yuu n baa gaani ki lindi leni a caba ya ñuliti ki luni leni len gaali, ke i pia u fidu. Nuganu kalu yaa caba baa yaa foagi ki pundi nukpanduna kobiga. 10U luolu yeni baa yaa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa yaa tie ŋanjilifa. 11Nujienu po moko, a baa tieni a cabidoaginkaana foaginu n yaa tie nukpanduna kobiga. U baa yaa pia dasaana piilie leni bunbuna piilie ya n tie kumoandi. A dasaana yeni gobidi leni yaa kudi n baa soali ki joani a caba yeni baa yaa tie ŋanjilifa. 12Nintuali po, u luolu pianu baa yaa pia yaa caba n foagi ki pundi nukpanduna piimuu. Bi baa joani a kuli dasaana piiga po, ya n buugi bunbuna piiga po.
13U luolu yaa pianu puoli po baa yaa tie nukpanduna piimuu.
14Kaliyendu caba foaginu baa yaa tie piiga n nukpanduna muu leni u dasaataada leni u bunbuntaada. 15U kalilielu mo yaa caba foaginu baa yaa tie piiga n nukpanduna muu leni u dasaataada leni u bunbuntaada. 16U luolu buliñoabu baa yaa pia bu kpalidoaginkaabu ke bu pia nukpanduna piilie, yaabu n luni leni len gaali, yii n juagi ki moani ki suudi ki ŋmadi leni yaa gaali n moani colicoli, ki luni ki kpaa ki juani dasaananaa ya buugi bunbunanaa po. 17Ban baa soali yaa kudi ki joani ti tiadi ke ti tie ŋanjilifa yeni, baa poandi a dasaana ya lindi u luolu yeni kuli nni. I gobidi yeni baa yaa tie ŋanjilifa, ama a bunbuna baa yaa tie kumoandi. 18U luolu yeni foaginu baa yaa tie nukpanduna kobiga, u pianu nukpanduna piimuu, u kpedima nukpanduna muu, u baa yaa tie len gaali caba, u bunbuna baa yaa tie kumoandi. 19U Tienu diegu nni tuonsoantiadi, li kpaana leni u luolu nni kpaana kuli baa yaa tie kumoande.
Mi fidisankpama n baa yaa tie maama
20Musa, ŋan waani Isidayeli yaaba ban lingi olivie tiidi kpama yaama n ŋani hali bonŋanla, ki moandi mu fidisanmu n yaa co yogunu kuli.#Lev 24.1-4.
21 Alono leni o bijaba baa sieni mu fidisanmu u Kadikaanu Gbandieli bu kpalidoaginkaabu nintuali, yaabu n duagi ku ŋantaadikpaku, mu fidisanmu yeni baa yaa co o Diedo nintuali, ki cili ku yenjuagu, ki ban tuoni ku tiŋaagu. Laa bonla baa yaa tie Isidayeli yaaba po li bali maama nifiima n tuu nifiima.
Currently Selected:
Mi Ñama 27: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
