Mi Ñama 11

O falajuodika baa cua

1O Diedo den yedi Musa: «N baa teni o falabiadi-juodika n cua Faraon po leni Ejipiti yaaba po. Lani n yaa pendi, o baa cedi yin ña nekanba. Wan baa cedi yin ña yaa yogunu, o baa deli yi. 2Maadi bi niba ke joa kuli n mia o yieninlielo, pua kuli mo n mia o yieninlielo ban pa ba ŋanjilifa leni wula tiadi.» 3O Diedo den teni ke Ejipiti yaaba pala mangi leni Isidayeli yaaba, hali yaala ke Musa o baa den tie niciamo Ejipiti yaaba nuni po. Faraon naacenba leni bi niba kuli den fangi o, ki go kpiagidi o.

4Musa den yedi: «O Diedo n maadi yaa maama n tie ne: ‹Li yaa ban pundi ku yoagisiigu, n baa ña ki kua Ejipiti diema nni kuli. 5Ejipiti diema nni, a bonjakpiala kuli baa kpe. Ki cili Faraon yua n kaa ti gbandi po yaa bijakpelo, ki yaa caa hali yaa puotuado n ye li naali nni yaa bijakpelo, ki taani leni ti yandi bontonkpiamu kuli baa kpe. 6A bubula baa yaa ye Ejipiti diema nni kuli boncianla, ke li buolu daa tieni hali moala, ki kan go faa ki tieni mo. 7Ama Isidayeli yaaba siiga, ki cili leni bi niba ki gedi hali ti yandi, ba sangbanlo kan gogi. Lani, n baa teni yin bandi o Diedo n tieni yaa gagidima Ejipiti yaaba leni Isidayeli yaaba siiga.› 8Lanyogunu, a naacenba yaaba n ye ne kuli, bikuli baa cua n kani ki labini n nintuali ki yedi: ‹Gedi, fini leni yaa niba n ŋua a puoli kuli. Lani yaa pendi, n baa gedi.› » Musa den ñani Faraon kani ke o pali beni hali boncianla.

9O Diedo den yedi Musa: «Faraon kan cengi a maama ba.» 10Musa leni Alono den tieni laa bancianma kuli Faraon nintuali, ama Faraon naa den tuo ke Isidayeli yaaba n ña o diema nni.

Currently Selected:

Mi Ñama 11: BGP

Highlight

Copy

Compare