Kolosi 4
4
1Yinba canbaanba, yin yaa tiendi yi yonbi po yaala n tiegi leni yaala n pundi, ki yaa tiani ke yimoko pia Canbaa tanpoli po. #Efe 6.9.
I tundi Jesu yaaba po
2Yin yaa jaandi U Tienu ki da cedi, ki da yoaligi, ki yaa tuondi o mani. 3Yin yaa jaandi o mani ti po, ke wan pa ti u sanu tin fidi ki yaa wangi o Laabaaliŋamo, ki doagidi o bondoaginkaala yaala n tie Kilisiti maama fuuli. Li tie laa maama po ke n ye ne li kpaadidieli nni. 4Yin go yaa jaandi n po, ke min maadi laa maama nani lan pundi min maadi maama.
5Yin yaa ye leni yaaba n kaa daani leni mi yanfuoma, ki da tuo yin ye leni ba yaa yogunu n bia fanma. #Efe 5.16. 6Yi maama n yaa mani yogunu kuli, ki tie nani yaa jiema n pia mi yaama ke li dagidi yeni. Li pundi yin yaa bani ki guani nilo kuli po yaa maguankaama n dagidi.
I fuondijuodike
7Tikika baa waani yi n laabaalo kuli. O tie ti kpibuado, ti todika tin dugi yua yaa po leni ti naacenlielo o Diedo tuonli nni. #JTT 20.4; 2Tim 4.12. 8N soani o yi kani lani yaa po lige, ke yin bandi lan tie ti po maama, wani mo n paagi yi pala.#Efe 6.22. 9Ti kpibuado Onesimi#4.9 O den tie Filemon naacemo. Diidi Filemon 10-12. yegi leni o. Omoko tie nidugika, ki tie yi siiga yua. Bi baa waani yi nekanba laabaalo kuli.
10N kpaadilielo Arisitarki fuondi yi. Barnabasi yiadiga Marki moko fuondi yi. N den tuodi ki teni yi li ñoamabonli o maama po. O yaa cua yi kani, yin gaa o cangu bonŋanla. #JTT 12.12,25; 13.13; 15.37-39; 19.29; 27.2; Flm 1.24. 11Jesu, ban go yi yua Jusitusi, moko fuondi yi. Yaa Jufinba n ye ne kuli siiga, bani bebe n tie n tuonsoanlieba, ki tuuni U Tienu diema tuonli. Bi paagi n pali boncianla.
12Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni. 13N tieni o po siedi ke o tuuni yi po leni li yankuali boncianla, yinba leni yaaba n ye Laodise leni yaaba n ye Iyerapolisi kuli. 14Ti buado lotoli Luki leni Demasi moko fuondi yi.
15Yin fuondi ti kpiiba yaaba n ye Laodise kuli, ki go fuondi Ninfa leni Kilisiti Nitaanli yaali n taagi o diegu nni. 16Yi yaa cogi li naa tili, yin teni ban cogi li, Kilisiti Nitaanli yaali n ye Laodise po moko. Laodise yaaba mo n soani yi po ban baa yaa tili, yin cogi li. 17Yin yedi Arikipi: «Ŋan fangi a yuli leni o Diedo n puogi a yaa tuonli, ki soani li ki dudi.»
18Mini Poli n diani yaa fuondi n tie ne leni n nuceli, ki fuondi yi. Yaa tiani mani n kpaadi po. U Tienu yaa ŋanbili n yaa ye leni yi.
Currently Selected:
Kolosi 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
