1 Tesaloniki 1
1
Ti pagidi leni i tuondi
1.1—4.12
I fuondi
1Mini Poli, Silasi#1.1 Li diani Siliven ama li tie niyendo yua n tie Silasi. Diidi Jesu Tondiba Tuona Tili 15.40; 17.1-10. leni Timote n diani li tili yinba Kilisiti Nitaanli, yaali n ye Tesaloniki dogu nni, ki ye U Tienu yua n tie Baa niinni leni o Diedo Jesu Kilisiti niinni po. U Tienu ŋanbili leni o yanduanma n yaa ye lenli yi.
Tesaloniki yaaba n gaa o Laabaaliŋamo maama
2Ti tuondi U Tienu yogunu kuli yikuli po, ki taagi yi yela ti jaandi nni. 3Ti tiani yogunu kuli ti Baa U Tienu kani yi dandanli leni yi buama ti Diedo Jesu Kilisiti po, n teni ke yi tuuni maama leni yi suginma n se bonŋanla maama. 4Ti kpiiba, U Tienu buakaaba, ti bani ke U Tienu den gandi yi. 5Tii den wangi yi o Laabaaliŋamo leni mi maama bebe ka, ama leni U Tienu Fuoma Yua paalu leni ti dugidi o Laabaaliŋamo yeni po. Yi bani tin den ye yi siiga leni yaa tagu buolu kelima ti den bua yi ŋamu. 6Yi den ŋoadi tinba leni o Diedo fuuli ki gaa U Tienu Maama, ba o falaciamo siiga leni U Tienu Fuoma Yua n puuni yaa pamanli. #JTT 17.5-9. 7Lani yaa po, yi den tua li bontogidikaala yaaba n daani kuli po, Maseduani leni Akayi diema kuli po. 8O Diedo maama naa den yadi yi kani Maseduani leni Akayi po bebe ka, ama yin pia yaa dandanli U Tienu po den yadi i kaani kuli, hali ke laa go tie tiladi tin maadi li po. 9I kaani kuli, bi togidi yin den gaa ti cangu maama leni yin den ŋaa i buli ŋoadima, ki tuo ki ŋoadi U Tienu yua n fo ki tie i moamoani maama. 10Moala, yi guu ke o Bijua Jesu, U Tienu n den fiini yua bi tinkpiba siiga, n ña tanpoli ki guani ki cua, yua n baa faabi ti leni U Tienu pabienli yaali n kpendi.
Currently Selected:
1 Tesaloniki 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
