Amosi 5
5
I wanli Isidayeli kuuma po
1Yinba Isidayeli yaaba,
Cengi mani yaa maama n tie ne!
Cengi mani min baa wanli yi po yaa wanli!
2Isidayeli yaaba baa nani li puowandiali yeni.
O panma nni, o baa ki kan go fii,
O baa ki bili tiipo, ke oba kuli kan fiini o.
3Li Miali Diedo U Tienu yedi yaa maama n tie ne:
«Isidayeli yaaba dogi siiga
Yuu n bi caani niba tudili bu toabu,
Niba kobiga bebe n baa sieni.
Yuu n bi caani niba kobiga,
Niba piiga bebe n baa sieni.»
4O Diedo yedi Isidayeli yaaba yaa maama n tie ne:
«Lingi mani mini, yi baa yaa fo.
5Yin da go lingi nni Beteli,
Da go gedi mani Giligali,
Da go gedi mani Beri-Seba,
Kelima bi baa gedini Giligali yaaba ti yonbidi,
Ki bolini Beteli mo.»
6Lingi mani o Diedo, ki baa ki yaa fo.
Lani yaa ka, o baa cua nani u mu
Josefi puoliŋuani siiga,
Ki buoni yaala n ye Beteli kuli,
Ke oba kuli kan fidi ki gbindi u.
7Yinba yaaba n lebidi yaa bujiali n tiegi,
Ke li tua loabidi,
Ki ŋmaadi mi teginma mo tiipo.
8Wani U Tienu n den tagi
Ŋmasoali leni bi Naadadiba.
O yen teni li biigili n lebidi ki tua yenma,
Ki teni u yensiinu n lebidi ki tua ñiagu,
O tendi ke mi ñincianma ñima yugi ki caa tanpoli
Ke o goa ki wuliti ma ki tinga po.
O yeli n tie Li Miali Diedo. #Jb 9.9; 38.31.
9O yen guliti bi paatieba,
Ki bolindi i kaanpaali.
10Yinba Isidayeli yaaba, yi nani yua n ye
Li bujiali kaanu nni ki tundi yi.
Yi nani yua n maadi i moamoani.
11Yi ŋmaadi o luodo,
Ki fenli o kani ŋalikama.
Li tie lani yaa po yo, ke yin maa yaa dieŋama
Leni a tankpiekaana yeni,
Yi kan kua a niinni.
Yin ŋuu yaa duventiidi ke yi ŋani hali boncianla yeni,
Yi kan ño li duven.
12Mini U Tienu bani yi tuonbiadi coali n da maama
Leni yi tagili n pugidi maama.
Yi mabindi bi niteginkaaba, ki gaani a suuna,
Ki yiedi ke ban da jia o luodo po yaa buudi n tiegi.
13Li tie lani yaa po yo,
Ke o yanfuodaano ŋmini u yogunu,
Kelima li tie yaa yogunu n bia.
14Moandi mani ki yaa tiendi yaala n ŋani,
Ki cedi yaala n bia.
Yeni, yi baa yaa fo.
Lanwani, o Diedo U Tienu,
U Paaciamu Kuli Daano baa yaa ye leni yi,
Nani yin tua ke o ye leni yi maama.
15Yin yaa nani yaala n bia,
Ki bua yaala n ŋani tienma.
Yaa ja mani yaa buudi n tiegi li bujiali kaanu kani.
Daalinba, o Diedo,
U Tienu, U Paaciamu Kuli Daano,
Baa gbadi mi ninñima,
Josefi puoliŋuani yii n sieni po.
16Lani yaa po, Li Miali Diedo,
U Tienu, U Paaciamu Kuli Daano,
O Diedo yedi yaa maama n tie ne:
«Bi niba baa mua i kumoe u dogu nitaankaani nni
Leni i sani nni kuli, ki yedi: ‹Ŋain!›
Bi baa yini ba bi kpakpaaba, ban cedi bu kpaabu,
Ki cua ki mua i kumoe,
Bi baa yini yaaba n bani i wanli, ban cua ki wanli.
17Bi niba baa mua i kumoe i duvenkuani nni kuli,
Lani kuli baa tieni, kelima n kpendi#5.17 Mi naa maama naani leni Mi Ñama Tili 12.12. U Tienu n den soani mi bolinma ke mi goadi Ejipiti diema nni kuli yaa yogunu.
Ki baa jia yi buudi, ki cuo yi.»
O Diedo n yedi yeni.
U Tienu pabienli daali
18Fala baa baa yaaba n bua o Diedo pabienli daali n cua.
Yi guu ki tama ke li daali yeni baa yaa tie lede?
Li baa yaa tie biigili daali,
Li kan yaa tie yenma daali ka.
19Li baa yaa naani leni yaa nilo n tiini o yangbanlo,
Ki tuogi leni ursi,
Bi wan sani ki pundi o deni ki ñii o nuu li goanli po,
O wa mo n ñidi o.
20Naani o Diedo pabienli daali tie yenma daali yo?
Aa-a, li tie biigile.
Li tie biigili daali, lii pia yenma ba waamu.
U Tienu n nani yaa jaanma buolu
21O Diedo yedi:
«N sengi ki go nani yi jaanma.
Mii bua ki go gbadi yi taana laabaalo mo. #Esa 1.11-14.
22Yi yaa cuani yi padijuukaana leni yi paabu,
Laa go pia yankualiba kuli.
Mii go faami
Yi taanyenma pada leni yi naatonbiwubida kuli po.
23Foagidi mani n kani leni yi yani fuugu,
Mii cengi yi gogiditi puama.
24Teni mani yaa bujiali n tiegi
N yaa puubi yi siiga nani mi ñima yeni.
Teni mani mi teginma n yaa ye yi siiga,
Nani yaa kpenu n kan ñuudi yeni.
25Isidayeli yaaba,
Yin den ye mi fanpienma nni bina piinaa yeni daa,
Naani yi den padi n po a pada? #JTT 7.42-43.
26Lanwani, tugi mani yi buli,
Yi bulo Sikuti yua n tie yi bado
Leni Kiyuni yua n tie yi buli ŋmabili.
Lani kuli tie yi nii n tagi yaale.
27Lani yaa po, n baa gedini yi ti yonbidi hali Damasi dogu liiga.
Yua yaa yeli n tie Li Miali Diedo U Tienu,
U Paaciamu Kuli Daano, n yedi yeni.»
Currently Selected:
Amosi 5: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
