SAKALI 5
5
1N didi go den laa li bonlekaala nni li tigbabikaali ke li ye tanpoli ki yugi. 2Maleki den buali nni: «A nua be?» N den goa ki yedi: «N nua tigbabikaali ke li yugi. Li foagimu tie nukpanduna piilie, li pianu mo nukpanduna piiga.» 3Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a sugida kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene. 4Li Miali Diedo, U Paaciamu Kuli Daano yedi: ‹N yadi ti solindi yeni ke tin kua conconli kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni ki yaa ye, ki bolini ki taani a yoaga leni a tana kuli.› »
Li bonlekaleleedila: o pua ke o ye ku baabuogu nni
5Maleki yua n den maadi leni nni yeni den cua ki yedi nni: «Yaadi ki diidi yaala n ban ña nepo na.» 6N den buali o: «Lani mo tie be?» O den goa ki yedi nni ke li tie mi diema yaaba kuli *tuonbiadi n ye yaa baabuogu nni. 7Yaa bonbiigu n den ŋuagi ku baabuogu, ki tie noabindi, den yugidi. N den laa pua ke o kaa ku baabuogu yeni niinni. 8Maleki den yedi nni ke o pua yeni n tie mi biadima. O go den tudi ki kuani o ku baabuogu nni ki ŋoagini leni ku bonbiigu yeni.
9Li yaa puoli, n den yaadi ki diidi ki laa puoba lie yaaba n ye tanpoli ki yugi ke u faalu den ŋua ki tudi ba. Bi fiabi den tie nani goliya yaa fiabi yeni. Bi den cua ki taa ku baabuogu yeni ki yugi leni gu. 10N den buali Maleki yeni ban caani gu naani. 11O den goa ki yedi nni: «Bi caani gu Babilona#5.11 Mi soagintianma nni, li diani Sineala bi Mesopotami diema. diema po yo ki baa n maa kupo li dieli. Bi yaa maa ki gbeni li, bi baa sieni gu laanni.»
Li bonlekaniidila: toateliti naa
Currently Selected:
SAKALI 5: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
