SAKALI 4
4
1Maleki yua n den maadi leni nni yeni den guani ki fundi nni nani ban baa fundi o nilo o guama nni maama yeni. 2O den buali nni: «A nua be?» N den goa ki yedi: «N nua fidisantuankaanu ke u kuli tie wula, ke mi kpama kuodikaanu ye u tanpoli. N go nua fidisanmu lele ke mu tua lipo leni kuyeli lele, mi kpama n tagidi yi yaa niinni ki kua mu fidisanmu nni. 3*Olifie tiidi boni lie se ki kuu mi fidisankpama kuodikaanu yeni. Tiyenbu se jienu po, bu tiliebu mo se ganu po.»#Doa 11.4
4Lani, n den buali Maleki yua n den maadi leni nni yeni: «N Diedo, line mo bundi be?» 5O den goa ki buali nni: «Ŋaa bani line n bundi yaala?» N den guani o: «N Diedo, mii bani.» 6aLani o den goa ki yedi nni:#4.6a Ki cili vedise 6 maliema ki ban dagini hali vedise 10 yaa makpiama, li maadi Solobabeli yaa maame. Lanwani laa maama jia Maleki n bundi Sakali po yaala vedise 6 makpiama leni vedise 10 yaa maliema nni ki ban dagini hali vedise 14. Lani n teni ke vedise 10 yaa maliema suli ki tugini vedise 6 yaa makpiama kani ki ban tuoni hali vedise 14.#Esd 5.2 10b«Mu fidisanleleedimu yeni tie Li Miali Diedo nuni yi n diidi yaala n tiendi mi tinfanma nne.»#Doa 5.6 11N go den buali o: «Olifie tiliedi yi n se u fidisantuankaanu ganu po leni u jienu po yeni mo bundi be?»#Doa 11.4 12N go den suagi ki buali o mi liema: «Olifie tiidi benliedi yi n ye ki kuu mi kpama n tagidi yaa kuyeliedi nni yeni mo bundi be?» 13O den goa ki buali nni: «Ŋaa bani lan bundi yaala?» N den yedi: «A-a, n Diedo, mii bani.» 14Lanwani, o den goa ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»
U Tienu n niani Solobabeli po yaa ñoaniani
6bMaleki den soani nni ki yedi ke min ban waani Solobabeli ke Li Miali Diedo, U Paaciamu Kuli Daano yedi yaa maama n tie na:
«Laa tie leni u paalu bi leni a fidicele ka,
Ke a baa fidi ki soani laa tuonli.
Se leni n Fuoma.
7A tie ŋme, fini li joacianli
Solobabeli nintuali?
A baa tua tialu.
O baa ñani likani yaa tanli n baa maani ki juodi n dieli tanpoli.
Bi niba baa yaa kpaani ki tua:
‹Li pia ñuadima! Li pia ñuadima!› »
8Li Miali Diedo go den soani nni ki yedi:
9«Solobabeli cili mini U Tienu diegu tanpuuli:
O baa maa ki juodi li mo.»
Lani kuli yaa tieni,
Yi baa bandi ke Li Miali Diedo, U Paaciamu Kuli Daano n soani nni yikani moamoani.
10aŊmenba n fali yaa tuonbibidi n da cili ki tuuni?
Ban mangi bi pala leni Solobabeli n baa goa ki maa U Tienu diegu.
Li bonlekaluobidila: li tigbabikaali
Currently Selected:
SAKALI 4: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
