SAKALI 6
6
1N didi go den laa bonlekatoala. N den laa toateliti naa ke ti ñani kumoanjuana lie siiga. 2Yaa taami n den dia yaa toateligu n den ye liiga den tie tanmoani. Yaaba n den dia ku bonliegu mo den tie tanboani.#Doa 6.4,5 3Yaaba n den dia ku bontaagu mo den tie tanpieni. Yaaba n den dia ku bonnaagu mo den moani ki bua ki yaa boani, ki tuutu.#Doa 6.2 4N den buali maleki yua n den maadi leni nni yeni: «Bine mo tie be, n Diedo?» 5O den goa ki yedi nni: «Li tie tanpoli faali boninaa, yi n ñani i kaanu kani, yin bi ye naani, ki tinga kuli Diedo kani.»#Doa 7.1
6Yaa tanboani n den dia toateliyengu den teli nijienu po yaa diema. I tanpieni moko den ŋoadi i tanboani yeni fuuli. I tantuunituuni mo den teli ganu po. 7I tanmoani mo den ñani ki mia ke bi bua ki gedi ki ban goandi ki tinga. Maleki den yedi ba: «Gedi mani ki ban goandi ki tinga.» Bi den gedi ki ban goandi ki tinga. 8O den yini nni ki yedi: «Ŋan nua ke yaaba n teli nijienu po diema yeni, bi bua ki ban jiini n pabienli laa diema yaaba po yo.»
Josue kpiagidi sawalo
9Li Miali Diedo den maadi leni nni ki yedi yaa maama n tie na: 10«Ŋan ga yaaba n ye ti yonbidi n teni Helidayi, Tobija leni Yedayeya yaa paabu ke bi cuani yeni. Bani yaaba n cuani yeni den cani Sofoni bijua, Josiasi denpo, ban den ñani Babilona ki cua. Dinla, dinla ŋan fii ki gedi lipo. 11Ŋan taa ŋanjilifa leni wula, ki duadi ki tieni mu badifogilimu ki cibini Yehotisadaka bijua bi kopadicianba bado Josue. 12Ŋan yedi ke Li Miali Diedo, U Paaciamu Kuli Daano yedi ke ja baa cua, ki yi li “Benkpeli”. O baa kpeli wan ye naani, ki maa Li Miali Diedo diegu.#Jel 23.5; 33.15; Sak 3.8 13O baa yaa pia li bali maalima ki kaa o gbandi po ki die. O kopadiciamo baa yaa ye o kani, ke bikuli taa ñoabu ki tuuni. 14Mu badifogilimu baa yaa ye mini Li Miali Diedo diegu nni ki tie yaala n tiadi Helidayi leni Tobija leni Yedayeya leni Sofoni bijua, Josiasi.» 15Bi niba baa ña hali foagima, ki cua ki todi ban goa ki maa Li Miali Diedo diegu. Lani, yi baa bandi ke Li Miali Diedo, U Paaciamu Kuli Daano n soani nni moamoani. Laa bonla kuli baa tieni, yi yaa tuo ki ŋua Li Miali Diedo, yi Tienu.
Yaa ñoalolima n tiadi Jelusalema bodima
Currently Selected:
SAKALI 6: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
