SAKALI 3
3
1Li Miali Diedo den teni ke n laa bi kopadicianba bado Josue, ke o se Li Miali Diedo maleki nintuali. Sutaani den se Josue jienu po ki bua ki kuli o.#Esd 5.2; Doa 12.10 2Maleki yeni den yedi Sutaani: «Li Miali Diedo n yie apo! U Tienu, wani yua n gandi Jelusalema yeni n yie apo! Naani Josue ki tie nani ban kuudi ki ñani yaa mudatali mi fantama nni yeni ka?»#3.2 Nekanba, li mudatali maama yeni tie makpanjama ki bua ki bundi ke Josue den ciadi ti yonbidi nne, ki lebidi ki kpeni leni o lieba. Esidilasi 2.36.#Jud 9
3Josue den laa tiajoaginde ki se Maleki nintuali. 4Maleki yeni den yedi o yegininlieba ke ban landi wani Josue tiajoagindi yeni. Li yaa puoli, o den yedi Josue: «Diidi, n ñani apo a tagili, ki baa lani a ti jaantiadi.»
5O go den yedi: «Fini mani o yuli leni yaa finfinjuadi n ŋani.» Bi den fini o yuli leni yaa finfinjuadi n ŋani, ki go yieni o ti tiayiekaadi.#3.5 Nekanba, ti finfinjuadi leni ti tiayiekaadi yeni tie bi kopadicianba n yen laa yaala ki tuuni U Tienu diegu nni. Li Miali Diedo Maleki den se likani. 6Maleki yeni den yedi Josue ke 7Li Miali Diedo, U Paaciamu Kuli Daano niani yaa ñoanianu n tie na ki yedi: «A yaa tuo ki cuoni n sani nni, ki kubi n *balimaama, n baa piani fine n dieli leni li luoli. N baa pa ŋa u sanu ŋan nagini n kani nani yaa malekinba n ye n nintuali na. 8Lanwani, Josue, fini bi kopadicianba bado, ŋan cengi, fini leni yaa kopadicianba n yegi leni a, yinba yaaba n tie yaa *faabima n kpendi maalima. N baa teni n naacemo, yua n yi li Benkpeli#3.8 Laa yeli tie U Tienu nisoaginkaaba boncianla n den yi Dafidi yaabili, yua n baa cua ki faabi bi niba yeni yaa yeli. yeni n cua.#Jel 23.5; 33.15; Sak 6.12 9N bili Josue nintuali li tanli, yaali n pia nuni lele. N baa diani lipo dianu ki ñani dayenli dayenli mi naa diema yaa tuonbiadi. Li Miali Diedo, U Paaciamu Kuli Daano n yedi. 10Laa daali yaa pundi, yi siiga yua kuli baa yini o lieba yi duven tiidi tinga leni yi kankanŋuke tinga, ban mangi bi pala mi yanduanma po.»#Mis 4.4
Li bonlekamuudila: i fidisantuankaani leni olifie tiidi
Currently Selected:
SAKALI 3: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
