SAKALI 2
2
1Li bonlekaliela nni, n den laa yina naa. 2N den buali maleki yua n den maadi leni nni yeni: «Yaa yina n tie na mo bundi be?» O den goa ki yedi nni: «Laa yinnaada tie yaa nilanbuoli n den pia u paalu ki fidi ki yadi Juda diema yaaba, Isalele diema yaaba leni Jelusalema yaaba.»
3Li yaa puoli, Li Miali Diedo den waani nni maaba naa. 4N den buali o: «Bi cua ki tiendi be?» O den goa ki yedi: «Bi cua ki baa jieni ki go bolini yaa nilanbuoli n den yadi Juda diema yaaba, hali maama ke baa niyendo ki den ye yua n baa fidi ki mua jama.»
Li bonlekataala: U baabibiigiko
5Li bonlekataala nni, n den laa ja ke o se ki kubi baabibiigiko. 6N den buali o: «A caa le?» O den goa ki yedi nni ke wan caa Jelusalema, ki baa n biigi u dogu foagimu leni u pianu.
7Lane, Maleki yua n den maadi leni nni yeni den cuoni ki cuubi malekitoa ke omo togidi o. 8O den yedi o: «Sani ki yedi o jawaalo yua n kubi u baabibiigiko yeni, ke bi kan maa bilini ki lindi Jelusalema, kelima yaa niba leni yaa yandi n baa yaa ye lienni yeni baa yaa yaba boncianla. 9Li Miali Diedo yedi ke o baa lindi ki cebini u dogu wani oba nani mi fantama yaa bilinu yeni. O baa doagidi o kpiagidi likani.»
U Tienu maadi leni yaaba n ye ti yonbidi
10Li Miali Diedo yedi o niba:
«Min den yadi yinba yaaba i kaani kuli yeni,
Sani mani moala,
Sani ki ña mani nijienu po diema,#2.10 Nijienu po diema yeni tie Babilona dieme. Yaa sanu n den ña Palesitina ki caa lipo den ye nijiene.
11Yinba Jelusalema yaaba,
Ban den gedini yinba yaaba ti yonbidi Babilona,
Jaligi mani ki sani.»
12Li Miali Diedo, U Paaciamu Kuli Daano, yua n soani nni
Maadi yaa nilanbuoli n den fagi yi piama yeni po,
Ki yedi ke yua n sii yi kuli
Sii wani U Tienu nunbili yo.
13O yedi: «N baa fii i nilanbuoli yeni po,
Ki teni ban den cuo yaaba ti yonbidi yeni mo
N fagi bi yaa piama.»
Laa bonla yaa tieni, yi baa bandi ke Li Miali Diedo,
U Paaciamu Kuli Daano n soani nni moamoani.
14Li Miali Diedo yedi:
«Yiini mani ki mangi yi pala, yinba Jelusalema yaaba,
Kelima n kpendi na, ki baa yaa ye yi siiga.
15Laa yogunu i nilanbuoli boncianla baa sani
Ki tabini mini Li Miali Diedo,
Ki tua n niba.
N baa yaa ye yi siiga.»
Lani kuli yaa tieni yi baa bandi ke Li Miali Diedo,
U Paaciamu Kuli Daano n soani nni yi kani.
16Li Miali Diedo baa goa ki diedi Juda diema,
Man tua o yaama cele,
Wan den gagidi ki ŋanbi yaa tinga yeni yaa niinni.
O baa goa ki gandi Jelusalema dogu, wun tua o dogu.
17Yua kuli n cuo o ñoabu Li Miali Diedo nintuali,
Kelima o baa fii ki ña o yekaanu yu n gagidi yaa niinni.
Li bonlekanaadila: bi kopadicianba bado Josue
Currently Selected:
SAKALI 2: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
