Sɛb-sõw yielu 98
98
Sɛb-sõw yielu 98 (97) sob
A Sore na ɩ a tẽ-daa za ƴɛ̀r-dɩrɛ a
1Sɛb-sõw yielu.
Nyɩ yieli yiel-paala danɩ nɩ a Sore,
ʋ sɩrɩ na maalɩ nɔ-ɓãa-yele.
A ʋ dʋrʋ nũu nɩ a ʋ kpãkpãw-sõw n'a ʋ zɛb'ɩ tʋ̃ɔ́.
2A Sore wul'ɩ a nɩ-bʋʋr-yoru
kɛ́ ʋlɛ n'ɩ a Faarɛ, ʋ ɩ na bɛ bãw a ʋ mɩnʋ.
3Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a
a Ɩsɩrayɛl nɩ-bʋʋrɛ ƴãw ɛ.
A nɩbɛ nyɛ̃ na tɩ tɔ a tẽw baarʋ zie
k'aa Naaŋmɩn faa tɩ na.
4Tẽ-daa nɩbɛ za a, nyɩ cáarɛ a Sore ƴãw,
nyɩ lɔbr nʋ̃ɔ̀ cɛlsɩ, ɛ́ yiele ŋmɩɛr'ɩ bʋ̃-ŋmɩɛrɩ.
5Nyɩ ŋmɩɛr korijom danɛ nɩ a Sore,
nyɩ ŋmɩɛr korijom lãwnɩ a bʋ̃-ŋmɩɛrɩ.
6Nyɩ pɛblɛ wɩɩr nɩ ɩ́lɛ́, nyɩ ŋmɩɛr kuryii
ƴãwn a Sore, tɩ Nãà.
7A kʋ̃ɔ-kpɛ̃ɛ, ʋ damnɛ,
nɩ a bome al za na paalɩ ʋ a,
a tẽ-daa nɩ a nɩbɛ na kpɩɛr a ʋ zu a!
8A mamɛ, a puore nuru,
ɛ́ a tan lãw taa cɩɩrɛ nɩ nʋ̃ɔ̀
9a Sore niŋé, ʋ na waar a ƴãw.
Ʋ waar'a k'ʋʋ wa dɩ n a tẽw ƴɛ̀rʋ,
ʋ na dɩ n nɩ a tẽ-daa a ƴɛ̀rʋ nɩ mɩnʋ,
ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.
La Bible en Dagara © Alliance Biblique du Burkina Faso, 2013.