Sɛb-sõw yielu 97
97
Sɛb-sõw yielu 97 (96) sob
A Sore ɩ n nãà: a tẽw, ʋ cɩlɛ!
1A Sore ɩ n nãà: a tẽw, ʋ́ cɩlɛ ƴawr'ɩ,
nʋ̃ɔ̀, a ɩrɛ a kʋ̃ɔ-kpɛ̃ɛ-sɔgɔ-ten na zãá a!
2Zũzuw-sɛbla pili na pàw ʋ.
Mɩnʋ nɩ yel-na-tu-sɔr-a, alɛ n'a ʋ dɩrɛ nɩ a naalʋ.
3Vũu de ʋ niwn, dɩrɛ a ʋ dɔ̃ dem a lõboge za.
4A ʋ saa-nyɩwrʋ mɩ́ caal'ɩ a tẽ-daa,
a tẽw nyɛ̃ màwr.
5A tan mɩ́ nyɩl'ɩ a Sore niŋé
mɛ̃ sɩ-suur a, a tẽw za Sore niŋé.
6A salom hiere na yere a ʋ mɩnʋ,
ɛ́ a nɩ-bʋʋrɛ za nyɛrɛ a ʋ yúor-vɩɛlʋ-danʋ.
7Bɛlɩ dem za na maalɛ a tɩbɛ a, bɛlɛ so vĩ,
bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a.
A ŋmɩmɛ za, a lo gbĩ dume a Sore niŋé!
8Sɩyɔ̃ tẽw wõ a na, nʋ̃ɔ̀ ɩrɛ ʋ,
a Zuda tẽw tẽ-bɛrɛ cɩlɛ na,
a ƴɛ̀rʋ fʋ na dɩ a ƴãw, Sore e.
9Sore e, a tẽw za zu a, fʋ̃ʋ sɩrɩ n'ɩ
a Naaŋmɩn-na-do-saa-bɛ-pɩɛl-a,
fʋ do na gãw a ŋmɩmɛ za.
10Nyɩɩm na nɔnɛ a Sore a, nyɩ hɩ̃ɛn a faalʋ,
ʋ mɩ́ gù n a nɩbɛ na sàw de ʋ a nyɔ-vʋʋrʋ,
ʋ mɩ́ faa bɛ nɩ a nɩ-faar nuru pʋɔ.
11Cãà pur'ɩ a nɩ-mɩŋa ƴãw,
ɛ́ nʋ̃ɔ̀ be be a soci-parpar dem ƴãw.
12Nyɩɩm nɩ-mɩn i, nyɩ cɩlɛ a Sore ƴãw,
nyɩ íre a ʋ yo-sõw danɛ nɩ ʋ.
La Bible en Dagara © Alliance Biblique du Burkina Faso, 2013.