Sɛb-sõw yielu 99
99
Sɛb-sõw yielu 99 (98) sob
A Sore tɩ Naaŋmɩn ɩ n sõw
1A Sore ɩ n nãà, a nɩ-bʋʋrɛ màwr'a.
A ʋ naalʋ-dà-kɔw bin nɩ a seribɛ̃ mɩnɛ zu-sɔw,
a tẽw damnɛ na.
2A Sore ɩ n kpɛ̃ɛ a Sɩyɔ̃ tẽw pʋɔ,
— ʋ do na gãw a nɩ-bʋʋrɛ za.
3A nɩbɛ, bɛ íre a fʋ yúor:
— fʋ̃ʋ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.
Fʋ ɩ n sõw.
4Nãà fãw n'ɩ ʋ na nɔnɛ a yel-na-tu-sɔr-a.
Fʋ̃ʋ n'ʋ bin a lɛ a na sɛw k'aa yele tuur a.
A yel-na-tu-sɔr nɩ a mɩnʋ a,
fʋ̃ʋ n'ʋ ƴãw a a Zakɔb bʋʋrɛ pʋɔ.
5Nyɩ hiere yere a Sore tɩ Naaŋmɩn na ɩ kpɛ̃ɛ a,
nyɩ lo gbĩ dume gũu tɩ tɔ tẽw a ʋ naalʋ-dà-kɔw pɛr.
— A Sore ɩ n sõw.
6Moyiir nɩ Aarɔ̃ tɩ pʋɔ nɩ a ʋ bàwr-maalbɛ pʋɔ,
ɛ́ Samɩɛl pʋɔ a bɛlɩ dem
na bʋɔlɛ a ʋ yúor a pʋɔ,
bɛ mɩ́ tɩ bʋɔl'ɩ a Sore, ʋ sɔw bɛ.
7A Naaŋmɩn mɩ́ tɩ ƴɛ̀rɛ nɩ a bɛ zie
a zũzuwr#99:7 Zũzuwr: Nyɛ̃ Ety 13.21, 19.9, 33.9, Sɔr-n 12.5. na ba àr mɛ̃ kpul a pʋɔ,
bɛ tɩ sàw nɩ a ʋ nɛ-ƴãwnɩ
nɩ a wulu ʋ na tɩ kʋ̀ bɛ a.
8Sore tɩ Naaŋmɩn i, fʋ̃ʋ mɩŋa mɩ́ tɩ sɔw bɛ na.
A bɛ zie a, fʋ tɩ ɩ n Naaŋmɩn na nyɔwr ʋ tʋɔra a,
ɛcɛ fʋ tɩ dɔwrɩ bɛ nɩ a bɛ sãwna ƴãw.
9Nyɩ hiere yere a Sore tɩ Naaŋmɩn na ɩ kpɛ̃ɛ a,
nyɩ lo gbĩ dume gũu tɩ tɔ tẽw tori a ʋ tãw-sõw,
bʋ̃ʋ n'ʋ vɛ̃, A Sore tɩ Naaŋmɩn ɩ n sõw.
La Bible en Dagara © Alliance Biblique du Burkina Faso, 2013.