Sɛb-sõw yielu 85
85
Sɛb-sõw yielu 85 (84) sob
A Sore ƴɛ̀rɛ nɩ ƴã-ɓaarʋ ƴɛ̀rʋ
1Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.
2Sore e, fʋ ɩ na a nɔ̃wfʋ fʋ na nɔnɛ
a fʋ tẽw a, ʋ sãá,
fʋ ɩ na a Zakɔb bʋʋrɛ yi
a gbãgbaalʋ pʋɔ lɛb wa.
3Fʋ de nɩ a fʋ nɩbɛ sãwna bɛr a baarɩ,
fʋ dɩ n a bɛ yel-bebe za suur kʋ̀ bɛ. Tɛw-àrʋ
4Fʋ nyɔw nɩ a fʋ suur,
fʋ bɛr'ɩ a fʋ su-tʋlʋ kpãkpã.
5Naaŋmɩn tɩ faarɛ ɛ, ɩ tɩ lɛb wa,
ta cãà tɛr'ɩ tɩ a mɩnɛ kãw ɛ.
6A na ŋmɛ̃ lɛ a, fʋ na nyɛ̃ nɩ tɩ nɩ suur kʋralɛ bɩɩ?
A fʋ suur na be n be yome yome za bɩɩ?
7Fʋ kʋ̃ lɛb wa wa kʋ̀ tɩ a nyɔ-vʋʋrʋ,
a fʋ nɩ-bʋʋrɛ tʋ̃ɔ́ cɩlɛ a fʋ ƴãw ɛ?
8Sore e, ɩ tɩ nyɛ̃ a fʋ nɔ̃wfʋ,
kʋ̀ tɩ a fʋ faafʋ!
9Ɩ̃ bɛrɛ na wone a ʋlɩ bom nɛ a Naaŋmɩn na yere a:
a Sore ƴɛ̀rɛ nɩ ƴã-ɓaarʋ ƴɛ̀rʋ a ʋ nɩ-bʋʋrɛ ƴãw,
a ʋ nɩbɛ ƴãw, a bɛlɩ dem na lɛb tu ʋ
nɩ bɛ pʋɔ za a ƴãw.
10A Sore kʋ̃ yaa kɛ́ faa a bɛlɩ dem na zɔrɛ ʋ a ɩ,
ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.
11Nɔ̃wfʋ nɩ yel-mɩŋa tuor'ɩ taa,
mɩnʋ nɩ ƴã-ɓaarʋ nyɔw nɩ taa weri.
12A yel-mɩŋa na bul'a yi a tẽw,
ɛ́ a mɩnʋ yi a salom zu siw.
13A Sore mɩŋa na tɩr'ɩ a nʋ̃ɔ̀,
ɛ́ a tɩ tẽsɔw wɔ̃ a ʋ wɔmɛ.
14A mɩnʋ de nɩ a Sore niwn,
ɛ́ cɔbrɛ a sɔ́r a ʋ niŋé.
La Bible en Dagara © Alliance Biblique du Burkina Faso, 2013.