Sɛb-sõw yielu 84
84
Sɛb-sõw yielu 84 (83) sob
Zerizalɛm dob daar yielu
1Yiel-yielbɛ nɩ-kpɛ̃ɛ sɛbɛ pʋɔ yielu. Gatɩ tẽw korijom'ʋ bɛ mɩ́ ŋmɩɛr yiele nɩ. Koore bibiir yielu. Sɛb-sõw yielu.
2Sore kpɛnʋ-za-sob i,
nɔ̃wfʋ bɛ n'a ɩ̃ nɔ̃w a fʋ yir ɛ!
3Ɩ̃ kpiir'a lore ɛ́ zɩnɛ guur
a fʋ yir davʋrɩ ƴãw.
A ɩ̃ socir nɩ a ɩ̃ ƴã-gan lɔbr'ɩ nʋ̃ɔ̀ cɛlsɩ
cɔwr a Naaŋmɩn na vʋʋrɛ a.
4A davɩɩn tɔr za tɛr'ɩ kpɛb zie,
ɛ́ a bɛlaarɛkule tɛr cow mɩ́ ƴãw a ʋ bili,
a fʋ bàwr-maal-kube pɛr'a,
Sore kpɛnʋ-za-sob i, ɩ̃ Nãà nɩ ɩ̃ Naaŋmɩn i!
5Zu-nʋ̃ɔ̀ dem'ɩ a bɛlɩ dem
na kpɩɛr a fʋ yir a,
bɛ na tʋ̃ɔ́ na danɛ fʋ kʋralɛ! Tɛw-àrʋ
6Zu-nʋ̃ɔ̀ dem'ɩ a bɛlɩ dem fʋ na mɩ́ ɩ bɛ tɛr fãw a,
a bɛl na mɩ́ pɛlɩ pʋɔ ìr lo a sɔ́r a.
7Bɛlɛ wa gãwnɛ bà-fʋɔl-kõw kõw a,
Naaŋmɩn mɩ́ ɩ na ʋ lɩɛbɩ bul-nɛ́ɛ zie,
ɛ́ a sa-dan mɩ́ paal'ʋ na nɩ maalʋ.
8Bɛ mɩ́ cere na ɛ́ a bɛ fãw dɔwlɛ,
bɛ tɩ ta a Naaŋmɩn niŋé, a Zerizalɛm.
9Sore Naaŋmɩn kpɛnʋ-za-sob i, wõ a ɩ̃ puoru,
Zakɔb Naaŋmɩn i, bɛr wõ m. Tɛw-àrʋ
10Naaŋmɩn i, jɩ́r a nãà kaa,
ʋlɛ n'ɩ a tɩ zɛbr-kur-pãgala,
jɩ́r a fʋ nɩr fʋ na kaa ír a kaa.
11Bibi-been beba a fʋ davʋrɩ pʋɔ
sa n bibie túr zi-yoru.
Naaŋmɩn i, mãa nɩ̃ɛ àr a fʋ dɩ̃dɔrɩ́ a,
alɛ sa ɩ̃ na na lãw kpɩɛr'ɩ a nɩ-faar a.
12Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala.
A Sore mɩ́ tɩr'ɩ a maalʋ nɩ a yúor,
ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.
13Sore kpɛnʋ-za-sob i,
zu-nʋ̃ɔ̀ sob'ɩ sob nɛ na ƴãw a ʋ tɩɛrʋ a fʋ ƴãw a!
La Bible en Dagara © Alliance Biblique du Burkina Faso, 2013.