Sɛb-sõw yielu 83
83
Sɛb-sõw yielu 83 (82)
Naaŋmɩn i, ta ɩ gbili ɛ!
1Yielu. Sɛb-sõw yielu Asafʋ na maalɩ a.
2Naaŋmɩn i, ta ɩ gbili ɛ,
Naaŋmɩn i, ta zɩ̃ zoom bɛ ɩrɛ bom za ɩ.
3Nyɛ̃, a fʋ dɔ̃ dem damnɛ na,
a fʋ bɛ-nɔnbɛ zɛwr'ɩ a zu.
4Bɛ bʋ̀rɛ nɩ taa a fʋ nɩ-bʋʋrɛ ƴãw,
bɛ sɔwlɛ na wone taa a fʋ nɩbɛ
fʋ na gùre a ƴãw.
5Bɛ yere na: «Nyɩ wa tɩ ɩ
bɛ ta cãà ɩ nɩbɛ a nɩ-bʋʋrɛ pʋɔ ɩ,
bɛ ta cãà pore a Ɩsɩrayɛl yúor ɛ!»
6Bɛ sɔwlɛ na ɓanɛ taa,
bɛ za sàw na kɛ́ bɛ maalɩ wõ-taa a fʋ ƴãw.
7Edɔm nɩ Ɩsɩmayɛl nɩbɛ nɛbɛ,
Mowab, Agaar nɩ Geval nɩbɛ,
8Amɔ̃ nɩ Amalɛkɩ nɩbɛ,
Filisɩtɛ̃ mɩnɛ nɩ Tɩ́ɩ̀r tẽw dem.
9Asiiri tẽw dem tɛɛ za lãw nɩ bɛ na,
kɛ́ bɛ sõw a Lɔtɩ bibiir#83:9 Lɔtɩ bibiir: A Lɔtɩ bibiir tɩ n'ɩ a Mowab nɩ a Amɔ̃ ten dem.. Tɛw-àrʋ
10Naaŋmɩn i, ɩ bɛ mɛ̃ a Yavin
nɩ a ʋ zɛbr nɩ-kpɛ̃ɛ Sɩsera fʋ na tɩ ɩ
a Kison bà-fʋɔla pʋɔ a.
Ɩ bɛ mɛ̃ a Madian tẽw dem a.
11Bɛ tɩ kʋ bɛ na pàw pɛr a Ɛɩn-Door,
bɛ ɩ pʋɔrʋ a tẽsɔw ƴãw.
12Ɩ a bɛ na-mɩnɛ mɛ̃ a lɛ fʋ na tɩ ɩ
a Orɛvʋ nɩ a Zɛvʋ a,
ɩ a bɛ nɩ-bɛrɛ za mɛ̃ Zeva nɩ Salimuna a.
13A nɩbɛ bɛ ŋa tɩ yel'a:
«Nyɩ ɩ tɩ de a ziir a Naaŋmɩn na so a.»
14Ɩ̃ Naaŋmɩn i, ɩ bɛ ŋmɛ̃ taa nɩ a pupun-bir,
bɩɩ a sàwr a sɛsɛb na mɩ́ ɓáw cen nɩ a.
15Mɛ̃ a lɛ vũu na mɩ́ dɩ tuw a,
mɛ̃ a lɛ vũu-zɛlɛ na mɩ́ dɩ tan lʋɔrɩ a,
16diw bɛ nɩ a fʋ sɛsɛb,
ƴãw bɛ dɛ̃bɩ̃ɛ nɩ a fʋ saa-sɛsɛb-kpɛ̃ɛ.
17Ɩ kɛ̀ bɛ nyɛ̃ vĩ, tʋ̃ɔ́ lɛb wa a fʋ zie, Sore e.
18A bɛ yúor, ʋ sãw, dɛ̃bɩ̃ɛ, a ɩrɛ bɛ kʋralɛ!
Vĩ, a nyɔw bɛ bɛ kpi!
19Bɛ bãwnɩ a kɛ́ fʋ̃ʋ yõ, a yúor na dɩ Sore a,
fʋ̃ʋ n'ɩ a Naaŋmɩn-na-do-saa-bɛ-pɩɛl-a,
a tẽ-daa za zu.
La Bible en Dagara © Alliance Biblique du Burkina Faso, 2013.