Sɛb-sõw yielu 82
82
Sɛb-sõw yielu 82 (81) sob
A ƴɛ̀r-dɩrbɛ na bɛ dɩrɛ a ƴɛ̀rʋ vla a ƴãw
1Sɛb-sõw yielu Asafʋ na maalɩ a.
A Naaŋmɩn ìr'a àr a ŋmɩmɛ lãw pʋɔ,
ʋ dɩrɛ nɩ a ƴɛ̀rʋ a ŋmɩmɛ sɔgɔ.
2«Debor daar'a nyɩ na mɩ́ dɩ a ƴɛ̀rʋ
a bɛ tu a yel-mɩŋa,
ɛ́ nyɩ mɩ́ kpɛ a nɩ-faar tɩ ta? Tɛw-àrʋ
3Nyɩ mɩ́ dɩ a ƴɛ̀rʋ kʋ̀ a bãbàal nɩ a bi-kpieb,
nyɩ mɩ́ dɩ a ƴɛ̀rʋ kʋ̀ a kpɩɛrʋ sob
nɩ a nɩ-kɔmɛ a tu yel-mɩŋa.
4Nyɩ mɩ́ faa a bãbàal nɩ a nã́w sob,
nyɩ mɩ́ faa bɛ a nɩ-faar nuru pʋɔ.
5Ɛcɛ, nyɩ bɛ bãw bom za ɩ, nyɩ bɛ tɛr yã ɩ,
nyɩ be n lige pʋɔ bɔblɛ, alɛ so a zie bɔbr sãwfʋ.
6Mãa yel'a: naaŋmɩmɛ n'ɩ nyɩ, nyɩ za,
a Naaŋmɩn-na-do-saa-bɛ-pɩɛl-a bibiir'ɩ nyɩ za.
7Ɛcɛ nyɩ na kpi na mɛ̃ a nɩsaalbɛ a,
nyɩ na lo na mɛ̃ nãà kãw za a.»
8Naaŋmɩn i, ìr, dɩ n a tẽ-daa a ƴɛ̀rʋ,
fʋ̃ʋ na n'ʋ só a nɩ-bʋʋrɛ za a.
La Bible en Dagara © Alliance Biblique du Burkina Faso, 2013.