Sɛb-sõw yielu 64
64
Sɛb-sõw yielu 64 (63) sob
A dɔwrʋ a gɛgɛrɩ na na nyɛ̃ a
1Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.
2Naaŋmɩn i, bɛr wõ a ɩ̃ kpɩɛrʋ ɩ̃ na kone kʋ̀rɛ fʋ a,
gù a ɩ̃ nyɔ-vʋʋrʋ dɔ̃ sob kãw ƴãw ɩ̃ na zɔrɛ a.
3Sɔwlɩ mɛ̃ zãá nɩ a po-to-dem na bʋ̀rɛ taa a ɩ̃ ƴãw a,
zãá nɩ a yel-fa-maalbɛ na ƴɛ̀rɛ wone taa a ɩ̃ ƴãw a.
4A bɛ zɛl ɩ n sʋɔ bɛ saalɛ,
a bɛ ƴɛ̀rʋ, na 'wɔbr a, ɩ pime bɛ car,
5kɛ́ bɛ sɔwlɩ tɛ n a nɩ-mɩŋa:
bɛ mɩ́ ùr'a tɛ ʋ, ɛ́ bɛ zɔrɛ bom za ɩ.
6Bɛ ƴɛ̀rɛ na sõwne taa a bɛ tõ-faa ƴãw,
bɛ bʋ̀rɛ nɩ taa kɛ́ bɛ sɔwlɩ ƴãw bɛrɩ,
ɛ́ yere: «Ãa n'ʋ na nyɛ̃ a?»
7Bɛ mɩ́ tɩɛr'ɩ a tõ-faar bɛ na na tõ a,
ɛ́ yere: «Tɩ cɔbr'ɩ a tɩ yel vla,
a pʋ-tɩɛr-sɔwla nɩ a nɩsaal socir zulu tɔ!»
8Ɛcɛ Naaŋmɩn tɛ bɛ na,
a pĩi n'ɩ ŋan ur nyɔw bɛ:
9ʋ ɩ na a bɛ ƴɛ̀rʋ lɛb ŋmɛlɩ nyɔw bɛ.
Nɩr za na mɩ́ nyɛ̃ bɛ a, mɩ́ gɔwrɛ nɩ zu.
10Dɛ̃bɩ̃ɛ mɩ́ nyɔw nɩ nɩsaal za,
ʋ manɛ a ton a Naaŋmɩn na tõ a, ɛ́ bãw a ʋ pɛr.
11A nɩ-mɩŋa, ʋ cɩlɛ a Sore ƴãw,
ʋ de ʋ, ʋ ɩ a ʋ sɔwlʋ zie.
a soci-dẽdẽ dem za na danɛ nɩ bɛ tʋɔra a ʋ ƴãw.
La Bible en Dagara © Alliance Biblique du Burkina Faso, 2013.