Sɛb-sõw yielu 6
6
Sɛb-sõw yielu 6 sob
Sore e, taa dɔwrɛ mɛ̃ ɩ
1A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.
2Sore, fʋ nyɛ̃ nɩ mɛ̃ nɩ suur,
ɛcɛ ta ƴãw mɛ̃ dɔwrʋ ɛ,
ta kpãa mɛ̃ nɩ su-yãyaar ɛ.
3Sore e, zɔ ɩ̃ nɩbaalʋ, a ɩ̃ fãw báarɛ na,
Sore e, sanɩ mɛ̃, a ɩ̃ kɔbɛ za yɔwrɛ na.
4A ɩ̃ tɩɛrʋ za dam'a nyaw taa.
Ɛ́ fʋ̃ʋ a, Sore e, debor'a fʋ na gù tɩ ta?
5Sore e, lɛb wa wa faa mɛ̃,
faa mɛ̃ a fʋ nɔ̃wfʋ zũú.
6Bʋ̃ʋ n'ʋ vɛ̃, nɩr bɛ lɛb tɩɛrɛ fʋ yele a kũu pʋɔ ɩ,
nɩr bɛ danɛ fʋ a kpɩmɛ tẽw pʋɔ ɩ.
7Ɩ̃ kõ na bɛ tɩ cãà laar ɛ,
tɩ̃ɩsɔw za, a ɩ̃ mʋta-kʋ̃ɔ mɩ́ bur'ɩ a ɩ̃ gado,
a ɩ̃ bʋ̃-gana mɩ́ ɩ n mʋta-kʋ̃ɔ tɛwr.
8A pʋ-sãwna zɔ̃wnɛ nɩ a ɩ̃ mimie,
a nyɛrʋ bɛ cãà saalɩ ɛ, a ɩ̃ dɔ̃ dem yaga zũú.
9Nyɩ cen taw zaa a ɩ̃ zie,
nyɩɩm yel-fa-maalbɛ za a!
Bʋ̃ʋ n'ʋ vɛ̃, a Sore wõ n a ɩ̃ kon.
10A Sore wõ n a ɩ̃ yãayãa zɛlʋ,
ʋ sàw na de a ɩ̃ puoru.
11Vĩ, a nyɔw a ɩ̃ dɔ̃ dem za,
ɛ́ a bɛ tɩɛrʋ dam bɛ, bɛ lɛb pùor bɛ za,
ɛ́ vĩ ùr nyɔw bɛ!
La Bible en Dagara © Alliance Biblique du Burkina Faso, 2013.