Sɛb-sõw yielu 5
5
Sɛb-sõw yielu 5 sob
Nɩr na cen a Sore zie a puoru
1A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bɛ mɩ́ pɛblɛ nɩ weli ƴãwn. Daviir yielu kãw n'ʋ.
2Sore e, bɛr wõ a ɩ̃ ƴɛ̀rʋ,
wõ a «'woi! 'woi!» ɩ̃ na kone a.
3Fʋ̃ʋ ɩ̃ Naaŋmɩn nɩ ɩ̃ Nãà a,
cɛlɛ be wõ a ɩ̃ bʋɔlʋ, fʋ̃ʋ n'ʋ ɩ̃ puore.
4Sore e, fʋ mɩ́ wõ n a ɩ̃ kɔkɔr a biɓaara,
a biɓaara a, ɩ̃ mɩ́ cɔbr'ɩ bom za a fʋ ƴãw, ɛ́ gùre.
5Fʋ bɛ ɩ naaŋmɩn kãw na nɔnɛ a faalʋ a ɩ,
nɩ-faa bɛ kpɩɛr a fʋ yir ɛ.
6Pɔ̀lʋ̀ dem bɛ àrɛ a fʋ niŋé ɩ,
fʋ bɛ nɔnɛ a yel-fa-maalbɛ za towtow ɛ.
7Fʋ mɩ́ ɩ n a zir-ŋmarbɛ bɛ kpi,
a nɩsaal-libelibe nɩ nɩ-kʋrɛ a, Sore e,
fʋ bɛ nɔ̃w bɛ paalɩ gʋba ɩ!
8Ɛcɛ a fʋ nɔ̃wfʋ a ɩ̃ zie ɩ n kpɛ̃ɛ,
ɩ̃ mɩ́ tʋ̃ɔ́ kpɛ a fʋ yir pʋɔ
lo gbĩ dume nɩ ƴãwfʋ, tori a fʋ yir-sõw.
9Sore e, fʋ ɩ n Naaŋmɩn na tuur yel-mɩnʋ a,
wul mɛ̃ a sɔ́r, a ɩ̃ dɔ̃ dem ƴãw.
Ɩ a fʋ sɔ́r ʋ man taa a ɩ̃ niŋé.
10Bɛ bɛ yere yel-mɩŋa ɩ,
faa maalʋ tɛwr tɩɛrʋ n'a bɛ tɛr.
A bɛ kɔkɔpʋɔ ɩ na mɛ̃ yàa-bɔw na yuo a,
bɛ̀lʋ nʋɔr'ʋ bɛ ƴãw.
11Naaŋmɩn i, yel kɛ́ bɛ sãw na,
a bɛ libelibe, a wa n a bɛ loba.
Diw bɛ bɛr a bɛ ɩ-faar za ƴãw,
bɛ na ɩ nɩsaal-gaarɩ a fʋ zie a ƴãw.
12Bɛlɩ dem za na zɔ kpɛ a fʋ naayir a
na cɩlɛ na, bɛ na cɩlɛ nɩ kʋralɛ,
fʋ na piw bɛ tɛr a.
Fʋ na ɩ n a bɛlɩ dem na nɔnɛ fʋ a,
bɛ ŋmɩɛr nʋ̃ɔ̀ cɛlsɩ.
13Sore e, fʋ̃ʋ n'ʋ mɩ́ maalɩ a nɩ-mɩŋa,
a fʋ maalʋ mɩ́ pili na pàw ʋ,
mɛ̃ zɛbr-kur-pãgala na piw nɩr a.
La Bible en Dagara © Alliance Biblique du Burkina Faso, 2013.