Sɛb-sõw yielu 4
4
Sɛb-sõw yielu 4 sob
Nɩr bɛ na ŋmarɛ ziri ƴãwn, ɛ́ Naaŋmɩn de a ʋ yele a
1A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ. Bʋ̃-ŋmɩɛrɩ bɛ na maal'ɩ fomie a n'a bɛ mɩ́ ŋmɩɛr'ɩ ƴãwn.
2Mãa mɩ́ wa bʋɔlɛ fʋ a, fʋ̃ʋ sɔw mɛ̃, Naaŋmɩn i,
fʋ̃ʋ na mɩ́ wul a ɩ̃ yel-mɩŋa a.
Ɩ̃ na tɩ be fɛrʋ pʋɔ a, fʋ faa mɛ̃ na.
Zɔ ɩ̃ nɩbaalʋ ɛ́ sàw de a ɩ̃ puoru.
3Nɩsaalbɛ ɛ, debor'a nyɩ na bɛr a ɩ̃ yúor sãwfʋ,
nyɩɩm na nɔnɛ a yel-zawlɛ,
ɛ́ zɔrɛ tuur a ziri pùor a? Tɛw-àrʋ
4Nyɩ bãwnɩ a a Sore na bãwnɩ a ʋ nɩ-mɩŋa a,
mãa wa bʋɔlɛ ʋ a, ʋ mɩ́ bɛr'a wõ m.
5Nyɩmɛ wa nyɛ̃ suur a, a ta ɩ nyɩ tɛr sãwna ɩ,
nyɩ mɩ́ tɩɛrɩ a nyɩ bʋ̃-gana pʋɔ, ɛ́ ɩ gbili. Tɛw-àrʋ
6Nyɩ maalɛ a bagɛ al na sɛw taa nɩ a,
ɛ́ mɩ́ ƴãw a nyɩ tɩɛrʋ a Sore ƴãw.
7Nɩbɛ yaga yere na:
«Ãa n'ʋ na ɩ tɩ nyɛ̃ a nʋ̃ɔ̀?
Sore e, tɛr niw-vla a tɩ ƴãw.»
8Fʋ ɩ na nʋ̃ɔ̀ kpɛ m zuo
a nʋ̃ɔ̀ na mɩ́ kpɛ a nɩbɛ bɛ ŋa,
a lɛn daar a bɛ ble nɩ a bɛ divɛ̃ na mɩ́ ʋr a.
9Mãa wa gánɛ wa báarɛ a,
ɩ̃ mɩ́ ɓãá nɩ ƴãw gúre,
fʋ̃ʋ yõ, Sore e, fʋ̃ʋ yõ
n'a n'ʋ mɩ́ ɩ ɩ̃ bɛr tɩɛrʋ a.
La Bible en Dagara © Alliance Biblique du Burkina Faso, 2013.