Sɛb-sõw yielu 45
45
Sɛb-sõw yielu 45 (44) sob
Yielu a nãà kul-taa ƴãw
1Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Yielu bɛ na mɩ́ yiele ŋmɩɛr'ɩ korijom ƴãwn a. Koore bibiir yielu na wule yã a. Yielu na yiele a nɔ̃wfʋ vɩɛlʋ a.
2A ɩ̃ suur ɩ n su-nʋ̃ɔ̀ tɛwr,
a ƴɛ̀r-vɩɛlɩ vɩɛlɩ ɩ̃ na na ƴɛ̀r a ƴãw.
Ɩ̃ na yel'ɩ a ɩ̃ nɔ̃wfʋ yielu ƴɛ̀r-bie a nãà ƴãw.
A ɩ̃ zɛl, ʋ lɩɛbɛ
mɛ̃ sɛ-sɛbrɛ na bãw a a, sɛb-dale a!
3Fʋ pɔ̀l'a zuo a nɩbɛ za, a ƴɛ̀rʋ a, fʋ bãw a na.
A sãá na, a Naaŋmɩn na maalɩ fʋ dɩ̃a nɩ bio a.
4Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́,
a fʋ vɩɛlʋ nɩ a fʋ dɛpaalʋ bãwfʋ n'ʋ,
5a fʋ dɛpaalʋ yel-mɩŋa!
Cere, gárɛ nɩ a fʋ wur,
a yel-mɩŋa, a tʋɔra-siwru
nɩ a yel-mɩnʋ zɛb-faafʋ ƴãw!
A fʋ dʋrʋ nũu na wul fʋ nɩ yel-bɛrɛ fʋ maalɩ.
6A fʋ pime nɛ́ɛ ɩ n ɓɩlɓɩl,
a kpɩɛr'ɩ a nãà dɔ̃ dem nyarʋ pʋɔ.
— Nɩ-bʋʋrɛ lore nɩ a fʋ pile.
7A fʋ naalʋ-dà-kɔw ɩ na mɛ̃
a Naaŋmɩn naalʋ-dà-kɔw a, ʋ be n be kʋralɛ,
mɩnʋ na n'a fʋ dɩrɛ nɩ a naalʋ a.
8Fʋ nɔnɛ nɩ a yel-na-tu-sɔr-a, ɛ́ hɩ̃ɛn a faalʋ.
Alɛ n'a so a Naaŋmɩn, a fʋ Naaŋmɩn,
cir a pʋ-pɩɛlʋ kãá ƴãw fʋ a zũú,
kaa ír fʋ ɛ́ bɛr a fʋ taabɛ.
9A mɩ́ɩ̀r, a kanɛl#45:9 Kanɛl nɩ alowɛsɩ: Tɩrʋ n'a. A kʋ̃ɔ nɩ a pɛgɛ mɩ́ nyùur'ɩ vla, bɛ mɩ́ maal'ɩ parfɛ̃., nɩ a alowɛsɩ nyũu,
pàw nɩ a fʋ bʋ̃-suuri za.
Korijom ŋmɩɛrʋ na ɩrɛ fʋ nʋ̃ɔ̀ a,
ŋmɩɛr'a yire a fʋ diru bɛ na maalɩ,
ɛ́ ƴãw wɔb nyɩmɛ bʋ̃-vɩɛlɩ a pʋɔ.
10Na-mɩnɛ pɔwyaar'ɩ bɛ ŋan
ƴãw a pɩ̃ɛmɛ fʋ na kʋ̀ bɛ a,
ɛ́ a nãà-pɔw àr a fʋ dʋrʋ lowr,
pɩ̃ɛ ʋ za nɩ Ofɩɩr tẽw salm-zɩɛ pɩ̃ɛmɛ.
11Ɩ̃ pɔwyaa a, bɛrɛ wone, jɩ́rɛ ɛ́ cɛlɛ be.
Ta cãà tɩɛrɛ a fʋ bʋʋrɛ nɩ a fʋ sãà yir ɛ.
12Ɛ́ a nãà na nɔ̃w nɩ a fʋ vɩɛlʋ.
Ʋ na ɩ a fʋ sore a, gbĩ dume gũu tɩ tɔ tẽw a ʋ niŋé.
13A Tɩ́ɩ̀r tẽw dem, a nɩ-bʋʋrɛ bɛl
na tɛr a zuo a nɩbɛ za a
na waar'ɩ nɩ bome a fʋ kʋ̀b,
kɛ́ bɛ ɩ lɛ fʋ nɔnɛ bɛ.
14A nãà pɔwyaa vɩɛl'a nyɩwrɛ a dĩó,
salm-zɩɛ fomie n'a bɛ wób'ɩ a ʋ kparʋ pɛn.
15Ʋ su n kparʋ na 'leni 'leni a,
ɛ́ bɛ tɛr ʋ cere nɩ a nãà zie.
A ʋ pùor a, a ʋ pɔwsɩrali-taabɛ
bɩɛlɛ ʋ na kpɩɛr'ɩ a fʋ zie.
16Bɛ tɛr bɛ na cere nɩ, bɛ cáarɛ nɩ nʋ̃ɔ̀,
bɛ kpɩɛr'ɩ a nãà yir pʋɔ.
17A fʋ bidɛbr na lɩɛr'ɩ a fʋ sãà mɩnɛ,
fʋ na ɩ na bɛ ɩ na-mɩnɛ a tẽ-daa za zu.
18Mãa ƴãw a, ɩ̃ na mɩ́ lɛb'a manɩ
a fʋ yúor na yi a, kʋ̀ a nɩbɛ na dɔwr lɩɛrɛ taa a.
Lɛ n'a a nɩbɛ za na danɛ fʋ yome yome za.
La Bible en Dagara © Alliance Biblique du Burkina Faso, 2013.