Sɛb-sõw yielu 46
46
Sɛb-sõw yielu 46 (45) sob
Naaŋmɩn be n a tɩ zie
1Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.
2A Naaŋmɩn n'ɩ a tɩ sɔwlʋ zie nɩ a tɩ fãw,
a sõwfʋ tɩ na mɩ́ nyɛ̃ kʋralɛ a kpɩɛrʋ daar a.
3Alɛ so tɩ bɛ zɔrɛ bom za ɩ,
a tẽsɔw-kɔbr saa na damnɛ,
ɛ́ a tan 'lawrɛ lore a kʋ̃ɔ-kpɛ̃ɛ pʋɔ a.
4A kʋ̃ɔnɩ saa na ɩrɛ gɔmɛ pure nɩ puuru,
ɛ́ ìre damnɛ a tan a. Tɛw-àrʋ
5Man-gbɛ́r ɩrɛ nɩ a Naaŋmɩn tẽ-kpɛ̃ɛ nʋ̃ɔ̀,
a zi-sõw a Naaŋmɩn-na-do-saa-bɛ-pɩɛl-a na kpɩɛr a.
6Naaŋmɩn be n a ʋ pʋɔ, ʋ bɛ damnɛ damnʋ ɛ:
a zie wa vɩɛrɛ wa báarɛ a, Naaŋmɩn mɩ́ sõw ʋ na.
7Nɩ-bʋʋrɛ ɩrɛ nɩ gɔmɛ, naalʋ-ten lore,
ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.
8A Sore Kpɛnʋ-za-sob lãw nɩ tɩ na,
a Zakɔb Naaŋmɩn n'ɩ a tɩ zɛbr-yir-kpɛ̃w. Tɛw-àrʋ
9Nyɩ wa bɛl a Sore tome ʋ na tõ a kaa,
a pʋl-vʋ̃ɔ yele ʋ na maalɩ a tẽw zu a:
10ʋ ɩ na a zɛbr baarɩ tɩ tɔ a tẽw ziir za,
ʋ kár'ɩ a tam nɩ a kafin bɛr,
ʋ nyɩw nɩ a zɛbr-kur-pãgalɩ bɛr.
11Ʋ cɩɩrɛ na yere: «Nyɩ zɩ̃ zoom,
ɛ́ bãw kɛ́ ɩ̃ ɩ n Naaŋmɩn!
Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»
12A Sore Kpɛnʋ-za-sob lãw nɩ tɩ na,
a Zakɔb Naaŋmɩn n'ɩ a tɩ zɛbr-yir-kpɛ̃w. Tɛw-àrʋ
La Bible en Dagara © Alliance Biblique du Burkina Faso, 2013.