Sɛb-sõw yielu 3
3
Sɛb-sõw yielu 3 sob
A dɔ̃dɔmɛ ko n saa, ɛcɛ Naaŋmɩn be n be
1Daviir yielu kãw n'ʋ. A lɛn daar a ʋ bidɛb Abɩsalɔm#3:1 Abɩsalɔm: Nyɛ̃ 2Sa 15—17. na tɩ diwr ʋ, ʋ zɔrɛ a.
2Sore e, a ɩ̃ dɔ̃ dem yaga tɔ!
Bɛ yaga tɔ, na ìr a ɩ̃ ƴãw a,
3bɛ yaga tɔ, na yere a ɩ̃ ƴãw kɛ́:
«Faafʋ bɛ ka be a ʋ ƴãw a Naaŋmɩn zie ɩ!» Tɛw-àrʋ
4Ɛcɛ fʋ̃ʋ a, Sore e,
fʋ̃ʋ n'ɩ a ɩ̃ zɛbr-kur-pãgala na piw mɛ̃ tɛr a,
fʋ̃ʋ n'ɩ a ɩ̃ yúor bom,
a sob nɛ na mɩ́ ɩ ɩ̃ zɛw zu a.
5Ɩ̃ mɩ́ bʋɔl'ɩ a Sore gbololo!
Ʋ wɩɛr tɩ sɔw mɛ̃ a ʋ tãw-sõw zu. Tɛw-àrʋ
6Ɩ̃ gã na gúr, wa ìr nyɛ̃ a Sore
ʋ ɩ a ɩ̃ tɩɛrɛ.
7Ɩ̃ bɛ cãà zɔrɛ a nɩbɛ tu-tu-túr bɛ ŋa
na ŋmãa jil pàw mɛ̃ a ziir za a ɩ,
8Sore e, ìr!
Ɩ̃ Naaŋmɩn i, faa mɛ̃!
Fʋ̃ʋ na mɩ́ ɓa ɓa a ɩ̃ dɔ̃ dem a kɔrɩ́,
ɛ́ kár a nɩ-faar nyɩmɛ bɛr a.
9Sore e, fʋ zie n'a a faafʋ mɩ́ yi.
A fʋ maalʋ, a siw a fʋ nɩbɛ zu! Tɛw-àrʋ
La Bible en Dagara © Alliance Biblique du Burkina Faso, 2013.