Sɛb-sõw yielu 36
36
Sɛb-sõw yielu 36 (35) sob
A yel-bier sob faalʋ nɩ a Naaŋmɩn vɩɛlʋ yele
1A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. A Sore tõ-tõ-bie Daviir so ʋ.
2A nɩ-faa nɔ-gaara ʋ na ƴɛ̀r a, ɩ̃ tɛr ʋ na tɩɛrɛ:
ʋl zie a, «A Naaŋmɩn zɔba bɛ tɛr pɛr ɛ.»
3Ʋ nɔnɛ nɩ ʋ tʋɔra zuo,
nɩ ʋ na na sàw a ʋ sãwna, ɛ́ hɩ̃ɛn a sãwna ŋa a.
4Ziri nɩ bɛlʋ nʋɔr tɛwr'ʋ ʋ ƴãw,
ʋ bɛ cãà tɛr a yel-vla maalʋ yã ɩ.
5A ʋ bʋ̃-gana zu n'a ʋ mɩ́ tɩɛrɩ a faa,
ʋ kpãa nɩ tobr tuur sɔ́r na bɛ vɩɛl a,
ʋ bɛ zawrɛ a yel-faa bɛrɛ ɩ.
6Sore e, a fʋ nɔ̃wfʋ do na tɔ a salom,
a fʋ yel-mɩŋa do na ta a zũzuge.
7A fʋ mɩnʋ ɩ na mɛ̃ a tã-kɛrɩ a,
ɛ́ a ƴɛ̀rʋ fʋ na dɩ a, ɩ mɛ̃ kʋ̃ɔ-kpɛ̃ɛ na zulme a.
Sore e, fʋ mɩ́ faa nɩ a nɩbɛ nɩ a dʋn.
8Naaŋmɩn i, nyɛ̃ a fʋ nɔ̃wfʋ na ɩ bʋ̃-sɩza sɛw a!
A nɩsaalbɛ zɔrɛ na sɔwlɛ a fʋ pɩgɛ ɓaarʋ́.
9Bɛ mɩ́ dɩ n a fʋ yir bʋ̃-dɩ-nʋʋr tɩ tɩw,
ɛ́ páw a fʋ bʋ̃-vɩɛlɩ a gbɔlɛ mɛ̃ man kʋ̃ɔ a.
10Bʋ̃ʋ n'ʋ vɛ̃, fʋ̃ʋ zie n'a a nyɔ-vʋʋrʋ bul-nʋɔr be,
a fʋ cãà n'a mɩ́ ɩ tɩ nyɛ̃ a cãà.
11Tɛr a fʋ nɔ̃wfʋ a bɛlɩ dem na bãw fʋ a zie,
nɩ a fʋ mɩnʋ a soci-dẽdẽ dem zie.
12A pɔ̀lʋ sob, ʋ taa tarɛ mɛ̃ ɩ,
ɛ́ a nɩ-faar taa ɩrɛ k'ɩ̃ zɔrɛ ɩ!
13A fʋ zie ka n'a a yel-fa-maalbɛ mɩ́ lo,
bɛ ŋmɛ bɛ na lɔb bɛ kʋ̃ lɛb tʋ̃ɔ́ ìr ɛ.
La Bible en Dagara © Alliance Biblique du Burkina Faso, 2013.