Sɛb-sõw yielu 2
2
Sɛb-sõw yielu 2 sob
A Nãà a Sore na kaa ír a
1Bʋnʋ ƴãw n'a a nɩ-bʋʋr-yoru damnɛ,
ɛ́ a nɩ-bʋʋrɛ tɩɛrɛ tɩɛr-zawlɛ?
2A tẽw na-mɩnɛ cɔbrɛ na na zɛb,
ɛ́ a nɩ-bɛrɛ bʋ̀rɛ taa
kɛ́ bɛ zɛb'ɩ a Sore#2:2 A Ɩsɩrayɛl nɩbɛ nãà n'ʋ bɛ yere, a mɩnɛ kãw ʋ ɩ a Daviir. Ɛcɛ a pùorí a, a Zifʋ bɛl na sàw de a nɩ a kɩrɩta-nɩbɛ tɩ tɩɛrɛ na k'aa Sɛb-sõw yielu ŋa càar'ɩ a Naaŋmɩn nɩ-kabra, a Kɩrɩta. nɩ a ʋ nɩ-kabra.
3Bɛ yere na:
«Nyɩ ɩ tɩ ŋma a gbãgba-mie bɛ na 'lẽ nɩ tɩ a bɛr,
tɩ ta sàw bɛ cãà dɩrɛ naalʋ tɩ zu ɛ!»
4Ɛcɛ a Sore nyɔw nɩ laarʋ,
a sob nɛ na zɩ̃ a salom zu a ɩrɛ bɛ na laar.
5Al pùorí, ʋ ƴɛ̀rɛ nɩ suur a bɛ zie,
ɛ́ ƴãwnɛ bɛ pʋl-vʋ̃ɔ nɩ a ʋ su-yãyaar:
6ʋ yere na: «Mãa n'ʋ cir a kãá ƴãw a ɩ̃ nãà,
a Sɩyɔ̃ na ɩ a ɩ̃ tãw-sõw a zu.»
7Nyɩ vɛ̃ ɩ̃ lɛb yel a lɛ a Sore na yel a#2:7 A ka a, a nãà a Naaŋmɩn na kaa ír a na n'ʋ ƴɛ̀rɛ.,
ʋ yel mɛ̃ na: «Fʋ̃ʋ n'ɩ a ɩ̃ bidɛb,
dɩ̃a bio na vɩɛ a, mãa n'ʋ ɩ a fʋ sãà.
8Zɛlɩ mɛ̃, ɩ̃ɩ na kʋ̀ b'ɩ a nɩ-bʋʋr-yoru fʋ só bɛ,
fʋ na só nɩ a tẽw za.
9Kure dabɔl'ʋ fʋ na tʋ̃ɔ́ nɩ bɛ,
fʋ na ŋmɛ bɛ na ŋmɛr pɩrɩsɩsɩ mɛ̃ yawra laa a.»
10Ƴɛrɛŋa a, nyɩɩm na-mɩnɛ ɛ, nyɩ zanɩ yã,
tẽ-daa ƴɛ̀r-dɩrbɛ ɛ, nyɩ sàw bɛ wul nyɩ.
11Nyɩ sàwr a Sore nʋɔr ɛ́ ƴãwnɛ ʋ,
nyɩ cɩlɛ síwre nɩ nyɩ tʋɔra.
12Nyɩ ƴãwnɛ ʋ, alɛ bɛ ɩ lɛ,
ʋ nãà mab'a nyɛ̃ suur nyɩ kpi a sɔ́r zu,
bʋ̃-bile blã, ɛ́ a ʋ suur mɩ́ 'lere na mɛ̃ vũu a.
Zu-nʋ̃ɔ̀ dem'ɩ a bɛlɩ dem za
na zɔrɛ kpɩɛr a ʋ naayir a!
La Bible en Dagara © Alliance Biblique du Burkina Faso, 2013.