Zʋkpaɩ 10
10
A SALOMƆ̃ ZƲKPAƖ
10—29
Zʋkpaɩ na càarɩ a nɩsaal ɩ-ɩrɩ a ʋ nyɔ-vʋʋrʋ pʋɔ a
1Salomɔ̃ zʋkpaɩ.
Bibile na tɛr yã-bãwfʋ a mɩ́ ƴãw nɩ a ʋ sãà nʋ̃ɔ̀, ɛ́ bi-dãbol ƴãw a ʋ mã kpɩɛrʋ.
2Nyãnyu-tɛra bɛ tɛr tɔnɛ kãw za ɩ, ɛcɛ a mɩnʋ mɩ́ faa fʋ nɩ a kũu pʋɔ.
3A Sore bɛ sàwr kɔ̃ tɛrɛ a nɩ-mɩŋa ɩ, ɛcɛ ʋ mɩ́ sɩb'ɩ a nɩ-faar a bom bɛ na mɩ́ nyɛ̃ a mimir zaalɛ a.
4Ƴã-tuo sob nuru tɩrɛ nɩ nã́w, ɛcɛ nuru na tʋlɛ a tome ƴãw a waar'ɩ nɩ naalʋ.
5Nɩr na tone a bʋ̃-dieri-deb daar a ɩ n yã-bãwnɛ, ɛcɛ nɩr na gúre a lɛn daar a sɛw nɩ nɩ ɩ-lab.
6A nɩ-mɩŋa mɩ́ nyɛrɛ nɩ maalʋ. Ɛcɛ po-to-fãw-ɩb'a mɩ́ sɔwlɩ a nɩ-faar ƴɛ̀rʋ pʋɔ.
7A nɩbɛ mɩ́ tɛr'ɩ a nɩ-mɩŋa tɩ́ɛrʋ, ɛcɛ bɛ mɩ́ yiir'ɩ a nɩ-faar bɛr tɩ lãwnɩ a bɛ yie.
8Nɩr na tɛr tɩ́ɛrʋ a mɩ́ sàw na de a wulu, ɛcɛ nɩr na ƴɛ̀rɛ dãbol-ƴɛ̀rʋ a wɩɛr'ɩ a ʋ kũu zie.
9Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.
10Nɩr na mɩ́ sɔwlɛ a yel-mɩŋa a ʋ taabɛ a mɩ́ ɩrɛ na a kpɩɛr bɛ, ɛcɛ sob nɛ na mɩ́ càarɩ kpãa bɛ a mɩ́ ɩ na bɛ páw a ƴã-ɓaarʋ.
11A nɩ-mɩŋa ƴɛ̀rʋ mɩ́ ɩ n nyɔ-vʋʋrʋ bul-nʋɔr, ɛcɛ po-to-fãw-ɩb'a mɩ́ sɔwlɩ a nɩ-faar ƴɛ̀rʋ pʋɔ.
12A dɔ̃ n'a waar'ɩ a zɛb-taa, ɛcɛ a nɔ̃wfʋ mɩ́ piwl'ɩ a sãwna za#10:12 Nyɛ̃ Zakɩ 5.20, 1Pɩ 4.8..
13Nɩr na tɛr yã a mɩ́ ƴɛ̀rɛ nɩ yã-bãwfʋ ƴɛ̀rʋ, ɛcɛ a dãbol sob so a ŋmɩɛrʋ.
14A yã-bãwnbɛ mɩ́ maal'a tɛr a bãwfʋ mɛ̃ na-bom a, ɛcɛ a bɛlɩ dem na bʋ̀nɛ ƴɛ̀rɛ a bɛ mɩ́ yaa kɛ́ lo ɩ.
15A tɛra sob naalʋ mɩ́ ɩ n tẽ-kpɛ̃ɛ na kpɛmɛ gù ʋ a, ɛ́ a nãw-woro kʋ a nan dem.
16A nɩ-mɩŋa sã-ya mɩ́ ɩ na ʋ vʋʋrɛ, ɛ́ a nɩ-faa naalʋ ƴãwnɛ ʋ yel-bier pʋɔ.
17Nɩr na sàwr wulu a lo n a nyɔ-vʋʋrʋ sɔ́r, ɛcɛ nɩr na zawrɛ a kpãàfʋ bɛrɛ a bɔrɛ na.
18A dɔ̃ sɔwlʋ ɩ n nɩsaal-libelibe ɩb, ɛ́ sob nɛ na gɛrɛ a ʋ taabɛ a ɩ n dãbol.
19Be ƴɛ̀r-yaga na be a, yel-bier kʋ̃ tʋ̃ɔ́ bɛ be a be ɩ, ɛcɛ sob nɛ na bãw a ʋ nʋɔr maal tɛrʋ a ɩ n yã-bãwnɛ.
20A nɩ-mɩŋa ƴɛ̀rʋ ɩ n salm-pla mɩŋa mɩŋa. A nɩ-faar tɩɛrʋ bɛ tɛr bir ɛ.
21A nɩ-mɩŋa ƴɛ̀rʋ mɩ́ sõw nɩ nɩ-yaga, ɛcɛ a dãbole mɩ́ kpi na, bɛ na bɛ tɛr a yã a zũú.
22A Sore maalʋ yõ n'a tɩrɛ a naalʋ. A nɩsaal tɩ̀ɛrʋ ʋ na mɩ́ tɩ́ɛrɛ a bɛ dɔwlɛ bom kãw za ɩ.
23A faa maalʋ ɩ n dɩ̃ɛnʋ a dãbol zie. Lɛ mɩ̀ n'a a yã-bãwfʋ ɩb ɩ dɩ̃ɛnʋ a nɩr na tɛr yã a zie.
24A ʋlɩ bom nɛ a nɩ-faar na mɩ́ zɔrɛ a n'ʋ mɩ́ ta bɛ. A ʋlɩ bom nɛ a nɩ-mɩn na mɩ́ bɔbr a, bɛ mɩ́ páw ʋ na.
25A saa-sɛsɛb wa fu tɔl a, a nɩ-faa bɛ mɩ́ cãà be ɩ! Ɛcɛ a nɩ-mɩŋa ʋl mɩ́ àr'ɩ kʋralɛ.
26A dã-miiru mɩ́ mĩi nɩ a nyɩmɛ, ɛ́ a zʋ̀ʋ́r 'wɔbr a mimie, lɛ n'a a ƴã-tuo sob mɩ́ ɩrɛ a ʋ nɩ-kpɛ̃ɛ suur ìre.
27Bɛlɩ dem na zɔrɛ a Sore a na vʋʋr'a cɛlɩ, ɛ́ a nɩ-faar pʋ̃ɔ̀ kpi#10:27 Nyɛ̃ 11.31, 13.21, 14.26-27, 19.23. A ƴɛ̀rʋ á ŋá mɩ̀ ŋmɛ̃ na taa nɩ a ƴɛ̀r-bie al na be Ssy 73 nɩ Bɛn-Sɩ 8.12-13 pʋɔ a..
28Nʋ̃ɔ̀ n'a a nɩ-mɩn mɩ́ gùre, ɛcɛ a nɩ-faar tɩ́ɛrʋ mɩ́ wɛ na.
29A Sore mɩ́ gù n nɩ fãw a sob nɛ a ɩb na tori a. Ɛcɛ ʋ mɩ́ sãw nɩ a nɩ-faar bɛr.
30A nɩ-mɩŋa kʋ̃ lo towtow ɛ, ɛcɛ a nɩ-faar kʋ̃ kpɛ a tẽw ɛ.
31Yã-bãwfʋ ƴɛ̀rʋ n'a mɩ́ yire a nɩ-mɩŋa nʋɔrɩ́, ɛcɛ bɛ na ŋma n a zir-ŋmarbɛ zɛlɛ.
32A nɩ-mɩŋa ƴɛ̀rʋ mɩ́ pɛlɩ nɩ pʋɔ, ɛcɛ ƴɛ̀r-faar tɛwr'a mɩ́ yire a nɩ-faar nʋɔrɩ́.
La Bible en Dagara © Alliance Biblique du Burkina Faso, 2013.