Zʋkpaɩ 11
11
1A Sore bɛ nɔnɛ a bʋ̃-kera na bɛ tori a ɩ, ɛcɛ ʋ nɔnɛ nɩ tɩbrʋ bʋ̃-mána na tu sɔ́r a#11:1 Nyɛ̃ Lev 19.36, Mi 6.9-12, Am 8.5, Ezek 45.10-12, Wl-ayi 25.13-16..
2A pɔ̀lʋ waar'ɩ nɩ ɩ-lab, ɛcɛ a tʋɔra-bɛ-zɛwfʋ waar'ɩ nɩ a yã-bãwfʋ.
3A ɩ-ɩrɩ na tori a mɩ́ caalɛ nɩ a nɩ-dẽdẽ mɩnɛ, ɛcɛ a ɩ-ɩrɩ na bɛ tori a mɩ́ kʋrɛ nɩ a nɩsaal-libelibe mɩnɛ.
4A ƴɛ̀rʋ-dɩb bibir a, a naalʋ kʋ̃ tɛr yel-ɩra ɩ, ɛcɛ a mɩnʋ tɛwr'a na faa a kũu pʋɔ.
5Ɩ-ɩrɩ na tori a mɩ́ ƴãw fʋ nɩ sɔ́r dẽdẽ zu. Ɛcɛ a nɩ-faa mɩ́ lo n a ʋ faalʋ zũú.
6A nɩ-dẽdẽ mɩnɛ mɩnʋ mɩ́ ɩ na bɛ so bɛ tʋɔra, ɛ́ a nɩsaal-libelibe mɩnɛ mɩ́ lo a bɛ bʋ̃-bɔbrɩ bɛra pʋɔ.
7A nɩ-faa kũu daar a, a ʋ tɩ̀ɛrʋ mɩ́ wɛ na, ɛ́ a tɩ́ɛrʋ ʋ na ƴãw a naalʋ ƴãw a mɩ̀ wɛ.
8Bɛ faa nɩ a nɩ-mɩŋa a pʋl-vʋ̃ɔ pʋɔ, ɛ́ a nɩ-faa lɩɛr'ʋ lo a pʋl-vʋ̃ɔ pʋɔ.
9A nɩ-faa nʋɔr mɩ́ sãw nɩ a ʋ tɔ yele bɛr, ɛcɛ a nɩ-mɩn na nyɛ̃ nɩ faafʋ a bãwfʋ zũú.
10A nɩ-mɩn nʋ̃ɔ̀ mɩ́ ƴãw nɩ a tẽ-kpɛ̃ɛ nʋ̃ɔ̀, ɛ́ a nɩ-faar kũu ɩ ʋ lɔbr nʋ̃ɔ̀ cɛlsɩ.
11A nɩ-dẽdẽ mɩnɛ maalʋ zũú a, a tẽ-kpɛ̃ɛ mɩ́ mɩɛr'a cere, ɛcɛ a nɩ-faar mɩ́ sãwnɛ ʋ na bɛrɛ nɩ a bɛ ƴɛ̀rʋ.
12Nɩr na ɩrɛ a ʋ tɔ laar a bɛ tɛr yã ɩ, ɛcɛ yã sob mɩ́ pàw nɩ a ʋ nʋɔr.
13Nɩr na bʋ̀nɛ ƴɛ̀rɛ a mɩ́ ɩ na a yel-sɔwlɩ yi cãamɩ́, ɛcɛ nɩr na ƴãwnɛ ʋ tʋɔra a bɛ pore a yúor ɛ.
14Tẽw na bɛ tɛr kaarɛ vla a mɩ́ lo na. Yã-wulbɛ na yãwmɛ a zie n'a a faafʋ be.
15Nɩr na sàw k'ʋʋ na pɛ̃w nɩ libir nɩ-sãan a na nyɛ̃ nɩ niw-sʋba, ɛcɛ sob nɛ na zawrɩ a lɛ ɩb a kʋ̃ bãw damnʋ ɛ.
16Pɔw na pɔl a mɩ́ nyɛ̃ nɩ ƴãwfʋ, dɛb na tʋlɛ a mɩ́ páw nɩ na-bome.
17Nɩr na nɔnɛ a ʋ taabɛ a maalɛ nɩ vla kʋ̀rɛ a ʋl mɩŋa. Ɛcɛ, nɩr na kpɛ po-tuo a dɔwrɛ nɩ ʋ tʋɔra.
18A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.
19A mɩnʋ wɩɛr'ɩ nɩ a nyɔ-vʋʋrʋ pʋɔ, ɛcɛ a sob nɛ na diwr tuur a faa a wɩɛr'ɩ a kũu zie.
20A Sore bɛ nɔnɛ a yã-tulme dem ɛ, ɛcɛ ʋ nɔnɛ nɩ a bɛlɩ dem ɩb na tori a.
21A bɛ tɛr à ŋá ɩ, a nɩ-faa kʋ̃ vɛ̃ bɛ nyɛ̃ dɔwrʋ ɛ, ɛcɛ a nɩ-mɩn za na cɩ̃ɛ na.
22Salm-zɩɛ bãw na ƴãw dobaa nyʋɔrɩ́ a, lɛ n'a a pɔw na pɔl ɛ́ bɛ tɛr yã a ŋmɛ̃.
23A vla tɛwr'a a nɩ-mɩn mɩ́ gùre, a nɩ-faar bɛ gùre bom a bɛ ɩ a suur tɛwr ɛ.
24Bɛ mɩnɛ mɩ́ tɩrɛ nɩ yaga ɛ́ kpɩɛr naalʋ dɔwlɛ, ɛ́ bɛ mɩnɛ gbɔbr bine yaga zuo ɛ́ lɩɛbɛ nan dem.
25Nɩr na tɩrɛ a mɩ́ páw nɩ bʋ̃-yaga, nɩr na tɩrɛ kʋ̃ɔ bɛ nyúur a mɩ̀ na nyɛ̃ nɩ kʋ̃ɔ nyũ.
26Sob nɛ na mɩ́ sɩb a ʋ ble#11:26 A ƴɛ̀rʋ ŋa càar'ɩ a bɛlɩ dem na mɩ́ bɛr a bʋ̃-kʋ̀ɔrɩ vuo tɩ tɔl ɛ́ bɛ bin a bɛ bʋ̃-kʋ̀ɔrɩ cɛlɛ nɩ daar kãw kɛ́ bɛ wa páw dɔwlɛ yaga yaga a. tɛr a, a nɩbɛ mɩ́ ŋmɩɛr'a ƴãwn ʋ. Ɛcɛ sob nɛ na mɩ́ kʋɔrɛ a ʋ ble a, a nɩbɛ mɩ́ ƴɛ̀rɛ nɩ nɔ-vla ƴãwn ʋ.
27Sob nɛ na bɔbr k'ʋʋ ɩrɛ vla a, a nɩbɛ mɩ́ nɔnɛ ʋ na. Sob nɛ na bɔbr a faa a, a faa na páw ʋ na.
28Sob nɛ na ƴãw a ʋ tɩɛrʋ a ʋ naalʋ ƴãw a na lo na, ɛcɛ a nɩ-mɩn mɩ́ kɛrɛ na mɛ̃ tɩɩr a váar na sɔb a.
29Sob nɛ na ƴãwnɛ damnʋ a ʋ yir pʋɔ a, sɛsɛb'ʋ ʋ na páw. A dãbol na lɩɛb'ɩ a yã-bãwnɛ gbãgbaa.
30A nɩ-mɩŋa ɩ na mɛ̃ tɩɛ na tɩrɛ nyɔ-vʋʋrʋ a#11:30 Nyɛ̃ 10.27., ɛ́ a yã-bãwnɛ mɩ́ páw a nɩbɛ socie.
31A nɩ-mɩŋa mɩ́ páw nɩ a ʋ sã-ya a tẽw zu ka, a na ɩ à ŋá a, a nɩ-faa nɩ a yel-bier-maalɛ mɩ̀ na páw nɩ a alɩ bome nɛ bɛ na sɛw taa nɩ a.
La Bible en Dagara © Alliance Biblique du Burkina Faso, 2013.