Sɔr-nɛ́ɛ 34
34
A Kanãa tẽw tʋr-bɔwrɩ
1A Sore tɩ yel'ɩ a Moyiir à ŋá: 2«Yel à ŋá kʋ̀ a Ɩsɩrayɛl nɩbɛ: Nyɩ na kpɛ n a Kanãa tẽw pʋɔ. A tẽw bɛ na kʋ̀rɛ nyɩ kɛ́ nyɩ so ʋ, ɛ́ a tʋr-bɔwrɩ á ŋá viiri koli ʋ a n'ʋ:
3A saa-pɛrɩ́-dʋrʋ-lowr a, a nyɩ tẽw tʋr-bɔw na ɩ n a Sin wɛja-kpalɛ nɩ a Edɔm tẽw. A saa-pɛrɩ́ a, a tʋr-bɔw na tĩ nɩ a Nyaarʋ kʋ̃ɔ-kpɛ̃ɛ saa-pɛrɩ́-dʋrʋ-lowr. 4Ʋ na lɩɛb'ɩ a sɔ́r na dúor a Nan tãw zu a saa-pɛrɩ́-dʋrʋ-lowr, tu a Sin lowr, tɩ yi Kadɛsɩ-Barneya saa-pɛrɩ́-dʋrʋ-lowr, al pùorí, ʋ yi Hasaar-Adaar nɩ Asɩmon. 5A Asɩmon a, ʋ na lɛb lɩɛb'a cen tɩ tɔ a Eziptɩ bà-fʋɔla#34:5 Eziptɩ bà-fʋɔla: Ʋ tɔ̃w na ɩ n a bà-fʋɔla ʋl na siw a Mediterane kʋ̃ɔ-kpɛ̃ɛ pʋɔ, ɛ́ be a Gaza saa-pɛrɩ́-dʋrʋ-lowr a., ɛ́ cen tɩ tɔ a Mediterane kʋ̃ɔ-kpɛ̃ɛ.»
6«A mʋ̃tɔ̃w-kpɛb-lowr a, a Mediterane kʋ̃ɔ-kpɛ̃ɛ n'ʋ na ɩ a tʋr-bɔw.»
7«A saa-pɛrɩ́-gʋba-lowr a, nyɩ na tʋ̃ɔ̀ nɩ a tʋr-bɔw ƴãw a Mediterane kʋ̃ɔ-kpɛ̃ɛ nɩ a Hoor#34:7 Hoor tãw: Ʋ bɛ ɩ a Hoor tãw ʋl zu a Aarɔ̃ na kpi a ɩ. Nyɛ̃ 20:22-29. Tã-yũo n'ɩ à ŋà bɛ na bɛ maal bãw a ʋ zie a. tãw cara pʋɔ. 8Nyɩ na ɩ na ʋ yi a Hoor tãw ƴãw, ɛ́ tɩ yi a Lebo-Hamatɩ nɩ Sedadɩ. 9Ʋ na yi n a be tu yi Zifuron ɛ́ cen tɩ tɔ Hasaar-Einan. A nyɩ tʋr-bɔw n'ɩ á ŋa a saa-pɛrɩ́-gʋba-lowr.»
10«A saa-pɛrɩ́ a, nyɩ na tĩ nɩ Hasaar-Einan, ɛ́ tʋ̃ɔ̀ a tʋr-bɔw cen nɩ Sefam lowr. 11Ʋ na yi n a be ɛ́ cen Irivɩla lowr na be a Ayin saa-pɛrɩ́ a, al pùorí, ʋ cen tɩ tɔ a Zenezarɛtɩ kʋ̃ɔ-kpɛ̃ɛ saa-pɛrɩ́ ziir al na tìb a. 12Ʋ na cen na tɩ tɔ a Zurdɛ̃ man siw tɩ ta a Kʋ̃ɔ-kpɛ̃ɛ-kũu.»
«À à ŋá n'a a nyɩ tẽw tʋr-bɔwrɩ na ɩ.»
13A Moyiir tɩ yel'ɩ a yele á ŋá kʋ̀ a Ɩsɩrayɛl nɩbɛ. Al pùorí, ʋ yel bɛ à ŋá: «A tẽw n'ɩ à ŋà a Sore na yel kɛ́ bɛ ŋmɛ a gbãw põ a dɔwlʋ piwaɩ nɩ ŋmãa a. 14Bʋ̃ʋ n'ʋ vɛ̃, a Urubɛn nɩ a Gadɩ dɔwlʋ, nɩ a Manase dɔwlʋ ŋmãa páw nɩ a bɛ zie baarɩ. 15A dɔwlʋ ayi nɩ ŋmãa á ŋá zie tori nɩ a Zeriko, a Zurdɛ̃ gãwn, a saa-pɛrɩ́.»
A nɩ-bɛrɛ na so a tẽw pob yele a
16A Sore tɩ yel'ɩ a Moyiir à ŋá: 17«A bàwr-maalɛ Eleazaar nɩ a Nun bidɛb Zozue na põ nɩ a tẽw. 18Nyɩ na ír'ɩ nɩ-kpɛ̃ɛ dɔwlʋ za pʋɔ ƴãw pʋɔ a bɛ ƴãw, bɛ sõw bɛ a ton ŋa ƴãw. 19A bɛ yée n'ɩ á ŋá:
Zuda dɔwlʋ: Yefune bidɛb Kalɛb
20Sɩmɩ̃ɔ dɔwlʋ: Amihudɩ bidɛb Semuɛl
21Bɛ̃zamɛ dɔwlʋ: Kisilon bidɛb Elidadɩ
22Dan dɔwlʋ: Yogili bidɛb Buki
23Zuzɛb bidɛb Manase dɔwlʋ: Efɔdɩ bidɛb Haniyɛl
24Zuzɛb bidɛb Efarayim dɔwlʋ: Sifitam bidɛb Kemuyɛl
25Zabulɔ̃ dɔwlʋ: Parnakɩ bidɛb Elisafan
26Ɩsakaar dɔwlʋ: Azan bidɛb Paltiyɛl
27Asɛɛr dɔwlʋ: Selomi bidɛb Ahihudɩ
28Nɛfɩtali dɔwlʋ: Amihudɩ bidɛb Pedayɛl.»
29A nɩbɛ bɛ ŋa nɛbɛ a Sore tɩ yel kɛ́ bɛ põ a Kanãa tẽw a Ɩsɩrayɛl dɔwlʋ.
Currently Selected:
Sɔr-nɛ́ɛ 34: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
