Sɔr-nɛ́ɛ 33
33
A tɛw-zɩma ziir a Eziptɩ yib daar tɩ ta a Mowab tẽw
1Nyɛ̃ a cenu a Ɩsɩrayɛl nɩbɛ na tɩ cere kɛ́ tɛwr zɩnɛ, a lɛn daar a Moyiir nɩ a Aarɔ̃ na tɩ tɛr bɛ bɛ cɔrɩ yi a Eziptɩ a. 2A Moyiir tɩ sɛb'ɩ a ziir al a Sore na mɩ́ tɩ ƴãw bɛ tɛw, ɛ́ yi a be lɛb lo a sɔ́r a. Alɛ n'ɩ á ŋá:
3A yũon cuw-dãw-niwn sob bibie pie nɩ a nũu sob, a Tɔl-gãw dãw-niwn sob bio daarɩ́ n'a a Ɩsɩrayɛl nɩbɛ tɩ yi a Aramɩsɛsɩ. A Eziptɩ tẽw dem niŋé n'a bɛ tɩ yi so bɛ tʋɔra cere, 4ɛ́ a Eziptɩ tẽw dem ũùne a bɛ bidɛb-dãw-dɔwrɩ a Sore na tɩ ɩ bɛ kpi k'ʋʋ dɔwrɩ a Eziptɩ ŋmɩmɛ a. 5A Ɩsɩrayɛl nɩbɛ tɩ yi n a Aramɩsɛsɩ, ɛ́ cen tɩ maalɩ a bɛ laɩ Sukotɩ. 6Bɛ tɩ yi n a Sukotɩ cen Etam na be a wɛja-kpalɛ nʋɔr a. 7Bɛ tɩ yi n a Etam lɛb wa sãá Pi-Hahirɔtɩ na tori Baal-Sefon a, wa maalɩ a bɛ laɩ tori Migɩdɔl. 8Bɛ tɩ yi n a Pi-Hahirɔtɩ gãw a Bàa-kɛkɛɛ kʋ̃ɔ-kpɛ̃ɛ, cen a wɛja-kpalɛ pʋɔ. Bɛ tɩ cen nɩ a Etam wɛja-kpalɛ pʋɔ bibie ata, ɛ́ ta Maara maalɩ a bɛ laɩ a be. 9Bɛ tɩ yi n a Maara ta Elim. Bul-nɛ́ɛ pie nɩ ayi nɩ kpãkparmɛ tɩɩr lɩz'a ata nɩ pie tɩ be n a be. Bɛ tɩ maal'ɩ a bɛ laɩ a be. 10Bɛ tɩ yi n a Elim cen tɩ maalɩ a bɛ laɩ pɩɛlɩ a Bàa-kɛkɛɛ kʋ̃ɔ-kpɛ̃ɛ. 11Bɛ tɩ yi n a Bàa-kɛkɛɛ kʋ̃ɔ-kpɛ̃ɛ cen Sin wɛja-kpalɛ pʋɔ. 12Bɛ tɩ yi n a Sin wɛja-kpalɛ pʋɔ cen Dofika, 13yi a Dofika cen Alusi, 14ɛ́ yi a Alusi cen Erefidim, be n'a a nɩbɛ bɛ tɩ nyɛ̃ kʋ̃ɔ na nyũ ɛ.
15Bɛ tɩ yi n a Erefidim cen a Sinayi wɛja-kpalɛ pʋɔ, 16yi a wɛja-kpalɛ pʋɔ cen Kɩvʋrɔtɩ-Hataava, 17yi a Kɩvʋrɔtɩ-Hataava cen Aserɔtɩ, 18yi a Aserɔtɩ cen Iritima, 19yi a Iritima cen Irimon-Perɛsɩ, 20yi a Irimon-Perɛsɩ cen Livina, 21yi a Livina cen Irisa, 22yi a Irisa cen Kehelata, 23yi a Kehelata cen Sefɛɛr tãgɛ̃́, 24yi a Sefɛɛr tãgɛ̃́ cen Harada, 25yi a Harada cen Makelɔtɩ, 26yi a Makelɔtɩ cen Tahatɩ, 27yi a Tahatɩ cen Tera, 28yi a Tera cen Mitika, 29yi a Mitika cen Hasemona, 30yi a Hasemona cen Moserɔtɩ, 31yi a Moserɔtɩ cen Bene-Yakan, 32yi a Bene-Yakan cen Hoor-Gidigadɩ, 33yi a Hoor-Gidigadɩ cen Yɔtɩvata, 34yi a Yɔtɩvata cen Avurona, 35yi a Avurona cen Esion-Gevɛɛr, 36yi a Esion-Gevɛɛr cen Kadɛsɩ, a Sin wɛja-kpalɛ pʋɔ, 37ɛ́ yi a Kadɛsɩ cen Hoor tãgɛ̃́ na pɩɛlɩ a Edɔm tʋr-bɔw a.
38-39A bàwr-maalɛ Aarɔ̃ tɩ do n a Hoor tãw zu a Sore ƴɛ̀rʋ zũú. Be n'a ʋ tɩ kpi, a ʋ yome lɩz'a ayʋɔb'ɩ ata (123) pʋɔ, a cuwr anũu sob bibi-dãw-niwn sob, a Ɩsɩrayɛl nɩbɛ na tɩ yi a Eziptɩ maalɩ yome lɩz'a ayi a. 40A Aradɩ tẽw nãà na tɩ ɩ Kanãa tẽw nɩr kãw na tɩ kpɩɛr a Negɛɛvʋ vuo pʋɔ a, tɩ wõ n a Ɩsɩrayɛl nɩbɛ tab.
41A Ɩsɩrayɛl nɩbɛ tɩ yi n a Hoor tãgɛ̃́ cen Salimona, 42yi a Salimona cen Punon, 43yi a Punon cen Ovɔtɩ, 44yi a Ovɔtɩ cen Iyim-Avarim, a Mowab tʋr-bɔw ƴãw. 45Bɛ tɩ yi n Iyim cen Divon-Gadɩ, 46yi a Divon-Gadɩ cen Alimon-Divlatayim, 47yi a Alimon-Divlatayim cen a Avarim tan pʋɔ, na tori a Nebo tãw a, 48ɛ́ yi a Avarim tan pʋɔ cen a Mowab tɩ̃talɛ pʋɔ, na pɩɛlɩ a Zurdɛ̃, ɛ́ tori a Zeriko a. 49Bɛ tɩ maal'ɩ a bɛ laɩ a Mowab tɩ̃talɛ pʋɔ pɩɛlɩ a Zurdɛ̃, Bɛtɩ-Yesimɔtɩ nɩ Avɛl-Sitim cara pʋɔ.
A Sore wule nɩ a lɛ bɛ na na põ a Kanãa tẽw a
50A Sore tɩ yel'ɩ a Moyiir, a Mowab tɩ̃talɛ pʋɔ na pɩɛlɩ a Zurdɛ̃, ɛ́ tori a Zeriko a: 51Ƴɛ̀r a Ɩsɩrayɛl nɩbɛ zie yel bɛ à ŋá: «Nyɩmɛ wa gãw a Zurdɛ̃ kpɛ a Kanãa tẽw pʋɔ a, 52nyɩ na diw nɩ a tẽw dem za a nyɩ niŋé, nyɩ na ɩ n a bɛ ŋmɩmɛ dasuli za bɛ na maal'ɩ kʋsɛbɛ bɩɩ kure a, a bɔr, ɛ́ nyɩ sãw a bɛ maalʋ-ziir za bɛr. 53Nyɩ na de nɩ a bɛ tẽw so ʋ kpɩɛr a be. Ɩ̃ de ʋ na kʋ̀ nyɩ nyɩ so ʋ. 54Nyɩ na ŋmɛ n gbãw põ ʋ a nyɩ dɔwlʋ nɩ a nyɩ yie. Dɔwlʋ na ɩ kpɛ̃ɛ a, nyɩ na mɩ́ kʋ̀ ʋ nɩ zie na ɩ kpɛ̃ɛ a, ɛ́ dɔwlʋ na ɩ pʋrɩ a, nyɩ kʋ̀ ʋ zie na ɩ pʋrɩ a. Yir za na mɩ́ sàw na de a zie bɛ na ŋmɛ a gbãw ír kʋ̀ ʋ a#33:54 Nyɛ̃ 26.52-56, 34.13, Zoz 14.1-2.. 55Ɛcɛ nyɩmɛ bɛ wa diw a tẽw dem a nyɩ niŋé a, a bɛl nyɩ nãà wa cãà bɛr a na ɩrɛ na a kpɩɛr nyɩ mɛ̃ gʋʋr na cɔ̀rɛ nyɩ a mimie a, bɩɩ gʋʋr na cɔ̀rɛ nyɩ a lõboge a. Bɛ na fɛrɛ nyɩ nɩ a tẽw nyɩ na na kpɩɛr a pʋɔ. 56Ɛ́ a nyɩmɛ nɛbɛ ɩ̃ na ɩ mɛ̃ a lɛ ɩ̃ na tɩ tɩ́ɛrɛ k'ɩ̃ɩ ɩ bɛ a.»
Currently Selected:
Sɔr-nɛ́ɛ 33: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
