Nahum 2
2
1Zuda tẽw dem i,
nyɩ nyɛ̃ yel-nʋ̃ɔ̀ yere
na be a tan zu waar a:
ƴã-ɓaarʋ n'a ʋ yere!
Nyɩ maalɛ a nyɩ cuwr,
nyɩ ír a nɛ́ɛ nyɩ na kõ kʋ̀ a Naaŋmɩn a.
A zi-sãwnɛ#2:1 A Asiiri tẽw nãà n'ʋ. Nyɛ̃ 1.11. kʋ̃ lɛb kpɛ a nyɩ tẽw pʋɔ ɩ,
a ʋ fãw baar'a.
2Nɩnɩɩvʋ tẽw i,
zɛbr-nɩbɛ dúor'a waar a fʋ ƴãw.
Sojarɩ ɩ, nyɩ gù a zɛbr-yir-kpɛn,
nyɩ piwre a sɛ́ɛ,
nyɩ cɔbrɩ nyɩ tʋɔra a zɛbr ƴãw,
nyɩ ƴãw a nyɩ fãw za.
3A Sore lɛb'a maalɛ
a Zakɔb bʋ̃-dɔwrɩ yele ƴãwn.
Ʋ lɛb'a ɩrɛ a Ɩsɩrayɛl bʋʋrɛ yúor yire,
bɛl na ɩ divɛ̃ tɩɛ
a fa-farbɛ na sãw sãw bɛr, ɛ́ kar kar bɛr a.
A Nɩnɩɩvʋ tẽw loba
4A dɔ̃ sob sojarɩ tɛr'ɩ zɛbr-kur-pãgalɩ zɩɩr zɩɩr,
ɛ́ su kpar-zɩɩr ɓõɓõ.
Bɛlɛ wa cɔbrɩ a zɛbr ƴãw a,
a zɛbr-torkori mɩ́ nyɩwrɛ na mɛ̃ vũuni a,
ɛ́ a kafine damnɛ.
5A zɛbr-torkori ŋmʋrɛ nɩ a zɛbr ƴãw,
a sɛ́ɛ pʋɔ nɩ a nɩbɛ tuor-taa ziir,
mɛ̃ dʋn na fʋʋrɛ a.
A ɩ na mɛ̃ mɔ̃-'lena vũuni a,
ɛ́ pawr mɛ̃ saa na mɩ́ nyɩwrɩ a.
6A Nɩnɩɩvʋ tẽw nãà bʋɔlɛ nɩ a ʋ sojarɩ,
ɛcɛ bɛ cere na kawr lore.
A dɔ̃ dem dãwnɛ nɩ taa cere a dacĩ-kpɛ̃ɛ
na piw a tẽw tɛr a ƴãw, bɛ àr'a pĩ.
7Bɛ wa bere na
bɛ kar a mamɛ lowr dɩ̃dɛɛ pamɛ,
a nãà yir pʋɔ a, zɔ ŋmɛ taa n'a!
8Bɛ ɓáw nɩ a ŋmɩn-pɔw dasule#2:8 Ŋmɩn-pɔw dasule: A Asiiri tẽw ŋmɩn-pɔw na dɩ kɛ́ Isɩtaar a dasule n'ʋ.,
bɛ ɓáw ʋ na cere nɩ.
A pɔwbɛ bɛl na kaarɛ a ʋ zie a kone na
mɛ̃ naŋmamɛ na kone nɩbaal-kon a,
bɛ kone nɩ a bɛ pʋ-sãwna pʋɔ lɔbr'ɩ nuru.
9A Nɩnɩɩvʋ tẽw ɩ na mɛ̃ kʋ̃ɔ ƴãwfʋ zie,
a kʋ̃ɔ na cire a za a.
Bɛ cɩɩrɛ na yere: «Nyɩ tɛw àr! Nyɩ tɛw àr!»
Ɛcɛ nɩr za bɛ ŋmɛlɛ kaar pùor ɛ.
10Nyɩ za a salm-pla, nyɩ za a salm-zɩɛ!
A tẽw na-bome bɛ tɛr baarʋ ɛ.
Bʋ̃-vɩɛlɩ bʋʋrɛ bʋʋrɛ za n'a paalɩ ʋ.
11Zab, fab, zazawfʋ!
Bɛ za kanyir baar'a,
a dume màwr'a ŋmɩɛr taa,
a ƴã-gamɛ màwr, ɛ́ a niŋe sɔb sɔb.
A Nɩnɩɩvʋ tẽw ɩ na mɛ̃ gbẽw bɛ na zɛb tʋ̃ɔ́ a
12A gbẽw#2:12 Gbẽw kpɛb zie: A gbẽw wule nɩ a Asiiri tẽw dem kpɛnʋ, ɛ́ ɩ a Nɩnɩɩvʋ tẽw sɩwra, ɛ́ bɛ de a ʋ kpɛb zie man nɩ a Nɩnɩɩvʋ tẽw. kpɛb zie ɩ n ŋmɩn?
A gbẽw-bili tɩ páwr'ɩ a bʋ̃-dɩrɩ a be.
A gbẽw na mɩ́ tɩ yi cen a nabawlʋ a,
nɩr za bɛ mɩ́ tɩ damnɛ a ʋ bili ɛ.
13A gbẽw-daa mɩ́ tɩ kʋ n a bome taw ŋma,
wa ƴãw a gbẽw-nyãw nɩ a bili.
Ʋ mɩ́ tɩ paal'ɩ a ʋ bɔwrɩ,
nɩ a dʋn nɛnɛ ʋ na kʋ taw ŋma a.
14A Sore, a Kpɛnʋ-za-sob, yere na:
«Ɩ̃ na ìr'ɩ a fʋ ƴãw, Nɩnɩɩvʋ ʋ,
ɩ̃ na ɩ na a fʋ zɛbr-torkori dɩ ɩrɛ zʋ̀ʋ́r,
a fʋ pɔ́lɛ́ na ɩ mɛ̃ gbẽw-bili a,
bɛ na kʋ bɛ nɩ a zɛbr zie.
A fáb fʋ na fárɛ a,
ɩ̃ na ɩ na a baarɩ a tẽw zu,
nɩr kʋ̃ lɛb wõ a nɩbɛ
fʋ na mɩ́ tɩ tõ a kɔkɔr ɛ.»
Currently Selected:
Nahum 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
