Nahum 1
1
1Ƴɛ̀r-kpɛ̃w na càarɩ a Nɩnɩɩvʋ#1:1 Nɩnɩɩvʋ: A Asiiri naalʋ-tẽw tẽ-kpɛ̃ɛ n'ʋ. tẽw a. Ɛlkɔsɩ tẽw Nahum yel-nyɛra sɛbɛ.
A Sore a, Naaŋmɩn na bɛ tɛr dɩ̃ɛnʋ, ɛ́ ɩ Naaŋmɩn-vla a n'ʋ
2A Sore ɩ n Naaŋmɩn na kpɛ nyuur#1:2 Naaŋmɩn na kpɛ nyuur a: A bɛ kaar mɛ̃ a Naaŋmɩn nyùur'ɩ nɩ a nɩsaalbɛ ɩ. Ŋmɩn-yũo n'ʋ a Naaŋmɩn bɛ bɔbr k'aa nɩsaal ƴãwnɛ pʋɔ a ʋ ƴãw ɛ.
ɛ́ mɩ́ yáa a san a,
a Sore mɩ́ yáa nɩ a san,
a ʋ suur bɛ tɛr dɩ̃ɛnʋ ɛ.
A Sore mɩ́ yáa nɩ a san a ʋ dɔ̃ dem zu,
ʋ bɛ mɩ́ dɩ suur kʋ̀ bɛ ɩ.
3A Sore suur bɛ páwr ɛ,
ɛ́ a ʋ kpɛnʋ bɛ dɩ vuo ɩ,
ɛcɛ ʋ bɛ bɛrɛ a sãwna sob dɔwrʋ ɛ.
Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a.
Zũzuwe n'ɩ a uuru a ʋ gbɛ́ɛ na ɩrɛ a ìre a.
4Ʋ mɩ́ tanɩ nɩ a kʋ̃ɔ-kpɛ̃ɛ ʋ ko,
ʋ mɩ́ ɩ n a mamɛ za a sɩr.
Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀,
nɩ a Karmɛl#1:4 Karmɛl: Nyɛ̃ Am 1.2 nɩ a manʋ. tãw za mɩ́ mʋ̃ɔ̀ mʋ̃ɔ̀,
ɛ́ a Libã tɩ-puuru vàr vàr.
5A tã-bɛrɛ gbiwre nɩ a ʋ niŋé, ɛ́ a tãli yʋʋrɛ.
A tẽsɔw damnɛ nɩ a ʋ niŋé,
lãwnɩ a nɩbɛ za na be a ʋ zu a.
6Ãa n'ʋ na cãà àr a ʋ su-yãyaar daar?
Ãa n'ʋ na cɩ̃ɛ a ʋ su-tʋlʋ-kpãkpã daar?
A ʋ suur ɩ na mɛ̃ vũu na nyɔw dɩrɛ a,
a pìe tɛɛ za pure na yaarɛ a ʋ niŋé.
7A Sore ɩ n nɩ-vla,
ʋ ɩ n taw-lanʋ zie a kpɩɛrʋ daar.
Ʋ mɩ́ kaa nɩ a bɛlɩ dem
na zɔrɛ kpɩɛr a ʋ naayir a zie,
8a lɛn daar a kpɩɛrʋ
na mɩ́ wa ta bɛ yaga za
mɛ̃ kʋ̃ɔ na darɛ taa a.
Ɛcɛ ʋ mɩ́ sãw nɩ a tẽw bɛr pẽlẽpẽlẽ,
ɛ́ diw a ʋ dɔ̃ dem ƴãw a kũu lige pʋɔ.
A ƴɛ̀rʋ na ƴɛ̀r tu taa a Zuda nɩ a Nɩnɩɩvʋ tẽw nɩbɛ ƴãw a
9Bʋ̃ʋ bʋ-taa n'a nyɩ tɛr a Sore ƴãw?
Ʋlɛ n'ʋ mɩ́ kʋ a ʋ dɔ̃ dem pàw pɛr,
bɛ kʋ̃ lɛb maal dɔwrɩ nyɩ ɛ!
10Bɛ ŋmɛ̃ na mɛ̃ gʋʋr na mɩl mɩl taa a,
a bɛl na mɩ́ nyũ tɩ kuoli a.
Bɛ na dɩ n kʋmkʋm, mɛ̃ mɔ̃-kon a.
11Nɩnɩɩvʋ tẽw i, a fʋ pʋɔ n'a
nɩr yi, tɩɛrɛ faa a Sore ƴãw#1:11 A Asiiri tẽw nãà n'ʋ.,
nɩ-bɛ-tɛr-bir a tɩɛrʋ na bɛ vɩɛl a.
12A Sore yere nɩ à ŋá kʋ̀rɛ a Zuda tẽw dem:
«A nyɩ dɔ̃ dem saa yãwmɛ ɛ́ kpɛmɛ a,
bɛ na bɔr'a, been kʋ̃ cɛ ɩ.
Ɩ̃ ɩ na vĩ kpɛ nyɩ, ɩ̃ bɛ lɛb ɩrɛ vĩ kpɩɛr nyɩ ɛ.
13Ƴɛrɛŋa a, ɩ̃ na faa nyɩ nɩ a nyɩ dɔ̃ sob nuru pʋɔ
ɛ́ ŋma a bʋ̃-'leni na 'lẽ nyɩ a bɛr.»
14Nɩnɩɩvʋ tẽw dem i,
a Sore ƴɛ̀rɛ nɩ à ŋá a nyɩ ƴãw:
«Nyɩ kʋ̃ cãà tɛr bʋʋrɛ a nyɩ yúor pore ɩ.
A nyɩ ŋmɩmɛ yir pʋɔ a,
ɩ̃ na ír'ɩ a nyɩ dà-pɛnɩ tɩbɛ nɩ a nyɩ kure tɩbɛ bɛr.
Ɩ̃ tuwr'ɩ a nyɩ bɔw, bʋ̃ʋ n'ʋ vɛ̃,
nyɩ bɛ cãà tɛr bir a ɩ̃ niŋé ɩ.»
Currently Selected:
Nahum 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
