Mise 2
2
A bɛlɩ dem na nɛbr a bɛ taabɛ a
1Baw-bio dem n'ɩ a bɛlɩ dem
na mɩ́ gã a tɩ̃ɩsɔw tɩɛrɩ
ɛ́ cɔbrɩ a yel-faa maalʋ a.
A zie wa wɛlɛ a, bɛ mɩ́ maal'a,
bɛlɛ wa tɛr a fãw a lɛn daar a.
2Bɛlɛ wa bɔbr wɛ̀rʋ a, bɛ mɩ́ de a na.
Bɛlɛ wa nyɛ̃ yie bɔbr a a, bɛ mɩ́ de de a na.
Bɛ mɩ́ dɔwr'ɩ a yie dem nɩ a bɛ nɩbɛ,
a nɩr nɩ a ʋ bʋ̃-sori.
3Alɛ n'a so a Sore yere:
«Ɩ̃ cɔbrɛ nɩ kpɩɛrʋ a nyɩɩm bɛ ŋa taabɛ ƴãw,
nyɩ bɛ cɩ̃ɛnɛ ɩ, nyɩ kʋ̃ cãà mɩ̀ lɛb dʋɔ zu cere nɩ ɛ.
Bʋ̃ʋ n'ʋ vɛ̃, a nɩdaar na waar a na ɩ n kpɩɛrʋ daar.»
4A lɛn daar a, bɛ na ƴãw nɩ nyɩ nɩ yielu ŋa,
bɛ na ŋmaarɛ nɩ lãw-mʋɔlɛ yere nɩ:
«Tɩ bɛ cãà tɛr bom za towtow ɛ,
a tɩ nɩ-bʋʋrɛ bɛ cãà tɛr a ʋ tẽsɔw ɛ,
a bɛlɩ dem na farɛ tɩ a, põ nɩ taa a tɩ póru.
Bʋ̃ʋ n'ʋ so bɛ fárɛ a tɩ bome za?»
5A na ɩ à ŋá a,
a tẽsɔwr a Sore nɩ-bʋʋrɛ na na lɛb põ a,
nyɩ been kãw za bɛ páwr a ʋ dem ɛ.
A bɛlɩ dem na bɛ sàwr a naaŋmɩn-ƴɛ̀r-manɛ ƴɛ̀rʋ a.
6Bɛ mɩnɛ kãw ƴɛ̀rɛ nɩ à ŋá a ɩ̃ zie:
«Ta cãà ƴɛ̀rɛ a ƴɛ̀rʋ á ŋá taabɛ ɩ,
dãbolu n'a, fʋ na yere k'aa vĩ bɛ tɛr nɩɩr-bɛrʋ a.
7Bɛ ŋmɛ na ƴãw a Ɩsɩrayɛl bʋʋrɛ bɩɩ?
A Sore nyɔw nɩ a ʋ suur gù bɩɩ?
A ʋ ɩb n'ɩ à à ŋá a?»
Mãa ƴãw a, a bɛlɩ dem na ɩrɛ vla a,
bɛl tɛwr zie n'a a ɩ̃ ƴɛ̀rʋ mɩ́ nʋmɛ.
8Ɛcɛ a Sore ƴɛ̀rɛ nɩ à ŋá a nyɩ zie:
«Nyɩ ìr'a ɩ a ɩ̃ nɩ-bʋʋrɛ dɔ̃ dem.
A nɩbɛ na mɩ́ yi a zɛbr zie
lɛb waar bɛr yã ɛ́ cere a,
nyɩ mɩ́ faa nɩ a bɛ kpar-bɛrɛ
bɛ na su dɔwlɩ a kpali zu a.
9A ɩ̃ nɩ-bʋʋrɛ pɔwbɛ a,
nyɩ mɩ́ diw bɛ na bɛr
a bɛ yie bɛ na nɔnɛ a pʋɔ,
a maalʋ#2:9 Maalʋ: A maalʋ bɛ na yere a, ʋ ɩ n a zie bɛ na páw a Kanãa tẽw pob daar a. ɩ̃ na mɩ́ kʋ̀ a bɛ bibiir a,
nyɩ mɩ́ nyɔw ʋ na faa a nʋɔr kʋ.
10Nyɩ ìr! Nyɩ cere! A nyɩ pɩ̃ɛnʋ baar'a!
Kpɩɛrʋ na bɛ tɛr manʋ a gùre nyɩ na,
a nyɩ ɩ-faar ƴãw.»
11Nɩr'ɩ ŋa ta, ƴɛ̀rɛ ƴɛ̀r-zawlɛ,
ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ,
nyɩ na páw nɩ divɛ̃ nɩ dã-kpɛn!»
A lɛn daar a, ʋ na ɩ n a nɩbɛ bɛ ŋa kã-kanɛ.
12A Sore yere na: «Zakɔb bʋʋrɛ ɛ,
ɩ̃ na ɓã nyɩ nɩ taa nyɩ za.
Ɩsɩrayɛl nɩbɛ na cɛ a, ɩ̃ na ɓã nyɩ nɩ taa.
Ɩ̃ na ɓã nyɩ nɩ taa mɛ̃ píir na be zaw pʋɔ a,
mɛ̃ dʋn na duo nadʋʋrá a,
nyɩ na yãwmɛ na damnɛ kʋrkʋrkʋr.
13A sob nɛ na puore a sɔ́r kʋ̀rɛ nyɩ a de nyɩ nɩ niwn.
Bɛ faa nyɩ na, nyɩ fɩrfɩr'a tɔl yi.
A Sore nyɩ nãà n'ʋ de nyɩ a niwn.»
Currently Selected:
Mise 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
