Mise 3
3
A Sore yere nɩ a nɩ-bɛrɛ na nɛbr a Naaŋmɩn nɩ-bʋʋrɛ a.
1Ɩ̃ yere na kʋ̀rɛ nyɩ: «Nyɩ bɛrɛ wone,
nyɩɩm Zakɔb bʋʋrɛ nɩ-bɛrɛ ɛ,
nyɩɩm Ɩsɩrayɛl nɩbɛ ƴɛ̀r-dɩrbɛ ɛ.
A nyɩ tõ-nʋɔr bɛ n'ɩ kɛ̀
nyɩ kaarɛ a lɛ-na-tu-sɔr-a zie ɩ?
2Ɛcɛ, nyɩ hɩ̃ɛn nɩ a vla, ɛ́ nɔnɛ a faa,
nyɩ sɩrɛ nɩ a nɩbɛ gamɛ
ɛ́ bɩɛlɛ a nɛn-buge na pàw a bɛ kɔbɛ a.»
3Sɩza n'a, a ɩ̃ nɩ-bʋʋrɛ ƴã-gã-nɛnɛ n'ɩ a bɛ dɩb.
Bɛ tawr'ɩ a bɛ gamɛ tʋɔrɛ,
bɛ karɛ nɩ a bɛ kɔbɛ,
bɛ ŋmarɛ bɛ nɩ pʋrpʋr,
mɛ̃ nɛn bɛ na ƴãw ziduwle#3:3 A kan-nɛ́ɛ 2 nɩ 3 ƴãw a, nyɛ̃ Zʋkp 30.14. pʋɔ a.
4Lɛ so, bɛlɛ wa kone bʋɔlɛ a Sore a,
ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ,
a yel-faar bɛ na maalɩ a ƴãw.
A naaŋmɩn-ƴɛ̀r-manbɛ bɛl na tule a Naaŋmɩn nɩ-bʋʋrɛ a
5À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a:
«A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ,
ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.
6A na ɩ à ŋá a, a bʋ̃-nyɛrɩ nʋɔr kʋ na!
Zie na sɔb'a pàw nyɩ, naaŋmɩn-ƴɛ̀r-manbɛ ɛ.
Nɩdaar yele yelu baar'a!
Lige na pili na pàw nyɩ
mɛ̃ a lɛ mʋ̃tɔ̃w na mɩ́ wa kpɛ baar'a,
ɛ́ nyɩ na be n lige pʋɔ.»
7A bʋ̃-nyɛrɩ nyɛrbɛ na nyɛ̃ nɩ vĩ,
vĩ na ɩrɛ nɩ a bàwr-bʋwrbɛ,
bɛ za na pàw nɩ a bɛ niŋe,
a Naaŋmɩn na bɛ cãà sɔwr bɛ a ƴãw.
8Ɛcɛ mãa a, a Sore Vʋʋrʋ ʋ na kʋ̀ m a zũú,
ɩ̃ tɛr'ɩ fãw yaga za.
Mɩnʋ nɩ kanyir be n a ɩ̃ zie,
ɩ̃ yere a Zakɔb bʋʋrɛ sãwna kʋ̀rɛ bɛ,
ɛ́ yere a Ɩsɩrayɛl nɩbɛ yel-bier kʋ̀rɛ bɛ.
A Mise yere na k'aa Zerizalɛm na lo na
9Nyɩ bɛrɛ wone, nyɩɩm, Zakɔb bʋʋrɛ nɩ-bɛrɛ ɛ,
nyɩɩm, Ɩsɩrayɛl nɩbɛ ƴɛ̀r-dɩrbɛ ɛ, nyɩ hɩ̃ɛn nɩ a mɩnʋ
ɛ́ bom za na tu sɔ́r a, nyɩ mɩ́ ɩ na ʋ bɛ cãà tu sɔ́r ɛ.
10Nyɩ mɩɛr'ɩ a Sɩyɔ̃ zɩ̃ɩ pʋɔ,
ɛ́ ŋmaarɛ a Zerizalɛm faalʋ pʋɔ.
11Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ,
tɔnɛ ƴãw n'a a bàwr-maalbɛ wule,
libie ƴãw n'a a naaŋmɩn-ƴɛ̀r-manbɛ
bãwnɛ a nɩdaar yele.
Ɛcɛ à á ŋá za a, a Sore ƴãw n'a
bɛ mɩ́ ɩrɛ ƴãwn yere nɩ:
«A Sore be n a tɩ sɔgɔ,
yel-faa za bɛ páwr tɩ ɛ.»
12Alɛ n'a so, a nyɩɩm zũú a,
a Sɩyɔ̃ na lɩɛb'ɩ púo bɛ na kɔ a,
a Zerizalɛm tẽw yie na lo na gbõ taa,
ɛ́ a Ŋmɩn-yir-kpɛ̃ɛ tãw ɩ tuw#3:12 Bɛ ƴɛ̀r'ɩ a kan-nʋɔr ŋa ƴɛ̀rʋ a Zer 26.18 pʋɔ. gã.
Currently Selected:
Mise 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
