Mise 1
1
1Ƴɛ̀rʋ á ŋá n'a a Sore tɩ ƴɛ̀r kʋ̀ a Moresɛtɩ#1:1 Moresɛtɩ: Ʋ tɩ be n a Zerizalɛm saa-pɛrɩ́-dʋrʋ-lowr nɩ a mʋ̃tɔ̃w-kpɛb-lowr cara pʋɔ, zãá nɩ ʋ mɛ̃ kilo 35 a, a Zuda tẽw Ba-Peyi pʋɔ. Yotam, Akaazɩ nɩ Ezekɩasɩ daar: A Yeezu Kɩrɩta na bɛ tɩ wa sɛr a yome 740 tɩ tɔ 687 vuo pʋɔ n'a. Nyɛ̃ Ɩza 1.1. Samaari: A Saa-pɛrɩ́-gʋba-lowr naalʋ-tẽw bɛ na bʋɔlɛ Ɩsɩrayɛl naalʋ-tẽw a tẽ-kpɛ̃ɛ tɩ n'ʋ. Zerizalɛm: A Saa-pɛrɩ́-dʋrʋ-lowr naalʋ-tẽw bɛ na bʋɔlɛ Zuda naalʋ-tẽw a tẽ-kpɛ̃ɛ tɩ n'ʋ. tẽw Mise, a Zuda tẽw na-mɩnɛ Yotam, Akaazɩ nɩ Ezekɩasɩ daar. A bʋ̃-nyɛrɩ ʋ na nyɛ̃ a, a càar'ɩ a Samaari nɩ a Zerizalɛm ten.
A Sore yere nɩ a ʋ nɩ-bʋʋrɛ Ɩsɩrayɛl sãwna
2Nyɩɩm nɩ-bʋʋrɛ za a, nyɩ bɛrɛ wone.
Tẽw i, cɛlɛ vla, fʋ̃ʋ nɩ bom za na paalɩ fʋ a!
A Sore Naaŋmɩn na be n
a ʋ kpɛb zie na ɩ sõw a pʋɔ, ɛ́ yere a nyɩ sãwna.
3A Sore n'ɩ ŋan yire a ʋ kpɛb zie,
ʋ siwr'a waar, ʋ cere nɩ a tẽw tan nyɛɛ zu.
4A tan nyɩlɛ nɩ a ʋ gbɛ́ɛ pile,
ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a,
mɛ̃ kʋ̃ɔ na mɩ́ yi gbĩgbin zu gbɔlɛ siwr a.
5A Zakɔb bʋʋrɛ bɛ-wonu,
a Ɩsɩrayɛl yir dem yel-bebe n'a so à á ŋá za.
Ãa n'ʋ so a Zakɔb bʋʋrɛ#1:5 Zakɔb bʋʋrɛ: A Ɩsɩrayɛl naalʋ-tẽw n'ʋ. bɛ-wonu?
A Samaari tẽw bɛ n'ʋ ɛ?
Ãa n'ʋ so a Zuda nɩbɛ na ƴãwnɛ a tɩbɛ a?
A Zerizalɛm tẽw bɛ n'ʋ ɛ?
6À ŋá n'a a Sore yere:
«Ɩ̃ na ɩ na a Samaari tẽw lɩɛbɩ deboru,
ʋ lɩɛbɩ divɛ̃ tɩɩr tẽsɔw-kʋ́ɔra.
Ɩ̃ na ɩ n a ʋ kʋsɛbɛ bili siw a fʋɔla pʋɔ,
ɩ̃ na ɩ n a ʋ dacine pɛ́ɛ a sãá.
7Bɛ na ŋmɛr'ɩ a ʋ ŋmɩmɛ dasuli za bɛr,
ɛ́ a bʋ̃-kʋ̀rɩ́ ʋ na páw a,
bɛ na lɔb a na ƴãw vũu-zɛlɛ pʋɔ.
Ɩ̃ na ƴãw na bɛ ŋmɛr a ʋ tɩbɛ cʋmcʋm,
bʋ̃ʋ n'ʋ vɛ̃, ʋ dà n a bome á ŋá za
nɩ a ʋ pɔw-yɛm ɩ-ɩrɩ sã-ya libie.
A mɩ̀ na lɩɛb'ɩ pɔw-yɛm ɩ-ɩrɩ a mɩnɛ sã-ya libie#1:7 Nyɛ̃ Oze 1.2 nɩ a manʋ..»
A kpɩɛrʋ páw nɩ a Zerizalɛm tẽw
8A mãa Mise a, ɩ̃ na kone na ŋmɩɛr'ɩ cɛlsɩ,
ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol.
Ɩ̃ na ùore na mɛ̃ a gbõgbo-cili a.
Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.
9A dɔwrʋ na páw a Samaari a bɛ tɛr tɩ̃ɩ ɛ,
a ta n a Zuda tẽw tɛɛ za,
a Zerizalɛm dɩ̃dɛɛ ƴãw,
a be a ɩ̃ nɩ-bʋʋrɛ na kpɩɛr a.
10Nyɩ ta manɛ a yel ŋa a Gatɩ tẽw pʋɔ ɩ,
nyɩ ta cire mʋta-kʋ̃ɔ ɩ.
Nyɩ ɓiile a tanɛ pʋɔ a Bɛtɩ-Leafʋra tẽw pʋɔ#1:10 A tẽ-bɛrɛ al za na be a kan-nɛ́ɛ 10-15 pʋɔ a, tɩ ɩ n a Zuda naalʋ-tẽw tẽ-bɛrɛ a Asiiri tẽw sojarɩ na tɩ jɩɛrɛ a..
11Safɩɩr tẽw dem i, nyɩ yi lo a tẽ-yũo sɔ́r,
nyɩ tɔlɛ nɩ a nyɩ ƴã-gã-kpãkpole vĩ.
A Saanan tẽw dem bɛ sàwr yire a bɛ tẽw pʋɔ ɩ.
A Bɛtɩ-Esɛl tẽw dem kone na,
taw-lanʋ zie kãw za bɛ cãà be a ʋ pʋɔ ɩ.
12A Marɔtɩ tẽw dem zɔrɛ nɩ dɛ̃bɩ̃ɛ
a bɛ ƴã-ɓaarʋ ƴãw.
Bʋ̃ʋ n'ʋ vɛ̃, a kpɩɛrʋ na yi a Sore zie a,
ta n a Zerizalɛm dɩ̃dɛɛ ƴãw.
13Lakisɩ tẽw dem i,
nyɩ caw a wie a torkori,
nyɩ cɔwr'ɩ a Ɩsɩrayɛl nɩbɛ sãwna,
taw a Zerizalɛm ƴãw a yel-bier pʋɔ.
14Alɛ n'a a fɛr kɛ́ nyɩɩm
nɩ a Moresɛtɩ-Gatɩ tẽw dem bʋ́r taa.
A Akizivʋ tẽw ƴãw a,
ʋ kʋ̃ tɛr sõwfʋ kãw za
a Ɩsɩrayɛl nɩbɛ na-mɩnɛ ƴãw ɛ.
15Maaresa tẽw dem i, a Sore na bɛr'a
nɩ-yũo lɛb zɛb tʋ̃ɔ́ nyɩ.
A Ɩsɩrayɛl na-yée
na zɔ na cen tɩ sɔwlɩ a Adulam tãw bɔw pʋɔ.
16Nyɩ põ a nyɩ zuru, nyɩ fɔr a bɛr,
Zerizalɛm tẽw dem i!
A nyɩ zuru, a kpal mɛ̃ sidum zu a,
nyɩ kone a nyɩ bibiir nyɩ na nɔnɛ a,
bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ
cen nɩ gbãgbaalʋ pʋɔ, bɛ zãá nɩ nyɩ.
Currently Selected:
Mise 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
