Zonasɩ 4
4
Naaŋmɩn dɩ n suur kʋ̀ a Nɩnɩɩvʋ tẽw dem, a Zonasɩ nyɛ̃ suur
1A Zonasɩ bɛ tɩ de a lɛ towtow ɛ, ɛ́ tɩ nyɛ̃ suur. 2Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ#4:2 Tarsisɩ: Nyɛ̃ 1.3 nɩ a manʋ.. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a. 3Ƴɛrɛŋa a, Sore e, ɩ̃ zɛlɛ fʋ na, de a ɩ̃ nyɔ-vʋʋrʋ, mãa kpi a, alɛ sa ɩ̃ na na cãà vʋʋrɛ a.» 4A Sore tɩ sowri ʋ na: «Fʋ tɛr'ɩ yel-mɩŋa fʋ na nyɛ̃ a suur a bɩɩ?»
5A Zonasɩ tɩ yi n a tẽw pʋɔ tɩ zɩ̃ a tẽw saa-pɛrɩ́. Ʋ tɩ maal'ɩ sɛw a be, kpɛ zɩ̃ a ʋ ɓaarʋ, ɛ́ gù a ʋlɩ bom nɛ na na ɩ a tẽw pʋɔ a. 6Lɛ n'a a Sore Naaŋmɩn tɩ ƴãw tɩle kãw bul do gãw a Zonasɩ, k'ʋʋ tʋ̃ɔ́ ɩ a ʋ ɓaarʋ piw ʋ tɛr, ɛ́ ɩ a ʋ su-sãwna bàalʋ sanɩ. Nʋ̃ɔ̀ tɩ kpɛ n a Zonasɩ yaga za a tɩle ŋa ƴãw. 7A bio daarɩ́ a zie na wa wɛlɛ a, a Naaŋmɩn tɩ ƴãw na zãzul vʋr a tɩle ʋ kpi. 8Al pùorí a mʋ̃tɔ̃w na wa pur a, a Naaŋmɩn ƴãw na saa-pɛrɩ́#4:8 Saa-pɛrɩ́: A pɛr lɛ k'aa wɛja-kpalɛ lowr. Alɛ n'a so a sɛsɛb ŋa tɩ tʋlɛ kpãkpã cɛ blã na kʋ a Zonasɩ. sɛsɛb-tʋlʋ tʋlʋ fu, ɛ́ a mʋ̃tɔ̃w dɩ a Zonasɩ zu, a Zonasɩ tɩ cɛ blã na ɓɛl. Ʋ tɩ zɛlɛ nɩ a kũu yere nɩ: «A kũu sa ɩ̃ na na cãà vʋʋrɛ a.» 9Lɛ n'a a Naaŋmɩn tɩ sowri ʋ: «Fʋ tɛr'ɩ yel-mɩŋa fʋ na nyɛ̃ suur a tɩle ŋa ƴãw a bɩɩ?» A Zonasɩ tɩ sɔw na: «Ʋ̃ʋ, ɩ̃ tɛr'ɩ yel-mɩŋa na nyɛ̃ suur tɩ zɛlɛ nɩ a kũu.»
10A Sore tɩ lɛb'a yel: «A fʋ̃ʋ a, nɩbaalʋ ɩrɛ fʋ na a tɩle ŋa ƴãw, ɛcɛ fʋ bɛ hanɩ a ʋ ƴãw ɛ, fʋ bɛ ɩ ʋ bàa ɩ, tɩ̃ɩsɔw been n'a ʋ bul ɛ́ kpi tɩ̃ɩsɔw been. 11Nɩbɛ tùr-lɩz'a ayʋɔb (120 000) nɩ dɔwlɛ na bɛ bãw ʋlɩ bom nɛ na ɩ vla a bɛ zie a n'a kpɩɛr a Nɩnɩɩvʋ. Dʋn yaga yaga mɩ̀ be n be. À à ŋá ƴãw a, a bɛ tɛr sɔ́r k'aa mãa, ɩ̃ mɩ̀ zɔ a Nɩnɩɩvʋ tẽ-kpɛ̃ɛ nɩbaalʋ ɛ?»
Currently Selected:
Zonasɩ 4: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
