A Lãw-mʋɔlɛ 5
5
Sore e, ɩ tɩ lɛb wa a fʋ zie
1Sore e, ta yiiri a ʋlɩ bom nɛ na ta tɩ a ɩ.
Jɩ́r nyɛ̃ a lɛ bɛ na tʋʋr tɩ a.
2A tẽw fʋ na kʋ̀ tɩ a lɩɛb'ɩ nɩ-yoru dem,
a tɩ yie be n nɩbɛ tɩ na bɛ bãw a nuru pʋɔ.
3Tɩmɛ n'ɩ bɛ ŋan ɩ bi-kpebe bɛ tɛr sãà mɩnɛ ɩ,
a tɩ mã mɩnɛ ɩ na mɛ̃ pɔw-kɔbɛ a.
4Tɩ mɩ́ dà n a tɩ buli kʋ̃ɔ nyũ,
tɩ mɩ́ ya n libie tʋ̃ɔ́ páw a tɩ dàar.
5A bɛlɩ dem na dɔwrɛ tɩ a bɛ bɛrɛ tɩ ɛ,
tɩ bàl'a, ɛ́ pɩ̃ɛnʋ bɛ ka be a tɩ zie ɩ.
6A Eziptɩ tẽw nɩ a Asiiri tẽw lowr'a
tɩ mɩ́ tur a tɩ nuru cɔw,
kɛ́ tɩ tʋ̃ɔ́ páw a bʋ̃-dɩrɩ dɩ tɩw.
7A tɩ sãà mɩnɛ maal'ɩ yel-bier ɛ́ bɛ cãà ɩ,
ɛcɛ tɩmɛ nɛbɛ tuo a bɛ sãwna.
8Gbãgbaar nɛbɛ so tɩ,
ɛ́ nɩr bɛ ka be na faa tɩ a bɛ nuru pʋɔ ɩ.
9A wɛja-kpalɛ pʋɔ nɩ-kʋrbɛ zũú a,
tɩ mɩ́ cɛ n kũu-pire kɛ́ tɩ tʋ̃ɔ́ páw a tɩ bʋ̃-dɩrɩ.
10A kɔ̃ na kʋrɛ tɩ a zũú a,
a ƴãw tʋl tɩ nɩ kpãkpã mɛ̃ dam a.
11A tɩ dɔ̃ dem fɛr'ɩ a pɔwbɛ gã nɩ
a Sɩyɔ̃ tẽw pʋɔ,
ɛ́ fɛr gã nɩ a pɔwsɩrali a Zuda tẽ-bɛrɛ pʋɔ.
12A bɛl tɛɛ za tɩ nyɔw nɩ a tõ-tõ-bi-bɛrɛ 'lẽ yawlɩ,
ɛ́ bɛ tɩ tɛr ƴãwfʋ kãw za a nɩ-kore zie ɩ.
13Pɔlbili tuo nɩ nɩɛr,
ɛ́ dɛbli tuo dàar kawr lore nɩ#5:13 A tome á ŋá taabɛ tɩ ɩ n gaso-biir tome..
14A nɩ-kore bɛ cãà cere a tuor-taa zie ɩ,
a pɔlbili bɛr'ɩ a bɛ yielu.
15A tɩ su-nʋ̃ɔ̀ baar'a,
a tɩ nʋ̃ɔ̀ bɩnɛ lɩɛb'ɩ ko-bɩnɛ.
16Tɩ bɛ cãà tɛr yúor ɛ.
Nyɛ̃ baw-bio na páw tɩ a,
bʋ̃ʋ n'ʋ vɛ̃, tɩ maal'ɩ yel-bier!
17Alɛ n'a so a tɩ socie be kpɩɛrʋ pʋɔ,
alɛ n'a so a tɩ mimie bɛ lɛb cãà nyɛrɛ ɩ.
18Bʋ̃ʋ n'ʋ vɛ̃, a Sɩyɔ̃ tãw lɩɛb'ɩ wɛja-kpalɛ,
ʋ lɩɛb'ɩ tʋrbaar kpɛb zie.
19Ɛ́ a fʋ̃ʋ a, Sore e, fʋ ɩ n nãà kʋralɛ,
fʋ dɩrɛ nɩ naalʋ yome yome za.
20Bʋ̃ʋ n'ʋ so fʋ na yiire tɩ bɛrɛ kʋralɛ,
fʋ na jɛrɛ tɩ bɛrɛ a tɩ cãafʋ daar za?
21Sore e, ɩ tɩ lɛb wa a fʋ zie,
ɛ́ tɩ na sɩrɩ na lɛb wa.
Ɩ a tɩ nyɔ-vʋʋrʋ ʋ lɛb ɩ paala
ŋmɛ̃ mɛ̃ a koro kãw za dem a.
22Fʋ jɛ tɩ na bɛr a nʋɔr kʋ ʋ?
A fʋ suur ìr'ɩ a tɩ ƴãw tɩ zuo bɩɩ?
Currently Selected:
A Lãw-mʋɔlɛ 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
