Barukɩ 1
1
A ƴɛ̀rʋ a Babɩlɔn tẽw Zifʋ mɩnɛ na ƴɛ̀r a Zerizalɛm tẽw Zifʋ mɩnɛ zie a
1Nyɛ̃ a sɛbɛ a Barukɩ na tɩ sɛb a Babɩlɔn tẽw a. A Barukɩ tɩ ɩ n Nerɩasɩ bidɛb, a Nerɩasɩ ɩ Maaseasɩ bidɛb, a Maaseasɩ ɩ Sedesɩasɩ bidɛb, a Sedesɩasɩ ɩ Hasadɩasɩ bidɛb, a Hasadɩasɩ ɩ Hɛlkɩasɩ bidɛb. 2A Babɩlɔn tẽw dem na tɩ zɛb de a Zerizalɛm ɛ́ nyɩw ʋ bɛr a, a yome anũu sob daar tɩ n'a ʋ sɛb, a cuwr anũu sob bibie ayopõi sob#1:2 Cuwr anũu sob: A na-mɩnɛ sɛbr ayi sob pʋɔ a (2Na 25.8), a Yeezu Kɩrɩta na bɛ tɩ wa sɛr a yome 587 sob'a a Babɩlɔn tẽw dem tɩ zɛb de a Zerizalɛm, a mɔ̃-bàalʋ cuw baarʋ daar.. 3A Barukɩ tɩ kanɩ nɩ a sɛbɛ ŋa a Zʋakɩm bidɛb, Yekonɩasɩ#1:3 Yekonɩasɩ: A ʋ yúor kãw n'ɩ Zʋakɩn., na ɩ a Zuda tẽw nãà a niŋé, nɩ a zu-sɛbla na tɩ wa kɛ́ bɛ wa bɛr wõ a kanʋ ŋa a niŋé. 4A bɛlɩ dem za na tɩ kpɩɛr a Babɩlɔn, a Sudɩ#1:4 Sudɩ: Bàa bɩɩ bɔw-wɛra kãw yúor'ʋ. nʋɔr a, tɩ be n be: a tõ-tõ-bi-bɛrɛ, a na-biir, a yie nɩ-bɛrɛ nɩ a nɩbɛ za, a pʋrɩ za tɩ tɔ a kpɛ̃ɛ za. 5A nɩbɛ bɛ ŋa tɩ kone na, bɛ tɩ tɛr'ɩ mʋta-tuo puore nɩ a Sore niŋé. 6Al pùorí, bɛ tɩ cɩɛr'ɩ libie, ŋa za mɩ́ tɩr lɛ ʋ na tʋ̃ɔ́ a, 7bɛ tɩr a Zerizalɛm kʋ̀ a bàwr-maalɛ Zʋakɩm, na ɩ Hɛlkɩasɩ bidɛb nɩ Sálóm yãw a, lãwnɩ a bàwr-maalbɛ bɛl na cɛ a, nɩ a nɩbɛ za na tɩ be a Zerizalɛm a.
8A Siwan#1:8 Siwan: A Babɩlɔn tẽw dem yũon cuwr ata sob'ʋ, na man nɩ a sɩ̃ɛ-kpɛ-paala cuw baarʋ a. cuw bibie pie sob, a Barukɩ tɩ lɛb'a de a bome baarɩ, a al bɛ na tɩ de a Sore Ŋmɩn-yir-kpɛ̃ɛ pʋɔ cen nɩ a. Ʋ tɩ bɔbr'a k'ʋʋ lɛb tɩr a a Zuda tẽw. A salm-pla bome a Zozɩasɩ bidɛb nɩ a Zuda tẽw nãà, Sedesɩasɩ, na tɩ ƴãw bɛ maalɩ a n'a, 9ɛ́ a tɩ ɩ n a Babɩlɔn tẽw nãà, Nabikodonozɔɔr, na tɩ ír a Yekonɩasɩ, a nɩ-bɛrɛ, a tõ-tonbɛ, a tõ-tõ-bi-bɛrɛ nɩ a nɩbɛ za a Zerizalɛm, cen nɩ a Babɩlɔn a pùorí.
10A nɩbɛ bɛ na diw cen nɩ a tɩ ƴɛ̀r'ɩ a Zerizalɛm tẽw dem zie à ŋá: Tɩ tɩr'ɩ libie kʋ̀ nyɩ. Nyɩ da dʋn nɩ a libie á ŋá, nyɩw-a-za-bagɛ nɩ yel-bier ír-bɛrʋ bagɛ maalʋ ƴãw. Nyɩ mɩ̀ da n tɩ-suur-zɔ̃-na-nyùur-vla-vla-a. Nyɩ na maal'ɩ a bagɛ á ŋá, tɩr'ɩ de-kʋ̀b bome a Sore tɩ Naaŋmɩn bàwr-maal-kuur zu. 11Nyɩ mɩ̀ puori kʋ̀ a Babɩlɔn tẽw nãà, Nabikodonozɔɔr, nɩ a ʋ bidɛb Baltazaar#1:11 Baltazaar: Nyɛ̃ Dan 5.1-2., k'aa bɛ nyɔ-vʋʋrʋ cɛlɩ mɛ̃ a lɛ daar za a salom na be a tẽw zu-sɔw a. 12A lɛ pʋɔ a, a Sore na kʋ̀ tɩ nɩ fãw, ʋ na ɩ na tɩ lɛb bãw a nʋ̃ɔ̀, tɩ na vʋʋrɛ na, ɛ́ a Babɩlɔn tẽw nãà, Nabikodonozɔɔr, nɩ a ʋ bidɛb Baltazaar gùre tɩ. Tɩ na tõ n a bɛ tome cɛlɩ, ɛ́ bɛ tɛr pʋ-pɩɛlʋ a tɩ ƴãw. 13Nyɩ mɩ̀ puori a Sore tɩ Naaŋmɩn kʋ̀ tɩ. Bʋ̃ʋ n'ʋ vɛ̃, tɩ sãw ʋ na, ɛ́ cãà wa tɩ tɔ a dɩ̃a a, ʋ bɛ bɛr a ʋ su-faa faa a tɩ ƴãw ɛ. 14Nyɩ kanɩ a sɛbɛ ŋa tɩ na tɩrɛ kʋ̀rɛ nyɩ a, a nɩbɛ za niŋé, a Sore Ŋmɩn-yir-kpɛ̃ɛ pʋɔ, a Sɛwr cuw daar nɩ a bibie al na sɛw taa nɩ a.
A NƖBƐ BƐ NA DIW CEN NƖ A BABƖLƆN A PUORU
1:15—3:8
A yel-bebe wób
(Dan 9:4-19, Ɛsd 9:6-7, Nee 9)
15Nyɩ na yel'a: A Sore tɩ Naaŋmɩn tɛr'ɩ yel-mɩŋa, ɛcɛ tɩmɛ so vĩ, mɛ̃ a lɛ a na sãá a dɩ̃a a. A tɩɩm, Zuda tẽw nɩ Zerizalɛm tẽw dem, 16tɩmɛ so vĩ, a tɩɩm, a tɩ na-mɩnɛ, a tɩ nɩ-bɛrɛ, a tɩ bàwr-maalbɛ, a tɩ naaŋmɩn-ƴɛ̀r-manbɛ nɩ a tɩ sãàkʋm-kore. 17Bʋ̃ʋ n'ʋ vɛ̃, tɩ sãw nɩ a Sore. 18Tɩ bɛ tu ʋ ɛ, tɩ bɛ bɛr wõ a Sore tɩ Naaŋmɩn, a lɛn daar ʋ na tɩ yere kʋ̀rɛ tɩ, kɛ́ tɩ tuur a nɛ-ƴãwnɩ ʋ na bin a tɩ niŋé a ɩ. 19A na tĩ a ʋlɩ bibir a Sore tɩ Naaŋmɩn na ɩ a tɩ sãàkʋm-kore yi a Eziptɩ tẽw, ɛ́ wa tɩ tɔ a dɩ̃a a, tɩ bɛ tu ʋ ɛ, tɩ bɛ bɛr wõ a ʋ ƴɛ̀rʋ ɛ, ɛ́ bɛ mɩ́ tɩɛrɩ kɛ́ ɩ ɛ#1:19 Nyɛ̃ Zer 7.25-26, Ssy 106.6-42.. 20Alɛ so, mɛ̃ a lɛ a na sãá a dɩ̃a a, a faa tu tɩ na, lãwnɩ a ŋmɛ-ƴãw a Sore na tɩ ƴãw a ʋ tõ-tõ-bie Moyiir yel, a ʋlɩ bibir ʋ na ɩ a tɩ sãàkʋm-kore yi a Eziptɩ tẽw, k'ʋʋ kʋ̀ tɩ tẽw bʋ̀rʋ nɩ sɩwr na gbɔlɛ a#1:20 Tẽw bʋ̀rʋ nɩ sɩwr na gbɔlɛ a: A pɛr lɛ kɛ́ tẽw a kukur nɩ a guolu na cere vla a. A tẽw a Naaŋmɩn na kʋ̀ a ʋ nɩ-bʋʋrɛ a bʋɔlʋ n'ɩ à à ŋá: tẽw bʋ̀rʋ nɩ sɩwr na gbɔlɛ a. Nyɛ̃ Ety 3.8. . 21Ʋ tõ n a ʋ ƴɛ̀r-manbɛ a tɩ zie, ɛcɛ tɩ bɛ bɛr wõ a lɛ ʋ na mɩ́ tɩ ƴãw bɛ yere kʋ̀rɛ tɩ a ɩ. 22A tɩ kãw za nɩ̃ɛ na mɩ́ tɩ tuur a ʋ soci-faa tɩɛrʋ, maalɛ ŋmɩn-yoru, ɩrɛ nɩ lɛ na bɛ vɩɛl a Sore tɩ Naaŋmɩn zie a#1:22 Nyɛ̃ Ety 20.3, Zer 11.8, 25.4-6..
Currently Selected:
Barukɩ 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.