Zeremi 47
47
A ƴɛ̀rʋ a Sore na ƴɛ̀r càar'ɩ a Filisɩtɛ̃ mɩnɛ a
1A Sore tɩ ƴɛ̀r'ɩ a ʋ ƴɛ̀rʋ kʋ̀ a naaŋmɩn-ƴɛ̀r-manɛ Zeremi, càar'ɩ a Filisɩtɛ̃ mɩnɛ, ɛ́ a Eziptɩ tẽw nãà wa bãw zɛb'ɩ a Gaza tẽw.
2À ŋá n'a a Sore yel:
«Kʋ̃ɔnɩ na vʋnɛ a
yi n saa-pɛrɩ́-gʋba-lowr waar,
a lɩɛbɛ nɩ bàa,
a kʋ̃ɔ na damnɛ nɩ fãw a,
a paalɛ na pàwr a tẽw
nɩ bom za na be a ʋ pʋɔ a:
a tẽ-bɛrɛ nɩ a nɩbɛ na kpɩɛr a a.
A nɩbɛ kone na zɛlɛ nɩ sõwfʋ,
a tẽw nɩbɛ za ŋmɩɛr'ɩ cɛlsɩ.
3Tɩ wone nɩ a wie
na panɛ a tẽsɔw nɩ a nafɩlɛ a,
a bɛ zɛbr-torkori damnɛ na,
a gbɛ́ɛ ɩrɛ nɩ gɔmɛ bɛ dɩ vuo ɩ.
A ɩ n a lɛ, a sãà mɩnɛ kanyir za baarɩ,
bɛ bɛ cãà kaarɛ a bɛ bibiir zie ɩ.
4Bʋnʋ ƴãw?
Bom za sãw-bɛrʋ bibir na n'ʋ vɩɛ
a Filisɩtɛ̃ mɩnɛ zie a ƴãw.
Nɩr za bɛ cãà be na sõw
a Tɩ́ɩ̀r nɩ a Sɩdɔ̃ tẽ-bɛrɛ ɩ.
A Sore sãw nɩ bom za bɛr
a Filisɩtɛ̃ mɩnɛ tẽw,
a kʋ̃ɔ-kpɛ̃ɛ-sɔgɔ-tẽw Kafɩtɔɔr#47:4 Kafɩtɔɔr: A kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ a Kɩrɛtɩ a n'ʋ. Be n'a a Filisɩtɛ̃ mɩnɛ tɩ yi.
nɩbɛ bɛ ŋa na cãà vʋʋrɛ a.
5A Gaza a, a nɩbɛ za zuru fɔr'a.
A Asɩkalon a, a nɩbɛ za ɩ n gbili.
A nyɩɩm na ɩ a nɩ-kɛrɩ
jarmam jarmam#47:5 Nɩ-kɛrɩ jarmam jarmam: A Anakitɩ mɩnɛ nɛbɛ. Nyɛ̃ Zoz 11.22. Põ a zu, wɛr wɛr a ƴã-gan: A ɩ n wahala bãwfʋ, nyɛ̃ Zer 16.6. na cãà vʋʋrɛ a,
debor'a nyɩ na wɛr wɛr
a nyɩ ƴã-gamɛ tɩ ta n?
6Nyɩ yere na: “'Woi,
Sore zɛbr-sɔ-kpɛ̃ɛ ɛ,
Fʋ bɛ tɛr na pɩ̃ɛnɩ ɛ?
Lɛb kpɛ a fʋ kpar pʋɔ!
Gã zoom, ta lɛb dam ɛ.”
7Ɛcɛ, ŋmɩŋmɩn n'a ʋ na tʋ̃ɔ́ pɩ̃ɛnɩ,
a Sore wa n'ʋ tone ʋ a Asɩkalon tẽw,
nɩ a kʋ̃ɔ-kpɛ̃ɛ kõkowr ƴãw a?
Be n'a a Sore yel k'ʋʋ tuore ʋ.»
Currently Selected:
Zeremi 47: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
