Zeremi 48
48
Ƴɛ̀rʋ na ƴɛ̀r càar'ɩ Mowab tẽw a
1A Mowab tẽw ƴãw. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere:
«Nyɛ̃ kpɩɛrʋ na páw a Nebo#48:1 Nebo: Ʋ ɩ n tẽw ɛ́ mɩ̀ lɛb ɩ tãw yúor. Ʋ tɩ be n a Nebo tãw sɩɛmɩ́, a Zurdɛ̃ man saa-pɛrɩ́. tẽw a,
bɛ sãw ʋ na bɛr!
Nyɛ̃ vĩ na nyɔw a Kiriyatayim tẽ-kpɛ̃ɛ a,
bɛ zɛb'a de ʋ!
Nyɛ̃ vĩ na nyɔw a zɛbr-yir-kpɛ̃ɛ ŋa a,
ʋ lo na!
2A Mowab tẽw yúor bɔr'a.
Nɩbɛ tɩɛrɛ nɩ faa a Hɛsɩbon tẽw ƴãw, yere:
“Tɩ cen! Tɩ ír a tẽ-kpɛ̃ɛ ŋa bɛr
a nɩ-bʋʋrɛ sɔgɔ!”
A fʋ̃ʋ mɩ̀ a, Madɩmɛn i, fʋ na lo na,
bɛ na sãw fʋ na bɛr,
a zɛbr ta na tu fʋ.
3Cɛlsɩ yire nɩ a Horonayim tẽw pʋɔ:
“Bom za sãw na! Kpɩɛrʋ kpɛ̃ɛ n'ʋ!”
4A Mowab tẽw lo na,
a ʋ bibiir lɔbr'ɩ cɛlsɩ.
5A nɩbɛ dúor'ɩ a Luhitɩ dob zie kone nɩ.
Bɛ wone nɩ cɛlsɩ na ɩrɛ nɩbaalʋ a,
a Horonayim siwfʋ zie:
6“Nyɩ zɔrɛ! Nyɩ zɔrɛ ŋmɩɛr taa!
Nyɩ be a wɛja-kpalɛ pʋɔ mɛ̃ bõw-gaara a!”
7Mowab tẽw i, fʋ tɩ ɩrɛ na ƴãwn
a fʋ tome nɩ a fʋ na-bome ƴãw.
Ɛcɛ, bɛ mɩ̀ na zɛb'a de b.
A fʋ ŋmɩn Kemɔsɩ na cen nɩ tẽ-yũo
lãwnɩ a fʋ bàwr-maalbɛ
nɩ a fʋ nɩ-bɛrɛ, bɛ za.
8A zi-sãwnɛ na lʋɔr'ɩ a tẽ-bɛrɛ za,
tẽ-kpɛ̃ɛ kãw za kʋ̃ cɛ ɩ.
A fʋɔla na bɔr'a, ɛ́ a tã-sɛr sãw.»
À ŋá n'a a Sore yel.
9Nyɩ kʋ̀ pɩgɛ a Mowab,
bʋ̃ʋ n'ʋ vɛ̃, ʋ bɔbr'a k'ʋʋ ƴaw cen!
A ʋ tẽ-bɛrɛ lɩɛb'ɩ ziir na sãw gã a,
a bɛ cãà tɛr a nɩbɛ ɩ.
10Ŋmɛ-ƴãw, a páw sob nɛ
na tone a Sore tome salalala,
ɛ́ bɛ sàw a Sore na sãw
a Mowab tẽw bɛr a!
*
11«A Mowab pɔ̀lʋ daarɩ́ za a,
ʋ tɩ vʋʋrɛ na nɩ ƴã-ɓaarʋ.
Bɛ bɛ dãw diw ʋ cen nɩ tẽ-yoru ɛ.
Ʋ tɩ vʋʋrɛ nɩ zoom,
mɛ̃ divɛ̃ na tewli gã a divɛ̃-pɛr zu a.
Bɛ bɛ dãw lɩɛb'ʋ ƴãw bʋ̃-yoru pʋɔ ɩ.
Alɛ n'a so ʋ cãà tɛr a ʋ nʋ̃ɔ̀
ɛ́ a ʋ nyũu cãà ŋmɛ̃ ʋ ŋmɛ̃a.»
12A Sore yere na: «Alɛ n'a so, a daar ɩ̃ na na tõ nɩbɛ bɛ wa lɩɛb'ʋ ƴãw bʋ̃-yoru pʋɔ a tarɛ na. A sɩn al za pʋɔ ʋ na be a, bɛ na lɩɛb'ʋ na, ɛ́ ŋmɛr a sɩn bɛr. 13A Mowab na nyɛ̃ nɩ vĩ a ʋ ŋmɩn Kemɔsɩ ƴãw, mɛ̃ a lɛ a Ɩsɩrayɛl nɩbɛ na tɩ ƴãw a bɛ tɩɛrʋ a Betɛl ŋmɩn#48:13 Betɛl ŋmɩn: Nyɛ̃ 1Na 12.28-29. ƴãw, wa nyɛ̃ vĩ a.
14Mowab tẽw nɩbɛ ɛ,
ŋmɩŋmɩn za n'a nyɩ sàw yel:
“Soja-gãdaar'ɩ tɩ,
zɛbr-nɩbɛ mɩŋa”?
15Bɛ sãw nɩ a Mowab tẽw bɛr,
bɛ cere na kɛ́ bɛ tɩ zɛb'ɩ a ʋ tẽ-bɛrɛ.
Bɛ nyɔw nɩ a soja-pɔlɛ vɩɛlɩ vɩɛlɩ zie
cere nɩ a kʋb zie.»
À ŋá n'a a Na-kpɛ̃ɛ, a yúor na dɩ kɛ́ “Sore kpɛnʋ-za-sob” a, yere:
16A Mowab tẽw loba pɩɛl'a,
a kpɩɛrʋ na wa n fɔ̃w fɔ̃w a ʋ ƴãw.
17Nyɩ puor'ʋ a ʋ wahala,
nyɩɩm nɩ-bʋʋrɛ za na kpɩɛr pɩɛl'ʋ
ɛ́ bãw ʋ vla vla a.
Nyɩ yel: «Ŋmɩŋmɩn za n'a a fãw-kpɛ̃ɛ ŋa,
a kpɛnʋ na vɩɛl vɩɛl a, wa tɩ baarɩ?»
*
18Divon tẽw nɩbɛ ɛ,
nyɩ siw a nyɩ da-kɔw-yúor zu,
nyɩ zɩ̃ a sagɛ pʋɔ.
Bʋ̃ʋ n'ʋ vɛ̃, a sob nɛ
na sãwnɛ a Mowab tẽw a,
waar'ɩ a nyɩ ƴãw.
Ʋ darɛ nɩ a nyɩ zɛbr-yir-kpɛn lɔbr.
19Arowɛɛr tẽw dem i,
nyɩ cen a sɔ́r zu tɩ gùre.
Nyɩ sowri a bɛlɩ dem
na zɔrɛ a nɩ a bɛlɩ dem na cɩ̃ɛ a, à ŋá:
«Bʋ̃ʋ n'ʋ ɩ?»
20Bɛ na sɔw na:
«A Mowab tẽw lo n ʋ za,
vĩ nyɔw ʋ na!»
Nyɩ cɩɩrɛ, nyɩ kone bɔbr'ɩ sõwfʋ!
Nyɩ yel a Arnon man nʋɔr,
k'aa Mowab tẽw sãw na!
21A ƴɛ̀rʋ a Sore na dɩ a n'ʋ páwr a tã-sɛr vuo, nɩ Holon, Yahasɩ, Mefaatɩ, 22Divon, Nebo, Bɛtɩ-Divilatayim, 23Kiriyatayim, Bɛtɩ-Gamul, Bɛtɩ-Meon, 24Keriyɔtɩ, nɩ Bɔsɩra tẽ-bɛrɛ. Ʋ páwr'ɩ a Mowab tẽ-bɛrɛ za, a al na pɩɛlɩ a, nɩ a al na zãá a.
25A Sore yere na:
«A Mowab fãw za bɔr'a,
a ʋ kpɛnʋ bɛ cãà ɩ.»
26A Mowab tɩ tɩɛr'a k'ʋʋ gãw nɩ a Sore. A lɛ pʋɔ a, bɛ ƴãw k'ʋ nyũ a ʋ divɛ̃ tɩ ti! A lɛn daar a, a nɩbɛ za mɩ̀ na ɩrɛ ʋ na laar. 27Mowab i, lɛb tɩɛrɩ a lɛ fʋ na tɩ ɩrɛ a Ɩsɩrayɛl laar a. Fʋ tɩ ɩ na mɛ̃ fʋ de ʋ na k'ʋ ɩ nyãnyuwe a. Bʋ̃ʋ n'ʋ vɛ̃, fʋ bɛ tʋ̃ɔ́ mɩ́ tɩ ƴɛ̀rɛ a ʋ ƴɛ̀rʋ, ɛ́ ɩrɛ ʋ laar gɔwrɛ nɩ zu ɛ?
28Mowab tẽw dem i,
nyɩ yi a tẽ-bɛrɛ pʋɔ,
nyɩ cen tɩ kpɩɛr pìe pʋɔ.
Nyɩ cɔwrɩ a naŋmamɛ na wob a cowr
ziir na bɛ tɛr tab, fʋɔl-zulu nʋɔr a.
*
29Tɩ wõ n a Mowab pɔ̀lʋ yele.
Nyɛ̃ pɔ̀l-ɩb na sɛw a!
Nyɛ̃ nyɔka-ɩb a!
Nyɛ̃ pɔ̀l-ɩb a!
Nyɛ̃ ʋ na manɛ kɛ́ ʋlɛ n'ʋ bɛ wõ a!
Nyɛ̃ ʋ na tɩɛrɛ k'ʋʋ zuo nɩ nɩr za a!
30A Sore yere na: «Ɩ̃ mɩ̀ bãwnɩ a na: Ʋ ƴãw nɩ manʋ. Ɛcɛ, ƴɛ̀r-foli n'a ʋ ƴɛ̀rɛ, a ʋ ɩb bɛ tɛr bir ɛ.»
31Alɛ n'a so ɩ̃ ùore a Mowab tẽw ƴãw,
ɩ̃ lɔbr cɛlsɩ a Mowab tẽw za ƴãw,
ɛ́ kone a 'woi 'woi
a Kɩɩr-Hɛrɛsɩ tẽw dem ƴãw.
32Sivima tẽw divɛ̃ tɩɛ ɛ,
ɩ̃ kone fʋ na gãw
a Yazɛɛr tẽw nɩbɛ ɩ̃ na kone a.
Fʋ tɩ tɛ n a fʋ wuli bɛr
a tɩ gãw a kʋ̃ɔ-kpɛ̃ɛ-kũu bɛr,
a cen tɩ tɔ a Yazɛɛr tẽw.
Ɛcɛ, a zi-sãwnɛ lo na nyɛ
a fʋ divɛ̃ tɩ-wɔmɛ nɩ a fʋ bʋ̃-dieri.
33A nʋ̃ɔ̀ cáarʋ na tɩ cáarɛ a
bɛ cãà be a Mowab tẽw
tɩ-wɔnɩ zaadɛnɩ pʋɔ ɩ.
A divɛ̃ bɛ cãà a sɩn pʋɔ ɩ.
Nɩbɛ bɛ cãà be nɛbr íre a divɛ̃ ɩ.
Nɩr bɛ cãà wone a bɛ cɛlsɩ
na ŋmɩɛr manɛ taa a ɩ.
34A Hɛsɩbon tẽw dem kone na bɔbr'ɩ sõwfʋ. A bɛ kon yire nɩ Eleale tẽw. A bɛ kɔkɛɛ yire nɩ Yahasɩ, ɛ́ yire Sowaar tɩ ta Horonayim nɩ Egilatɩ-Selisiya. Bʋ̃ʋ n'ʋ vɛ̃, a Nimirim kʋ̃ɔnɩ zie tɛɛ za lɩɛb'ɩ wɛja nɩr na bɛ kpɩɛr a.
35«A mãa Sore, ɩ̃ yere na: Ɩ̃ na ɩ na a bɛlɩ dem na mɩ́ cen a maalʋ-ziir tɩ maalɩ bagɛ kʋ̀ a bɛ ŋmɩmɛ a, bɛ bɔr a Mowab tẽw pʋɔ.»
36Alɛ n'a so ɩ̃ kone a Mowab nɩ Kɩɩr-Hɛrɛsɩ ten dem. A ɩ̃ kon ɩ na mɛ̃ wele kɔkɔr na yere: a na-bome bɛ na bɔ gbõ taa a, bɔr'a. 37A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ. 38A Mowab tẽw yie gàrɛ za zu a, nɩ a nɩ-yaga tuor-taa ziir za a, kon tɛwr'a. «Ɩ̃ ŋmɛr'ɩ a Mowab tẽw bɛr, mɛ̃ bom bɛ na bɛ cãà nɔnɛ a.» À ŋá n'a a Sore yere. 39Ɛ́ bʋnʋ yaa! A Mowab lo na! Nyɩ kone! Mowab lɩɛb'ɩ pùor, nyɛ̃ vĩ a! Ʋ ɩrɛ nɩ laarʋ nɩ pʋl-vʋ̃ɔ a ʋ sɩman dem za.
*
40À ŋá n'a a Sore yere: «A ɩ na mɛ̃ sidum yɛ̀r'ɩ a ʋ pɩgɛ laarɛ nɩ a Mowab tẽw zu-sɔw a.»
41Bɛ zɛb'a de a tẽ-bɛrɛ,
bɛ zɛb'a de a zɛbr-yir-kpɛn.
Lɛ n'a pʋl-vʋ̃ɔ tɛr a Mowab zɛbr-nɩbɛ bɛl na kpɛ socir a, mɛ̃ pɔw na dɔwr a.
42A Mowab tẽw sãw na,
ʋ bɛ lɛb cãà ɩ nɩ-bʋʋrɛ ɩ,
bʋ̃ʋ n'ʋ vɛ̃, ʋ tɩ tɩɛr'a
k'ʋʋ ɩ n kpɛ̃ɛ zuo a Sore.
43A Sore yere na:
«Mowab tẽw dem i,
dɛ̃bɩ̃ɛ, bɔw-zulu nɩ bɛrɩ n'a, a nyɩ ƴãw!
44Sob nɛ na zɔrɛ a dɛ̃bɩ̃ɛ niŋé a,
na lo n bɔw-zulu pʋɔ,
ɛ́ sob nɛ na lɛb yire a bɔw pʋɔ a,
na lo n bɛra pʋɔ.
Bʋ̃ʋ n'ʋ vɛ̃, ɩ̃ na ɩ na
à á ŋá za wa a ʋ zu, a Mowab zu,
a yũon ʋl ɩ̃ nãà wa sowri ʋ bom a.
A Sore n'ʋ yel.
45A bɛlɩ dem na zɔrɛ a, bɛ bàl'a.
Bɛ tɛw na àr a Hɛsɩbon tẽw.
Ɛcɛ vũu yi n a Hɛsɩbon tẽw pʋɔ,
vũu-zɛlɛ yi n a Sihon#48:45 Sihon: Ʋ tɩ dɩ n naalʋ koro kãw za a Hɛsɩbon tẽw pʋɔ. Nyɛ̃ Wl-ayi 2.26. nãà yir pʋɔ.
A dɩ n a Mowab tacɩlɛ,
nɩ a po-to-fãw dem zuŋmamɛ.
46Nyɛ̃ kpɩɛrʋ na páw fʋ a, Mowab i!
Ŋmɩn Kemɔsɩ nɩbɛ ɛ, nyɩ wɛ na!
Bʋ̃ʋ n'ʋ vɛ̃, bɛ nyɔw nɩ a nyɩ bidɛbr
nɩ a nyɩ pɔwyaar cen nɩ, bɛ ɩ nɩ-pàwrɩ.»
47Ɛcɛ, a Sore yere na:
«Bibir kãw a,
ɩ̃ na lɛb'a maalɩ a Mowab tẽw ƴãw.»
A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.
Currently Selected:
Zeremi 48: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
